मैले जीवनमा धेरैलाई प्रेम गरेँः तुलसी दिवस

A+ A A-

मानिसहरु प्रेम गर्ने मान्छे नभएर एक्लिएका हुन्छन् । मलाई प्रेम गर्ने धेरै छन्, म प्रेम गर्ने धेरै भएर एक्लिएको छु ।

मेरो विचारमा प्रेम अनुभव र अनुभुति हो । प्रेमको कुनै परिभाषा छैन । यसलाई बोलेर ब्यक्त गर्न सकिँदैन । प्रेमलाई परिभाषामा बाँधेर हेर्ने काम नै मेरो नजरमा गलत कार्य हो । यस संसारमा प्रेमबाट अलगिएको वा प्रेम नगर्ने मानिस बिरलै हुन्छ । मैले पनि गरेँ कसैलाई प्रेम ।

प्रेम कुनै अपराध होइन । यो त संसारको उच्चतम वस्तु हो । मेरै हिसाबले हेर्ने हो भने म सँगको प्रेमको कुनै सीमा नै छैन ।

मैले जीवनमा धेरैलाई प्रेम गरेँ । कहिलेकाहीँ त एकैपटकमा दुईतीन जना पनि थिए मेरो प्रेममा । मैले मेरा प्रेमहरुलाई कहिल्यै नकारात्मक रुपमा लिइन । किनकि त्यो समयमा मेरो मनमा आएको आवेगलाई छेक्न सकिन ।

मैले उसोत कसैलाई पनि आफ्नो तर्फबाट प्रेम प्रस्ताव राखिन । तर एक जना थिइन् उनले मलाई निकै प्रेम गर्छिन् भन्ने थाहा पाएपछि चाहिँ मैलै उनलाई बोलाएर प्रेम प्रस्ताव राखे । मैले प्रेमका लागि कुनै भ्यालेनटाइन कुरिरहन परेन र न त कुनै प्रकारको गुलाब र चकलेट बाँड्नु पर्यो ।

तर मैले अरुबाट चाँही धेरै प्रेम पाएको छु । मेरो सम्पर्कमा आउन चाहनेहरु धेरै भएको मैले अनुभव गरेको छु । रमाइलो पक्ष के हो भने प्रेम गर्नेहरु धेरै भएकै कारण सायद मैले कसैलाई छान्न नसकेर म अहिलेसम्म अविवाहित भएको हुँ भन्ने लाग्छ ।

म विश्वका धेरै देशहरुमा पुगेको छु । मलाई मन पराउने मानिसहरु थुप्रै थिए । नेपाली साहित्यको इतिहासमा सबैभन्दा कम उमेरमा प्राज्ञ भएको मान्छे म ।

मानिसहरुले प्रेम दिवस मनाउनु विकृती भन्छन् तर मलाई लाग्छ प्रेम दिवस मनाउनु पर्छ । बर्षौसम्म रहने प्रेमलाई सप्ताहको रुपमा मनाउनु कुनै आपत्ति छ जस्तो लाग्दैन ।

मेरो व्यक्तित्वले पनि मेरो पछि लाग्ने मानिसहरु बढी हुन्थे । देश विदेशमा घुमफिर गर्ने क्रममा धेरैजनासँग प्रेम भएको छ तर किन मेरो जीवनमा विवाह पछि प¥यो खै मलाई नै थाहा छैन ।

विवाह जीवनको अमूल्य पक्ष हो । मानिस कल्पनाशीलतामा मात्र रहेर बाँच्न सक्दैन । मैले पनि बिवाहलाई आवश्यक नठानेको होइन तर प्रेम गरिएका सबैसँग विवाह सम्भव थिएन ।

अझै पनि कसैलाई सम्झनै सक्दिन भने कसैलाई विर्सनै सक्दिन । जैविकरुपमा जीवनलाई लिनु पर्ने हुनाले पनि विवाह गर्नु आवश्यक छ । तर म अबको समयमा बिवाहलाई सोच बनाउँदिन ।

मानिसहरुले प्रेम दिवस मनाउनु विकृती भन्छन् तर मलाई लाग्छ प्रेम दिवस मनाउनु पर्छ । बर्षौसम्म रहने प्रेमलाई सप्ताहको रुपमा मनाउनु कुनै आपत्ति छ जस्तो लाग्दैन ।

सप्ताहव्यापी रुपमा प्रेम दिवस मनाउनु के कारण नराम्रो हुन्छ ? हाम्रा चाडपर्व पनि त बर्षमा एकचोटी आँउछन् हामी त्यसलाई उल्लासमय बनाउँछौं । तर प्रेम दिवस मनाउँदा चाँही किन आपत्ति ? प्रेम र प्रेम दिवसलाई कसरी सुसभ्य, माननीय, मानवीय बनाउन सकिन्छ भन्ने चाहिँ ठुलो कुरा हो ।

प्रेम त कसैले कसैलाई दिएको सुन्दर उपहार हो । यो शारीरिक वा जैविक र मानसिक वा आत्मिक जसरी पनि हुन सक्छ ।

प्रेम हुनको लागि शारीरिक आर्कषण स्वभाविक हो तर आजकाल प्रेमका नाउँमा शारीरिक आर्कषण बढी नै देखिएको छ । आजकाल प्रेम दिवसलाई पश्चिमा संस्कृति हो त्यसैले नराम्रो भन्ने गरेका छन् तर हामीले अरुको संस्कृतिको पनि स्वागत गर्नुपर्छ र आफ्नाे संस्कृतिलाई चलायमान बनाउनुपर्छ ।

हामीले कुनै पनि नयाँ बाहिरको प्रचलन चलाउँदा आफ्नो संस्कृतिलाई ध्यानमा राखेर मात्र स्वीकार गर्न जान्नुपर्छ, होइन भने आफ्नै संस्कृति पनि हराउने सम्भावना रहन्छ । राम्रा पक्षलाई जहाँबाट ल्याएर स्विकार गर्दा पनि हुन्छ र नराम्रा कुराहरुसँगै संस्कृतिको नाउँमा सती जानु पनि हुँदैन् ।

प्रेम जससँग पनि हुन सक्छ, आमा र छोरा, दाजुभाइ दिदीबहिनी वा साथी तर किशोरकिशोरीबीचमा हुने प्रेमचाहिँ बढी आकर्षण हुने गर्दछ ।

हामी प्रेमलाई विवाहको बन्धनमा बाँधेर हेर्छौँ तर त्यो हेराइ गलत हो । प्रेम त कसैले कसैलाई दिएको सुन्दर उपहार हो । यो शारीरिक वा जैविक र मानसिक वा आत्मिक जसरी पनि हुन सक्छ ।

प्रेम सुरु हुनु अघि मानिस कसरी आकर्षक भयो भन्ने कुराचाहिँ महत्वपूर्ण हो । प्रेम कहिल्यै पुरानो हँँदैन र प्रेमले मानिसलाई एउटा ऊर्जा प्रदान गर्दछ । प्रेमले त जस्तोसुकै अभावमा पनि जीवनलाई सुखद् र विशेष बनाउने गर्दछ । प्रेमलाई आफूले जे अनुभूत गरियो त्यसरी नै हेर्नुपर्दछ ।

प्रेम जससँग पनि हुन सक्छ, आमा र छोरा, दाजुभाइ दिदीबहिनी वा साथी तर किशोरकिशोरीबीचमा हुने प्रेमचाहिँ बढी आकर्षण हुने गर्दछ ।

प्रेमले मानिसलाई आनन्द प्रदान गर्दछ । आनन्दित मान्छे नै काममा क्रियाशील हुन्छ । क्रियाशील भएर गरेको कामले सफलता पाउँछ । त्यसैले प्रेम सफलताको एउटा सूचक पनि त हो ।

अरुलाई दोषारोपण नगरीकन आफ्नो लक्ष्य प्राप्तिमा लागियो भने प्रेमले दीर्घजीवन पाउँछ त्यसैलै प्रेम आवश्यक छ र प्रेम टिकाउ हुनुपर्छ भन्ने मेरो धारणा हो ।

प्रकाशित मिति: शुक्रबार, फागुन ३, २०७५ ०३:१०