जिल्लाअनुसार एमालेकाे फरक-फरक तालमेल, ५२ पालिकामा नेतृत्व नै त्यागेर गठबन्धन (सूचीसहित)

जिल्लाअनुसार एमालेकाे फरक-फरक तालमेल, ५२ पालिकामा नेतृत्व नै त्यागेर गठबन्धन (सूचीसहित)

A+ A A-

देशभर कुनै पनि दलले एकल प्रतिस्पर्धामा भाग लिन नसकेको देखिएको छ । स्थानीय तहको चुनावमा सबैभन्दा बढी उम्मेदवार उठाएको नेकपा एमालेले पनि २३ वटा प्रमुख छोडेर र ३६ वटा पालिकामा उपप्रमुख छोडेर तालमेल गरेको छ । त्यस्तै ४० भन्दा बढी पालिकामा अध्यक्ष-उपाध्यक्ष दुवै एमाले उम्मेदवार उठाएर केही वडाअध्यक्ष तालमेल गरेको पार्टीलाई दिएर पनि एमालेले गठबन्धन गरेको छ ।

सत्तारुढ पाँचदलीय गठबन्धनले औपचारिक निर्णय नै गरेर पाँच दलभित्र गठबन्धन गर्ने निर्णय गरे पनि अधिकांशमा तालमेल नहुँदा एमालेले देशभरका करिब सय पालिकामा तालमेल गरेको छ ।

तालमेल गरेका स्थानीय तहमध्ये एमालेले ३२ वटा पालिमा अध्यक्ष वा प्रमुख आफ्नो पार्टी र उपाध्यक्ष वा उपप्रमुखमा तालमेलमा आएको अर्को पार्टीका उम्मेदवारलाई समर्थन गरेकाे छ ।

त्यस्तै २० वटा पालिकामा तालमेल गरेको पार्टीका उम्मेदवारलाई अध्यक्षमा वा प्रमुखमा समर्थन गरेर र उपाध्यक्ष वा उपप्रमुखमा आफ्नै उम्मेदवार उठाएकाे छ ।

यसको अर्थ यी ५२ पालिकामा एमालेले प्रमुख वा उपप्रमुख, अध्यक्ष वा उपाध्यक्ष नै छोडेर तालमेलमा जुटेको छ ।

कतिपय पालिकामा दुवै पद नलिइ र कतिपयमा दुवै पद लिएर पनि तालमेल गरेको देखिएको छ ।

विशेषगरी अध्यक्ष वा उपाध्यक्ष र प्रमुख वा उपपप्रमुख छोडेर तालमेल गरेका स्थानीय तहहरू कुन-कुन हुन् त ? यसबारे चर्चा गराैँ ः

एमालेले सत्ता गठबन्धनभित्रका कांग्रेस र माओवादीसँग समेत तालमेल गरेको छ भने झापामा कांग्रेस र राप्रपा । तराईका कतिपय जिल्लामा महन्थ ठाकुर नेतृत्वको लोसपा, तनहुँमा कांग्रेसको असन्तुष्ट गोविन्दराज जोसी समूह, भरतपुरमा राप्रपा, गुल्मी, प्युठान, सिन्धुपाल्चोकलगायतका जिल्लामा नेकपा माओवादी केन्द्र, रुकुम रोल्पामा कांग्रेसलगायतका दलहरूसँग एमालेले तालमेल गरेको छ ।

एमाले दुई महानगरपालिकामा समेत तालमेल गरेको छ । भरतपूर महानगरपालिकामा राप्रपाको उपप्रमुखलाई समर्थन गरेर तालमेल गरेकाे छ । यो पालिकामा एमालेकोतर्फबाट प्रमुखमा विजय सुवेदी हुँदा गठबन्धनकातर्फबाट राप्रपाका हिमला गुरुङ उपप्रमुख रहेका छन् ।

त्यस्तै वीरगञ्ज महानगरपालिकामा एमालेको तर्फबाट वीजयकुमार सारवगी प्रमुखमा र लोसपाको तर्फबाट पुरूषोत्तमलाल झाले उपप्रमुखमा उम्मेदवार छन् ।

उपाध्यक्ष वा उपपप्रमुख भएको तर अध्यक्ष वा प्रमुख नभएका स्थानीय तह

कचनकवल गाउँपालिका, झापा
व्यास नगरपालिका,तनहुँ
नार्पा भूमि गाउँपालिका, मनाङ्
धुर्कोट गाउँपालिका, गुल्मी
पुथा उत्तरगंगा गाउँपालिका, रुकुम पूर्व
भूमे गाउँपालिका, रुकुम पूर्व
सिस्ने गाउँपालिका,कुम पूर्व
पुथा उत्तरगंगा गाउँपालिका, रुकुम पूर्व
परिवर्तन गाउँपालिका, रोल्पा
तिलागुफा नगरपालिका, कालिकोट
महावै गाउँपालिका, कालिकोट
छार्का ताङसोङ गाउँपालिका, डोल्पा
चौरजहारी नगरपालिका, रुकुम पश्चिम
मुसिकोट नगरपालिका, रुकुम पश्चिम
सानीभेरी गाउँपालिका, रुकुम पश्चिम
कुमाख गाउँपालिका, सल्यान
नाम्खा गाउँपालिका, हुम्ला
अमरगढी नगरपालिका, डडेलधुरा
गन्यापधुरा गाउँपालिका, डडेलधुरा
नवदुर्गा गाउँपालिका, डडेलधुरा

अध्यक्ष वा प्रमुख भएका स्थानीय तह तर उपाध्यक्ष वा उपपप्रमुख नभएका पालिका

मानेभञ्ज्याङ गाउँपालिका, ओखलढुंगा
मेरिङदेन गाउँपालिका, ताप्लेजुंग
सिदिङ्वा गाउँपालिका, ताप्लेजुंग
फिदिम नगरपालिका, पाँचथर
दुहवी नगरपालिका, सुनसरी
मिथिला बिहारी नगरपालिका, धनुषा
वीरगञ्ज महानगरपालिका,पर्सा
भरतपुर महानगरपालिका, चितवन
माडी नगरपालिका, चितवन
वैतेश्वर गाउँपालिका,दोलखा
किस्पाङ गाउँपालिका, नुवाकोट
सुनकोशी गाउँपालिका, सिन्धुपाल्चोक
मरिण गाउँपालिका, सिन्धुली
ऋषिङ्ग गाउँपालिका, तनहुँ
बन्दिपुर गाउँपालिका, तनहुँ
भानु नगरपालिका, तनहुँ
गैडाकोट नगरपालिका, नवलपरासी (बर्दघाट सुस्ता पूर्व)
तमानखोला गाउँपालिका, बागलुङ
बागलुङ नगरपालिका, बागलुङ
मनाङ ङिस्याङ गाउँपालिका, मनाङ्ग
झिमरुक गाउँपालिका, प्यूठान
माडी गाउँपालिका, रोल्पा
शे फोक्सुन्डो गाउँपालिका, डोल्पा
बनगाड कुपिण्डे नगरपालिका, सल्यान
अदानचुली गाउँपालिका, हुम्ला
खार्पुनाथ गाउँपालिका, हुम्ला
मेल्लेख गाउँपालिका, अछाम
अजयमेरु गाउँपालिका, डडेलधुरा
भागेश्वर गाउँपालिका, डडेलधुरा
त्रिवेणी नगरपालिका, बाजुरा
बुढीनन्दा नगरपालिका, बाजुरा
सुर्नया गाउँपालिका, बैतडी

स्थानीय तहको दलको अवस्था हेरी दलहरूले तालमेल गरेको देखिएको छ । तर पाँच दलीय गठबन्धनभित्र केन्द्रबाट नै दबाब दिने काम गरिएको छ भने एमालले स्थानीयस्तरमा आफ्नो उपस्थितिलाई हेरेर र सत्ता गठबन्धनका दलमा देखिएको असन्तुष्टिलाई हेरेर तालमेल गरेको देखिएको छ ।

यद्यपि एमाले अध्यक्ष केपी शर्मा ओलीले पाँच दल भर्सेस आफ्नो पार्टी चुनावी मैदानमा रहेको बताएका छन् । कांग्रेस महामन्त्री गगनकुमार थापाले केन्द्रमा भएको तालमेलको आधारमा कांग्रेसले गठबन्धन गरे पनि एमालेले जस्तोसुकै पार्टीसँग पनि तालमेल गरेको बताए । 'एमाले गठबन्धनभित्र कतिबेला असन्तुष्टी होला र तालमेल गरौंला भन्ने शैलीमा अघि बढ्यो, जहाँ जो देखिन्छ उसैसँग तालमेल गर्‍यो', उनले भने ।

प्रकाशित मिति: शुक्रबार, वैशाख २३, २०७९ १०:१०