युट्युब हेर्नेहरू घटे, दर्शक तान्न नयाँ उपाय

A+ A A-

नेटफ्लिक्स, अमेजनजस्ता साइटमा गएर भिडियाे हेर्ने दर्शक बढेसँगै युट्युबकाे लाेकप्रियता केही ओरालाे लागेकै थियाे । टिकटक आइसकेपछि छाेटाे भिडियाे पारखीहरू त्यतै झुम्मिए । अनि फेसबुक, इन्स्टाग्रामहरूमा पनि भिडियाे हाल्न पाएपछि दर्शकहरूकाे हेर्ने प्लेटफर्म झन् बिस्तारित भयाे । माइक्राे ब्लगिङ साइट ट्वीटरले पनि दुई मिनेट २० सेकेन्डसम्मकाे भिडियाे हाल्ने अनुमति दियाे । यी सबैले युट्युबकाे लाेकप्रियतामा विराम लगाए ।

दर्शकहरू झन् घट्दै गएपछि युट्युबले अडियन्स इन्गेजमेन्टकाे नयाँ रणनीति ल्याएकाे छ । छाेटाे भिडियाेका लागि टिकटकमा जाने दर्शकलाइ राेक्न ‘युट्युब सर्ट्‌स’को नयाँ फिचरले १ देखि ५ सेकेन्डसम्मका भिडियो राख्ने अनुमति दिन्छ ।

युट्युब भिडियोलाई छोट्याएर पोस्ट गर्ने सुविधा पनि सर्ट्‌स‌मा छ । त्यस्तै, टिकटकमा जस्तै युट्युबको यो फिचरमा आफ्नो कन्टेन्ट अन्य अडियोमा हाल्न मिल्ने भएको छ ।

यसका साथसाथै ‘ओरिजिनल’ भिडियोको लिङ्क पनि नयाँ भिडियोमा देख्न सकिन्छ । अरुको भिडियोमा आफ्नो भिडियो जोड्ने (स्टिच) जस्ता टिकटकले उपलब्ध गराउँदै फिचर पनि युट्युब सर्ट्‌स‌मा राखिएको छ ।

युट्युब सर्ट्‌स‌का सामग्री गुगलले 'मोनिटाइज' गराउने तयारी गरिरहेको अन्तर्राष्ट्रिय सञ्चारमाध्यमहरूले जनाएका छन् । गुगलका सीईओ सुन्दर पिचाईका अनुसार युट्युब सर्ट्‌सले दैनिक ३० लाखभन्दा माथि भ्युज युट्युबमा बढाएको छ ।

युट्युब सर्ट्‌स‌ले हालै ल्याएको नयाँ फिचरले पनि यसको लोकप्रियता बढाएको पिचाईको दाबी छ । टिकटकको लोकप्रियता बढेसँगै अन्य एपहरूले पनि टिकटकको जस्तै फिचर ल्याउने क्रम जारी छ । त्यसै क्रममा युट्युबले पनि ‘युट्युब सर्ट्‌स‌’ भनेर नयाँ फिचर ल्याएको थियो ।

प्रकाशित मिति: बुधबार, वैशाख २१, २०७९ १२:१३