दैलेखमा कांग्रेस र एमालेबीच नै प्रतिस्पर्धा, माओवादी र समाजवादी गठबन्धन गर्ने रणनीतिमा (०७४ को परिणामसहित)

दैलेखमा कांग्रेस र एमालेबीच नै प्रतिस्पर्धा, माओवादी र समाजवादी गठबन्धन गर्ने रणनीतिमा (०७४ को परिणामसहित)

A+ A A-

३० वैशाखमा हुने स्थानीय चुनावको तयारीमा दलहरू जुटेसँगै उम्मेदवारका आकांक्षी पनि सक्रिए भएका छन् । ११ वटा स्थानीय तह रहेको दैलेखमा एमाले, कांग्रेस, माओवादी केन्द्र र एकीकृत समाजवादीको बढी प्रभाव छ भने केही वडामा नेपाल मजदुर किसान पार्टीको पनि प्रभाव छ ।

अहिले दलहरू चुनावी कार्यक्रम लिएर गाउँगाउँमा पुगेका छन् । कांग्रेसले 'घरघर जाऊँ, कांग्रेसलाई जिताऊँ' अभियान चलाइरहेको छ भने एमालेले अगुवा कार्यकर्ताबीच छलफल र अन्तर्क्रिया गरिरहेको छ । उता नेकपा माओवादी केन्द्र र नेकपा एकीकृत समाजवादी पार्टीले पनि प्रशिक्षण कार्यक्रम सञ्चालन गरेका छन् ।

दलहरू जनतालाई आफ्नो पार्टीमा आकर्षित गर्न लागिरहेका छन् भने सम्भावित उम्मेदवारहरू टिकटका लागि प्रयासमा लागिसकेका छन् । ११ वटा स्थानीय तहमध्ये अहिले एमालेको नेतृत्वमा पाँचवटा कांग्रेसको नेतृत्वमा चारवटा र एकीकृत समाजवादीको नेतृत्वमा दुईवटा छन् ।

२०७४ को स्थानीय चुनावमा एमालेले जिल्लाका चार नगरपालिकामध्ये दुईवटामा मेयर र उपमेयर तथा एकमा मेयर र एकमा उपमेयर जितेको थियो । यस्तै, सातवटा गाउँपालिकामध्ये एमालेले तीनवटामा प्रमुख र उपप्रमुख जितेको थियो । तीमध्ये एमाले विभाजनपछि दुई प्रमुख र एक उपप्रमुखले नेकपा एकीकृत समाजवादी रोजेका छन् ।

उता कांग्रेसले एक नगरपालिकामा मेयर र चारवटा गाउँपालिकामा प्रमुख तथा उपप्रमुख जितेको थियो । जिल्लाका ९० वडामा बहुमतले एमालेले जितेको थियो भने एक स्वतन्त्र र तीन नेमकिपाले जितेको थियो । अन्य कांग्रेसले जितेको थियो । माओवादीले वडा अध्यक्षमा पनि खाता खोल्न सकेको थिएन ।

०७४ का आधारमा भन्नुपर्दा यो पटक पनि कांग्रेस र एमालेबीच नै प्रमुख प्रतिस्पर्धा हुने देखिन्छ । तर, ०७४ भन्दा अहिले एमालेको जनमत खस्किएको छ । उसका दुई गाउँपालिका प्रमुख, एक उपप्रमुख, एक प्रदेश सांसद नेकपा एकीकृत समाजवादीमा लागेपछि उसको जनमतमा गिरावट आएको हो ।

चुनाव जित्नेमा विश्वस्त देखिएको कांग्रेसमा उम्मेदवारका आकांक्षी पनि निकै धेरै छन् । जिल्लाको सबैभन्दा पश्चिममा पर्ने आठबिस नगरपालिकामा कांग्रेसबाट हालकी उपमेयर दीपा बोहोरा, ०७४ का मेयर उम्मेदवार प्रेमप्रकाश शाही, पार्टीका महाधिवेशन प्रतिनिधि भूपेन्द्र शाही, पार्टीको नगर समिति सभापति अर्जुन शाही र पृथ्वी शाहीलगायत ११ जना आकांक्षी छन् ।

यस्तै, चामुण्डा विन्द्रासैन नगरपालिकामा ०७४ का मेयर उम्मेदवार गणेश शाही, वासुदेव शर्मा, ईश्वर विष्ट, अहिलेका वडा अध्यक्ष तथा पार्टीसचिव नारायण रेग्मी आकांक्षी छन् ।

कर्णाली प्रदेशकै दोस्रो ठूलो नगरपालिका दुल्लुमा पनि कांग्रेसबाट आधा दर्जनभन्दा धेरै नेताहरू उम्मेदवारका आकांक्षी छन् । हालका मेयर घनश्याम भण्डारी नदोहोरिने भएपछि अरु आकांक्षीले प्रयास तीव्र पारेका छन् । पार्टीका क्षेत्रीय सभापति भरत रिजाल, पार्टी पूर्वसचिव मातृका रिजाल, किरण भण्डारी, टंक रिमाल, दिनेश हमाल, सूर्य विकलगायत उम्मेदवारका आकांक्षी छन् ।

यस्तै, भैरवी गाउँपालिकामा रिता शाही, ०७४ का उम्मेदवार जनार्दन ज्ञावली, भक्ति उपाध्याय, प्रेम विष्ट, धीरेन्द्र सापकोटालगायतका नेताहरू आकांक्षी छन् । यस्तै, ठाँटीकाँध गाउँपालिकामा ०७४ का प्रमुख उम्मेदवार रक्षाबहादुर शाही, मदन शाही, देवेन्द्रबहादुर शाही, बलबहादुर शाहीलगायतका आकांक्षी छन् ।

जिल्ला सदरमुकामको नगरपालिका नारायण नगरपालिकामा पार्टी महाधिवेशन प्रतिनिधि भूपेन्द्र शाही, हालका वडाध्यक्ष प्रकाश न्यौपाने, भेषबहादुर थापा, यमबहादुर मल्ल, निर्मला खड्का र बासना थापा आकांक्षी छन् ।

यस्तै, महाबु गाउँपालिकामा लक्षुमन गुरुङ, झलक भण्डारी र रमेश दशौँदी आकांक्षी छन् । नौमुले गाउँपालिकामा हालका प्रमुख भदे बुढामगर, लालबहादुर चन्द र गंगा शाही आकांक्षी छन् । भगवतीमाई गाउँपालिकामा ०७४ का उम्मेदवार दशरथ खड्का, डा खगेन्द्र शाही, हेमशंकर अधिकारीलगायतका आकांक्षी छन् ।

डुंगेश्वर गाउँपालिकामा हालका प्रमुख नगेन्द्र मल्ल, नेत्र ओली, वडा अध्यक्ष बमबहादुर बीसी, बखत सापकोटालगायतका आकांक्षी छन् । गुराँस गाउँपालिकामा हालका प्रमुख खेमराज वली र पार्टी महाधिवेशन प्रतिनिधि पदम मल्ल, हर्क बीसी, बमबहादुर शाहीलगायतका आकांक्षी छन् ।

कांग्रेसमा आकांक्षी धेरै भए पनि उम्मेदवार चयन मापदण्डअनुसार नै हुने क्षेत्र नम्बर २ का क्षेत्रीय सभापति भरत रिजालले बताए । उनले उम्मेदवार बन्न पाउने सबैको अधिकार भए पनि पार्टीले एक मात्र उम्मेदवार बनाउने भएकाले सकेसम्म सहमतिमै उम्मेदवार तय गरिने बताए ।

नारायण नगरपालिकामा मेयरका आकांक्षी रहेका महाधिवेशन प्रतिनिधि भूपेन्द्र शाहीले पार्टीले उचित निर्णय गरेर टिकट दिने विश्वास व्यक्त गरे । उनले यसअघिकै चुनावमा आफू आकांक्षी रहे पनि त्यसबेला त्याग गरेकाले अहिले आफ्नो बलियो दाबेदारी रहेको बताए ।

एमाले विभाजनका कारण कांग्रेसको जित्ने सम्भावना बढी भएकाले पनि आकांक्षी धेरै भएको कांग्रेस नेताहरू बताउँछन् ।

आकांक्षीको संख्या एमालेमा पनि धेरै छ । हरेक स्थानीय तहमा तीन जनाभन्दा धेरै नै आकांक्षी छन् । आठबिस नगरपालिकामा हालका मेयर खड्गराज उपाध्याय, तर्क बडुवाल, पदम माझी, ओमजंग शाही र तेजबहादुर महतरा आकांक्षी छन् ।

यस्तै, जिल्ला सदरमुकामको नारायण नगरपालिकामा हालका जिल्ला समन्वय समिति प्रमुख प्रेम थापा, हालका मेयर रत्नबहादुर खड्का र लोमन शर्मा आकांक्षी छन् । यस्तै, महाबु गाउँपालिकामा हालका वडा अध्यक्ष हरि उपाध्याय, पूर्णबहादुर शाही र मिनबहादुर बुढा आकांक्षी छन् । नौमुल गाउँपालिकामा तेजबहादुर चन्द, प्रेम हमाल र शशिराम विक आकांक्षी छन् ।

भगवतीमाई गाउँपालिकामा शान्ति शर्मा, हालकी उपप्रमुख चन्द्र रेग्मी, नरेन्द्र शाही र शैलेन्द्र थापा आकांक्षी छन् । यस्तै, डुंगेश्वर गाउँपालिकामा सुन्दर केसी, मानबहादुर विष्ट र कलावती न्यौपाने आकांक्षी छन् । गुराँस गाउँपालिकामा चित्रबहादुर केसी, हालका वडा अध्यक्ष हिमबादुर वली र प्रेमबहादुर खड्का आकांक्षी छन् ।

यस्तै, दुल्लु नगरपालिकामा तिलक रिजाल, रुद्र शाही, डा. रमेश आचार्य, गंगराम दाहाल, खगेन्द्र बहादुर थापा आकांक्षी छन् । यस्तै भैरवी गाउँपालिकामा सर्वराज महतरा, हालका प्रमुख प्रेमबहादुर बुढा र हिक्मत बिक आकांक्षी छन् ।

चामुण्डा विन्द्रासैनी नगरपालिकामा हालका मेयर सूर्यबहादुर शाही, नेता सूर्यबहादुर शाही, शेरबहादुर रावत, हालकी उपमेयर तारा शाही र भरत शाही आकांक्षी छन् । यस्तै, ठाँटीकाँध गाउँपालिकामा हालका प्रमुख धिरबहादुर शाही, लालबहादुर शाही, बखत भण्डारी, योगेन्द्र थापा र कर्णबहादुर शाही आकांक्षी छन् ।

अहिले आकांक्षी धेरै देखिए पनि पार्टीले मापदण्ड बनाएर सकेसम्म सहमतिमै उम्मेदवार तय गर्ने नेकपा एमाले दैलेखका नेता जनक न्यौपानेले बताए । उनले पार्टी विभाजन भए पनि त्यसको खासै प्रभाव नपर्ने दाबी गरे ।

एकीकृत समाजवादी पार्टीले भने सकेसम्म गठबन्धन गर्ने नभए एक्लै भए पनि चुनावमा जाने रणनीति लिएको छ । जिल्लाका ११ स्थानीय तहमध्ये दुईवटा स्थानीय तहमा एकीकृत समाजवादीको बलियो उपस्थिति छ भने अन्य स्थानीय तहमा चुनावी नतिजा प्रभावित गर्न सक्ने मत छ । त्यसैले पनि एकीकृत समाजवादीको भूमिकाले चुनावी नतिजामा उलटफेर ल्याउन सक्ने देखिएको छ । एकीकृत समाजवादीका प्रदेश समन्वय समिति सदस्य नमनकुमार शाहीले सकेसम्म कांग्रेससहितको गठबन्धन गर्ने नभए माओवादी र मजदुर किसान पार्टीसँग पनि गठबन्धन गर्न सकिने बताए । उनले २० चैतसम्म उम्मेदवारबारे टुंगो लगाइसक्ने बताए । एकीकृत समाजवादी, माओवादी र नेमकिपाबीच गठबन्धन भए चामुण्डा विन्द्रासैन र आठबिस नगरपालिकामा याे गठबन्धनले कडा टक्कर दिनेछ ।

नेकपा माओवादी केन्द्रले भने केन्द्रको निर्णय कुरिरहेको छ । पार्टी जिल्ला संयोज प्रेम कटुवालले केन्द्रबाट निर्णय भएअनुसार मापदण्ड बनाएर उम्मेदवार चयन गरिने बताए । उनले अहिले चुनावी कार्यक्रममा केन्द्रित रहेको बताए । पार्टीका अगुवा कार्यकर्ता प्रशिक्षण भर्खर सम्पन्न भएको र अब दोस्रो चरणको चुनावी कार्यक्रम सुरु गरिने बताए । उनले पार्टी गठबन्धनकै पक्षमा रहे पनि एक्लै लड्नुपर्ने अवस्था आए त्यसका लागि पनि तयार रहेको बताए ।

०७४ को परिणाम

आठबिस नगरपालिका– खड्गराज उपाध्याय ३९२७ (एमाले), प्रेमप्रकाश शाही ३८८० (कांग्रेस)

गुराँस गाउँपालिका– खेमराज वली ४१६४ (कांग्रेस), प्रेमबहादुर खड्का ३४२३ (एमाले)

चामुण्डा विन्द्रासैन नगरपालिका– सूर्यबहादुर शाही २७७३ (एमाले), गणेश शाही २६७० (कांग्रेस)

ठाँटीकाँध गाउँपालिका– धिरबहादुर शाही १९२४ (एमाले), रक्षबहादुर शाही १५६२ (कांग्रेस)

डुंगेश्वर गाउँपालिका– नगेन्द्रबहादुर मल्ल २७८७ (कांग्रेस), मानबहादुर विष्ट २४६९ (एमाले)

दुल्लु नगरपालिका– घनश्याम भण्डारी ६३४९ (कांग्रेस), बरुनाथ योगी ६२८० (एमाले हाल एस)

नारायण नगरपालिका– रत्नबहादुर खड्का ४७२५ (एमाले), मणिराम रेग्मी ४४५१ (कांग्रेस)

नौमुले गाउँपालिका– भदे बुढामगर ३१५२ (कांग्रेस), लिलबहादुर राम्जाली २६४४ (एमाले)

भगवतीमाई गाउँपालिका– दानबहादुर थापा २३२९ (एमाले हाल एस), दशरथ खड्का १८८९ (कांग्रेस)

भैरवी गाउँपालिका– प्रेमबहादुर बुढा ३५८४ (एमाले), जनार्दन ज्ञवाली ३०७७ (कांग्रेस)

महाबु गाउँपालिका– जंगबहादुर शाही ३५२२ (एमाले हाल एस), कर्णबहादुर शाही २९०० (कांग्रेस)

प्रकाशित मिति: शुक्रबार, चैत ११, २०७८ ०७:३६

खेमराज थापा

प्रतिक्रिया दिनुहोस्

भर्खरै

नेकपा एसको महाधिवेशनमा साझा दस्तावेज पेस हुने

स्लोभाकियाका प्रधानमन्त्रीमाथि गोली प्रहार, अवस्था गम्भीर

एमालेले यसरी दियो मदन-आश्रितलाई श्रद्धाञ्जली, पूर्वराष्ट्रपति भण्डारी पनि सहभागी (तस्वीरहरू)

विभिन्न कार्यक्रम गरी मदन-आश्रित दिवस मनाइँदै

डोटीबाट नक्कली डाक्टर पक्राउ

लोकप्रिय

छानबिन समिति बने गृहमन्त्रीबाट राजीनामा दिने तयारीमा रवि लामिछाने

एउटै रेडियोमा काम गर्थे रवि र गगन, २५ वर्षपछि सम्बन्धमा कसरी बढ्यो खटपट ?

एमाले र माओवादीसँग कसरी बिग्रियो उपेन्द्रको सम्बन्ध ?

बर्खास्तीमा परेको साढे सात वर्षपछि सार्वजनिक कार्यक्रममा देखिए पूर्वअख्तियार प्रमुख कार्की

सन्दीपको मुद्दामा फैसला सुनाउनुअघि न्यायाधीशले सीसीटीभी फुटेज हेर्ने

विचार

नगरवधू आम्रपाली कसरी भिक्षु भइन् ?

खुसीको कुरा, नेपालीको आयु बढ्यो तर हेरचाह गर्ने कसले ?

इलाम- २ को उपनिर्वाचनपछि रास्वपा नेतृत्वले बुझाेस्- सधैँसधैँ आँधीहुरी आउँदैन

ब्लग

रहस्यैरहस्यको चाङ नरवीर नेम्वाङ

गोसाइँकुण्ड यात्राले स्वस्थ छु, चुस्त छु भन्ने भ्रमबाट मुक्त गरायो

म गे हुँ भनेर थाहा पाउँदा आमालाई सुर्ता भयो, 'अब यसलाई समाजले कति दुःख देला नि'

शिक्षा

अराजकताकाे केन्द्र बनिरहेका विद्यार्थी संगठन : आवरणमा शैक्षिक मुद्दा, व्यवहारमा चन्दा र आफन्तलाई जागिर जाेहाे

रोटरी अफ क्लब कान्तिपुर स्थापनाको अवसरमा दुई शिक्षक सम्मानित

राइटपाथको ‘ग्रान्ड एजुकेसन कन्क्लेभ’ भोलि हेटौँडामा, गायिका अञ्जु पन्त पनि सहभागी हुने