१० मत कम हुँदा स्थानीय तह प्रमुख बन्न नपाएका यी ८ पात्र (सूचीसहित)

A+ A A-

३० वैशाखमा हुने स्थानीय तह चुनावका लागि अहिले सरकार, निर्वाचन आयोग तथा राजनीतिक दलहरू तीव्र तयारीमा लागेका छन् । चुनावी कार्यक्रम पनि सार्वजनिक भइसकेकाे छ । उम्मेदवार बन्न चाहनेहरूले दौडधुप सुरु गरिसकेका छन् ।

अघिल्लो चुनावमा हार्नुको कारण र अहिले जित्ने आधारको खोजीमा दलहरू छन् । यसै सन्दर्भमा हामीले २०७४ सालको चुनावमा अत्यन्तै कम मत अर्थात् एक अंक मतान्तर भएर स्थानीय तहको प्रमुख बन्न नपाएका त्यतिबेलाका उम्मेदवार खोजी गरेका छौँ ।

मतान्तरबिना नै जितेकी मेनुका*

उपविजेताले समान मत पाएकि थिइन मेनुका काफ्ले। झापाको कमल गाउँपालिकामा एमालेका तर्फबाट मेनुका कार्की उम्मेदवार थिइन् । अध्यक्ष वा प्रमुखमा देशभरबाट अपवादमात्रै महिला पात्र रहेकोमा उनले अवसर पाएकी थिइन् । उनका प्रतिस्पर्धी थिए कांग्रेसका हुकुमसिंह राई । हुकुम र मेनुकाले समान ८ हजार २ सय ७५ मत प्राप्त गरे । तर, गाउँपालिका अध्यक्षमा भने हुकुम उपविजेता बने । समान मत ल्याएक पनि हुकुम गोलाप्रथाबाट हारे, मेनुका निर्वाचित भइन् ।

एक भोट थप्न नसक्दा हारे भीम

यता अछाममा कांग्रेसकै भीमबहादुर साउदले एक मतले चुनाव हारेका थिए ।

अछामको चौरपाटी गाउँपालिका अध्यक्षमा कांग्रेसका तर्फबाट भीमबहादुर साउद र एमालेको तर्फबाट हर्कबहादुर साउद उठेका थिए । कांग्रेसका भीमबहादुरले ३ हजार १ सय ३७ मत प्राप्त गरे भने एमालेका हर्कबहादुर ३ हजार १ सय ३८ मतका साथ विजयी भए ।

२०७४ काे चुनावमा डोल्पामा एमालेका लंकबहादुर रोकाय २ मत, जुम्लामा एमालेकै भै बहादुर रोकाय ३ मत. ओखलढुंगाको चिशंखुगढी गाउँपालिकाको अध्यक्षमा एमालेकै भीमबहादुर थापा मगर पनि ३ मत धेरै ल्याउन नसकेको कारण पराजित बन्न पुगे ।

सिराहाको औरही गाउँपालिका संघीय समाजवादीका शिवजी यादव ६ मतले र पर्साको बिन्दवासिनी गाउँपालिकामा कांग्रेसका चन्द्रकिशोर प्रसाद वरै र भोजपुरको रामप्रसाद गाउँपालिकामा माओवादी केन्द्रका थामबहादुर राई समान ८ मत कम भएका कारण हारेका थिए ।

२०७४ सालको स्थानीय तहको निर्वाचन परिणाम
जिल्ला	स्थानीय तह	उमेद्‍वार (विजेता)	पार्टी	प्राप्त मत	उपविजेता (विजेता)	पार्टी	प्राप्त मत	मतान्तर
डोल्पा	मुड्केचुला गाउँपालिका	दत्त बहादुर शाही	माओवादी केन्द्र	933	लंक बहादुर रोकाया	एमाले	931	2
जुम्ला	हिमा गाउँपालिका	रज बहादुर शाही	माओवादी केन्द्र	1317	भै बहादुर रोकाया	एमाले	1314	3
झापा	कमल गाउँपालिका	मेनुका काफ्ले	एमाले	8275	हुकुमसिंह राई	नेपाली काँग्रेस	8275	0
भोजपुर	रामप्रसाद राई गाउँपालिका	विजय राई	एमाले	2356	थाम बहादुर राई	माओवादी केन्द्र	2348	8
ओखलढुंगा	चिशंखुगढी गाउँपालिका	निशान्त शर्मा बास्तोला	माओवादी केन्द्र	1906	भिम बहादुर थापा मगर	एमाले	1903	3
अछाम	चौरपाटी गाउँपालिका	हर्क बहादुर साउँद	एमाले	3138	भिम बहादुर साउंद	नेपाली काँग्रेस	3137	1
सिराहा	औरही गाउँपालिका	सिद्धार्थ यादव	माओवादी केन्द्र	2658	शिबजी यादव	संघीय समाजवादी	2652	6
पर्सा	बिन्दबासिनी गाउँपालिका	श्रीलाल साह कानु	संघीय समाजवादी	2611	चन्द्र किशोर प्रसाद वरै	नेपाली काँग्रेस	2603	8