जर्मनीबाट नेपाली राजदूत भन्छन्- युक्रेनमा आपत्‌मा परेका नेपालीलाई सुरक्षित शहरमा जान भनेका छाैँ, उद्धारकाे पहल हुँदैछ

जर्मनीबाट नेपाली राजदूत भन्छन्- युक्रेनमा आपत्‌मा परेका नेपालीलाई सुरक्षित शहरमा जान भनेका छाैँ, उद्धारकाे पहल हुँदैछ

A+ A A-

जर्मनीस्थित नेपाली राजदूत रामकाजी खड्काले युक्रेनमा रहेका नेपाली अहिलेसम्म सुरक्षित रहेको जानकारी दिएका छन् । युक्रेन पनि हेर्ने साे दूतावासले नेपालीहरू समस्यामा नपरून् भनेर काेसिस गरिरहेकाे उनले बताएका छन् । युक्रेनमा रहेका नेपालीहरू समस्यामा नपरून् भनेर विभिन्न माध्यमबाट जानकारी लिइरहेको उनको भनाइ छ ।

नेपाली बसोबास गरेको क्षेत्रमा गोलाबारी भए पनि कोही हताहत नभएको राजदूत खड्काले शिलापत्रलाई बताए । प्रस्तुत छ, रुस र युक्रेनबीच युद्ध सुरु भएसँगै त्यहाँ रहेका नेपालीकाे अवस्था, उनीहरूको सुरक्षा र उद्धारबारे जर्मनीस्थित नेपाली राजदूत खड्कासँग शिलापत्रले गरेको कुराकानी:

युक्रेनमा रहेका नेपालीको अवस्था कस्तो छ । कति छन् त्यहाँ ?

युक्रेनमा करिब ५ सय नेपाली छन् कि भन्ने अनुमानित तथ्यांक छ । मार्सल ल लागू भएको छ । जसका कारण टिकट भएका व्यक्तिहरू पनि रोकिएको खबर दूतावासमा आएको छ । युक्रेनबाट बाहिरिने हवाई उडानहरू गत रातिदेखि नै बन्द छ । यातायात पनि दुई सातायता बन्द छ । त्यसैले पछिल्लो विवरण बुझ्न सहज छैन ।

युक्रेनमा रहेका नेपालीको अवस्थाका बारेमा केही जानकारी लिनुभएको छ ?

युक्रेनमा रहेका नेपालीहरू यो अन्तर्वार्तामा गरिरहँदासम्म कोही समस्यामा परेका छैनन् । युद्ध भइरहेकाले के हुन्छ भन्न सक्ने अवस्था छैन ।

युक्रेनको किभ शहरबाट नेपालीहरू अहिले लविभकतिर जाँदैछन् । हामी पनि उनीहरूको सुरक्षामा चनाखो भएर लागिपरेका छौँ । हामीले हिजोदेखि नै त्यहाँ रहेका नेपालीका बारेमा विभिन्न माध्यमबाट चासो दिइरहेका छौँ ।

सरकारसँग युक्रेनमा रहेका नेपालीका बारेमा कस्तो छलफल भइरहेको छ ?

सरकारले युक्रेनमा रहेका नेपालीहरूका बारेमा कूटनीतिक पहल गरेर उद्धार गर्नुपर्छ भनिरहेको छ । युक्रेन जर्मनीमा रहेको दूतावासले हेर्ने हो । त्यही भएर अहिले यहाँको समस्या दूतावासले हेरिरहेको छ ।

हामीले त्यहाँ रहेका नेपालीसँग सम्पर्क गरिरहेका छौँ । अहिलेसम्म त्यस्तो अप्ठ्यारो स्थिति सिर्जना भएको छैन । सरकारले पनि चासो दिइरहेको छ । यदि नेपाली समस्या परे भने उनीहरूलाई जसरी भए पनि उद्धार हुन्छ ।

उद्धारका लागि कस्तो पहल गर्दै हुनुहुन्छ ?

सरकारले युक्रेनमा युद्ध सुरु भएपछि त्यहाँ रहेका नेपालीलाई जर्मनीस्थित नेपाली दूतावासको सम्पर्कमा आउन आग्रह गरेको छ । हालसम्म १ सय ३५ जना सम्पर्कमा आएका छन् । सम्पर्कमा आउने क्रम जारी छ ।

युक्रेनमा रहेको एनआरएनको सहयोगमा उनीहरूका लागि के गर्न सकिन्छ भनेर छलफल भइरहेको छ । युक्रेनमा रहेका नेपालीलाई तनाव कम भएका युक्रेनकै पश्चिमतिरको लविभव शहरमा जान आग्रह गरिएको छ । भारतीय अवैतनिक महावाणिज्य कार्यालयको सहयोग र त्यहाँ रहेको एनआरएनको सहयोगमा उद्धार गर्न पहल हुनेछ ।

नेपालीहरू युक्रेन कसरी जाँदा रहेछन् ?

अध्ययन र काम गर्न आउँदा रहेछन् । अहिले मात्र थाहा भयो । उनीहरू कसरी आए भन्ने विषयमा पनि अध्ययन गर्नुपर्ने अवस्था सिर्जना भयो । दूतावासको सम्पर्कमा आएका नेपालीहरू काम गर्न र अध्ययनका लागि आएको बताइरहेका छन् । युक्रेनमा नेपालीहरू रोजगारी, व्यवसाय र केही पेसा गरेर बसेका छन् ।

युक्रेनमा रहेका नेपालीहरूलाई सुरक्षित स्थान र दूतावासको सम्पर्कमा आउन आग्रह गरिरहेका छौँ । समस्या र युद्धमा फसे चाँडै उद्धारको पहल हुन्छ । युक्रेनमा रहेका नेपालीलाई नआत्तिईकन सुरक्षित स्थानमा बस्न आग्रह गर्दछु ।

याे पनि पढनुस् :

युक्रेनबाट नेपाली भन्छन्- रकेट, बम पड्किँदै छन्, बाँचिन्छ कि मरिन्छ थाहा छैन

रुस–युक्रेन युद्ध : ३ सयभन्दा बढी नेपाली युक्रेनमा, उद्धारको तयारी छैन

प्रकाशित मिति: बिहीबार, फागुन १२, २०७८ १७:१७

रमेश भारती

प्रतिक्रिया दिनुहोस्

भर्खरै

हरेक पालिकामा औद्योगिक ग्राम बनाउने सरकारको नीति छः मन्त्री भण्डारी

नेताहरू गैरजिम्मेवार रूपमा कमाउन लागेकाले अर्थतन्त्रमा समस्या आयोः अध्यक्ष सिंह

सत्तापक्ष र प्रतिपक्षको संवाद ठप्प : कस्ताे होला संसदको आगामी अधिवेशन ?

विशेषाधिकार बहस : सदनको अवहेलनामा के हुन्छ कारबाही ?

रास्वपा सचिवालय बैठककाे निष्कर्ष– इलामका जनताले हाम्रै घण्टी बजाइदिए

लोकप्रिय

सहकारी ठगीले इलाम २ मा तनाव दिएपछि रवि लामिछानेको नयाँ स्टन्ट, धन्यवाद दिन गृह मन्त्रालय पुग्ने को हुन् ?

बालकोट वार्ता: प्रचण्डलाई बाहिर राखेर कांग्रेस-एमालेको सरकार बनाउने शेखरको प्रस्ताव, ओलीले गरे अस्वीकार

श्रीमती रञ्जितासँगकाे सहमति भंग भएपछि रेशम विक्षिप्त, २० मिनेटमा सात स्टाटस

इलाम २ः प्रारम्भिक मतपरिणाममा एमाले र 'पूर्वएमाले'बीच टक्कर

इलाम २ अपडेटः यस्तो छ प्रारम्भिक मतपरिणाम

विचार

वाम से रामः इलाम र बझाङकाे उपचुनावले कम्युनिस्टको पश्चिम बङ्गाल यात्रामा अस्थायी विरामकाे संकेत

को थिए जनमतसङ्ग्रहका हिरो ? (भिडियो)

स्कुल छाड्‌ने मुख्य कारण- जीवन एकातिर, शिक्षा अर्कोतिर

ब्लग

'बोक्सीको घर' हेरेपछि निदाउनै सकिनँ

कसरी हटाउने सार्वजनिक सवारीको बेथिति ?

सधैँ हाँसीखुसी देखिने गाउँकी काकी, डाक्टर र अर्जुन मैनालीले राेजेकाे गलत बाटाे

शिक्षा

स्कुल छाड्‌ने मुख्य कारण- जीवन एकातिर, शिक्षा अर्कोतिर

सरकारी स्कुलप्रतिको नकारात्मक धारणा बदलेर यसरी उत्कृष्ट बन्यो ज्ञानोदय मावि

आफ्नै छोराछोरी पढाउन राजा वीरेन्द्रले भित्र्याएका थिए ए–लेभल, कस्ता विद्यार्थीले पढ्ने ?