सिडिओलाई शक्तिशाली बनाउने कदमको विराेध

A+ A A-

सिडिओलाई शक्तिशाली बनाउने कदमको विराेध शीर्षमा आजको द हिमालयन टाइम्स दैनिकले मुख्य समाचार छापेको छ । समाचारमा सत्तारुढ पार्टीकै सांसदहरुले यो कदम संघीयता विरोधी कदम भन्दै चर्को विरोध गरेको उल्लेख छ । सरकारले प्रदेश प्रहरीलाई सिडियोको छाँयामा पार्ने खालको विधेयक ल्याएकोमा सत्तारुढ तथा विपक्षी सांसदहरुले सरकारको कदम संघीयता विरोधी कदम भन्दै संसदमा विरोध जनाएको समाचारमा उल्लेख छ । सरकारले ल्याएको विधेयक संविधानको धारा ५६, ५७ र २३२ विरुद्ध भएको सांसदहरुले उल्लेख गरेको समाचारमा जनाइएको छ । नेकपाका जनार्दन शर्मा, नवराज सिल्वाल, रेखा शर्मा, राकुमारी झाँक्री र अन्जना विशंखे लगायत नेपाली कांग्रेसका सांसद भरतकुमार शाह समेतले सरकारको विधेयक संविधानको मर्म विपरितको भन्दै संसदमा विरोध जनाएको समाचारमा उल्लेख छ ।

द हिमालयन टाइम्सले नेपाल आयल निगमका तत्कालिन प्रमुख धरौटीमा रिहा भएको समाचारलाई पनि मुख्य समाचार बनाएको छ । अकुत सम्पत्ती आर्जन गरेको आरोपमा जेलमा रहेका आयल निगमका तत्कालिन प्रमुख गोपाल खड्का २ करोड ५० लाख धरौटीमा रिहा भएको समाचारमा उल्लेख छ ।

एकीकरण कार्यसमिति भंग गर्दै नेकपा शीर्षमा द हिमालयनले अर्को समाचारलाई पहिलो पृष्ठमा प्रमुखताका साथ छापेको छ । समाचारमा एकीकरणको प्रकृया टुंगोमा नपुर्याउँदै नेकपाले पार्टी एकीकरण प्रकृया पुरा गर्न बनाएको ९ सदस्यीय कार्य समिति भंग गर्न लागेको उल्लेख छ । रेवती सापकोटाले लेखेको समचारमा तल्लो तहमा पार्टी एकताका काम नटुंगिँदै नेकपाका दुई अध्यक्ष केपी शर्मा ओली र पुष्पकमल दाहाल ‘प्रचण्ड’ समिति भंग गर्ने सहमतिमा पुगेको उल्लेख छ ।

द हिमालयन टाइम्सले ‘नो पार्टी पोलिटिक्स’ शीर्षमा सम्पादकीय लेखेको छ । पत्रिकाले संसदमा दर्ता हुन लागेको सरकारी सेवा सम्बन्धी विधेयकको प्रशंग उल्लेख गर्दै गैर राजनीतिक कर्मचारीतन्त्रले मात्र देशलाई समृद्धिको बाटोमा लान सक्ने उल्लेख गरेको छ ।

प्रकाशित मिति: बुधबार, फागुन १, २०७५ १६:२९