अफगानिस्तानमा दुई विदेशी पत्रकार पक्राउ, तालिबानी अधिकारी भन्छन्- छानबिन हुँदैछ

अफगानिस्तानमा दुई विदेशी पत्रकार पक्राउ, तालिबानी अधिकारी भन्छन्- छानबिन हुँदैछ

फाइल तस्वीर

A+ A A-

संयुक्त राष्ट्र संघीय शरणार्थी एजेन्सीको कार्यभारमा रहेका दुई अन्तर्राष्ट्रिय पत्रकारलाई अफगानिस्तानको राजधानीमा पक्राउ गरिएको युएनएचसीआरले जनाएको छ । युएनएचसीआर र अफगान नागरिकहरूसँग काम गरिरहेका दुई पत्रकारलाई काबुलमा थुनिएको हो ।

'हामी अरुसँग समन्वय गरेर परिस्थितिको समाधानका लागि प्रयास गरिरहेका छौँ', युएनएचसीआरले ट्वीटमार्फत् उनीहरूको रिहाईका लागि गरेको प्रयासबारे बताएको छ ।

ती पत्रकारमध्ये एक बेलायती पूर्व बीबीसी संवाददाता एन्ड्रु नर्थ छन् । उनले करिब दुई दशकदेखि बीबीसीका लागि अफगानिस्तानबारे समाचार लेख्दै आएका थिए । युद्धग्रस्त अफगानिस्तानमा उनी निरन्तर यात्रा समस्याको समाचारमार्फत् उजागर गर्दै आएका थिए ।

'एन्ड्रुले अफगानिस्तानका जनतालाई मानवीय सहयोग पुर्‍याउने कार्यमा युएनएचसीआरका लागि काम गर्दै काबुलमा रहेका थिए', उनकी पत्नी नतालिया एन्टेलाभाले ट्वीटमा उल्लेख गरेकी छन् ।

'हामी उहाँको सुरक्षाको लागि अत्यन्तै चिन्तित छौँ र प्रभाव भएका जोसुकैलाई पनि उहाँको सुरक्षित रिहाइ गर्न पहल थाल्न आह्वान गर्दछौँ', ट्वीटमा उल्लेख छ ।

यसमा तालिबान अधिकारीहरूको कुनै पनि सम्लग्नताबारे तालिबान सरकारका प्रवक्ता मुजाहिदले अस्वीकार गरेका छन् । तालिबान सरकारका प्रवक्ता जाबिहुल्लाह मुजाहिदले अधिकारीहरूले यस मामिलामा छानबिन गरिरहेको पनि बताए ।

उनले भने, 'हामीले यसबारे जानकारी प्राप्त गरेका छौँ र उनीहरूलाई थुनामा राखिएको छ कि छैन पक्का गर्ने प्रयास गरिरहेका छौँ ।'

तालिबानको अफगानिस्तानको सत्तामा बहिर्गमनपछि उनीहरूले महिला विरोध प्रदर्शनलाई बलपूर्वक दबाउने गरेको, आलोचकहरूलाई पक्राउ गर्ने दुरूत्साहन गर्ने र धेरै पत्रकारहरूलाई सजायँ दिँनेजस्ता उपायमार्फत् मतभेदलाई दमन गरेका छन् । तालिबान विरोधी प्रदर्शनहरूमा भाग लिएपछि गत महिनादेखि चार जना महिला प्रदर्शनकारी हराइरहेका छन् ।

प्रकाशित मिति: शनिबार, माघ २९, २०७८ ०६:५८