वृद्धालाई बोकेर भाइरल बनेकी स्वयंसेविका लीला भन्छिन्– टण्डनसम्म खोप पुर्‍याउन नसके पनि खोपसम्म उहाँलाई पुर्‍याएँ

वृद्धालाई बोकेर भाइरल बनेकी स्वयंसेविका लीला भन्छिन्– टण्डनसम्म खोप पुर्‍याउन नसके पनि खोपसम्म उहाँलाई पुर्‍याएँ

A+ A A-

स्वास्थ्य स्वयंसेविकाले एक वृद्धालाई बोकेको एउटा तस्वीर अहिले सामाजिक सञ्जालमा भाइरल बनिरहेको छ । गुल्मीको दरबार गाउँपालिकाकी स्वास्थ्य स्वयंसेविका लीला थापा र ७८ वर्षीया महिला देवकला टण्डन तस्वीरमा छन् ।

‘बाटोको सहज व्यवस्था नभएकाले कोभिडको खोप लगाउन लगिँदै’ जस्ता क्याप्सन राखेर यो तस्वीर सामाजिक सञ्जाल फेसबुक र ट्वीटरमा छ्याप्छ्याप्ती नै भएको देख्न सकिन्छ ।

लीला थापा विगत आठ वर्षदेखि स्वयंसेविका बनेर स्वास्थ्य सेवामा लगिपरेकी छिन् । स्वास्थ्य स्वयंसेविकाको भूमिकामा काम गर्दै आएकी थापा गाउँघरमा सबैलाई सहयोग गर्ने महिलाको रूपमा चिनिन्छिन् । गाउँमा कसैलाई अप्ठ्यारो पर्दा ज्यान दिएर सहयोग गर्छिन्, उनी ।

उनै लीला एक दिन गाउँघरतिर घुुम्दै थिइन् । त्यसबेला वृद्धा टण्डन उनको नजरमा परिन् । लीलाका अनुसार टण्डनको खुुट्टामा समस्या थियो । टाढा हिँड्न नसकेर खोप लगाउन स्वास्थ्य चौकीसम्म जान सकेकी थिइनन् । वरिपरि छिमेकमा पनि सबैले खोप लगाइसकेका थिए ।

लीला भन्छिन्, 'टोलमा सबैले खोप लगाइसकेका थिए । खोप लगाउन बाँकी उनी एक्लै थिइन् । खुुट्टाको चोटले गर्दा टण्डन स्वास्थ्यचौकीसम्म पुुग्न नसकेको मैले पाएँ । त्यसैले मैले टण्डनसम्म खोप पुर्‍याउन नसके पनि खोपसम्म उहाँलाई पुर्‍याउने कोसिस गरेकी हुँ । उहाँलाई म आफैँले बोकेर स्वास्थ्य चौकीसम्म पुुर्‍याएकी हुँ ।'

स्वास्थ्य स्वयंसेविका लीला थापा ।

टण्डनलाई बोकेर स्वास्थ्य चौकीसम्म पुर्‍याउन लीलालाई झण्डै १ घण्टाजति लागेको थियो । सोही समयमा खिचिएको तस्वीर अहिले भाइरल भएको हो । लीलाका अनुसार आधा बाटो काटेपछि भने सहजै दुुईपाङ्ग्रे सवारी कुुदाउन मिल्ने बाटो थियो ।

त्यसपछि लीलाले आफ्नो स्कुटीमै टण्डनलाई अस्पतालसम्म लगिन् । लीलाकै सहयोगमा टण्डनले अहिले जोन्सन एण्ड जोन्सन खोप लगाएकी छिन् ।

गौडाकोट स्वास्थ्य चौकीका शाखा प्रमुख नारायणप्रसाद अर्यालका अनुसार लीलाले हाल मात्र नभएर सुुरुबाटै यसरी सेवाको काम गरिरहेकी छिन् । थापामा नि:स्वार्थ रूपमा काम गर्ने प्रवृत्ति रहेको उनले बताए ।

‘आ–आफ्नो कार्यक्षेत्र निर्धारण गरिएको छ । आफ्नो कार्यक्षेत्रमा कसैलाई पनि केही परेमा सर्वप्रथम लीला नै पुुग्नुभएको हुन्छ’, अर्याल भन्छन्, ‘आफ्नै पहलमा कोभिड सचेतनाका लागि मास्क, साबुन वितरण गर्ने, सुत्केरी महिलाहरूलाई पौष्टिक खानेकुरा दिने, केही परेमा सहयोग गर्ने कामहरू गरिरहनुभएको छ । उहाँको काम स्वास्थ्य स्वयंसेविकाहरूले मात्र नभएर स्वास्थ्य सेवा प्रदायकले पनि अनुसरण गर्नुपर्ने देखिन्छ ।’

प्रकाशित मिति: बुधबार, माघ १९, २०७८ १७:०८

प्रबिना पाैडेल

प्रतिक्रिया दिनुहोस्

भर्खरै

सशस्त्र प्रहरीद्वारा औधाेगिक जोखिम नियन्त्रण र प्रतिकार्य अभिमुखिकरण कार्यक्रमकाे आयाेजना

एक ढिक्का भएर पार्टीलाई बलियो बनाऔँ: शेखर कोइराला

भारतमा हुने निर्वाचनका कारण रेल सेवा तीन दिन बन्द हुने

कैलालीमा माटोको ढिस्कोमा पुरिएर एक जनाको मृत्यु

काठमाडौं महानगरले अग्नि प्रभावित दाङ र गुल्मीका दुई पालिकालाई दश/दश लाख राहत दिने

लोकप्रिय

केपी ओलीलाई शेखर काेइरालाकाे प्रस्ताव- पहिले तपाईं प्रधानमन्त्री हुनुस्, त्यसपछि मलाई बनाउनुस्

सत्ता गठबन्धनमा माधव नेपालको कचकचलाई एमालेले सुदूरपश्चिमबाट फर्काएकाे जवाफ

बालकोट वार्ता: प्रचण्डलाई बाहिर राखेर कांग्रेस-एमालेको सरकार बनाउने शेखरको प्रस्ताव, ओलीले गरे अस्वीकार

श्रीमती रञ्जितासँगकाे सहमति भंग भएपछि रेशम विक्षिप्त, २० मिनेटमा सात स्टाटस

इलाम २ः प्रारम्भिक मतपरिणाममा एमाले र 'पूर्वएमाले'बीच टक्कर

विचार

वाम से रामः इलाम र बझाङकाे उपचुनावले कम्युनिस्टको पश्चिम बङ्गाल यात्रामा अस्थायी विरामकाे संकेत

को थिए जनमतसङ्ग्रहका हिरो ? (भिडियो)

स्कुल छाड्‌ने मुख्य कारण- जीवन एकातिर, शिक्षा अर्कोतिर

ब्लग

'बोक्सीको घर' हेरेपछि निदाउनै सकिनँ

कसरी हटाउने सार्वजनिक सवारीको बेथिति ?

सधैँ हाँसीखुसी देखिने गाउँकी काकी, डाक्टर र अर्जुन मैनालीले राेजेकाे गलत बाटाे

शिक्षा

स्कुल छाड्‌ने मुख्य कारण- जीवन एकातिर, शिक्षा अर्कोतिर

सरकारी स्कुलप्रतिको नकारात्मक धारणा बदलेर यसरी उत्कृष्ट बन्यो ज्ञानोदय मावि

आफ्नै छोराछोरी पढाउन राजा वीरेन्द्रले भित्र्याएका थिए ए–लेभल, कस्ता विद्यार्थीले पढ्ने ?