मोदीले डाभोस सम्मेलनलाई सम्बोधन गर्दा ‘टेलिप्रम्प्टर’ ले काम नगरेपछि (भिडियो)

मोदीले डाभोस सम्मेलनलाई सम्बोधन गर्दा ‘टेलिप्रम्प्टर’ ले काम नगरेपछि (भिडियो)

A+ A A-

१७ जनवरीमा स्विट्जरल्यान्डको डाभोसमा जारी वर्ल्ड इकोनोमिक फोरमलाई भर्चुअल माध्यमबाट सम्बोधन गरिरहेको बेला भारतीय प्रधानमन्त्री नरेन्द्र मोदी अचानक रोकिए । मुख चलेको र हातको हाउभाउ भिजुअलमा देखिए पनि उनी बोलेको आवाज सुनिएन । र, उनले भने, ‘मेरो आवाज ठीकसँग सुनिएको छ ? इन्टरप्रम्प्टर आवाज पनि तपाईंहरूसम्म पुगेको छ ?’

मोदीको यो भिडियो सामाजिक सञ्जाल ट्वीटरमा भारतीय कांग्रेसको भेरिफाइड एकाउन्टबाट पोस्ट गरिएको छ । र, अहिले यो भिडियो भारतमा भाइरल बनेको छ । मोदीले डाभोस एजेन्डा २२ शिखर सम्मेलनलाई सम्बोधन गरेको विषयभन्दा सम्बोधनका क्रममा भएको यो घटनाले धेरै चर्चा पाएको छ । किनकि मोदी र उनका समर्थकले उनलाई सबैभन्दा ठूला सार्वजनिक वक्ताका रूपमा चिनाउँछन् । तर, उनी ‘टेलिप्रम्प्टर’ को सहयोगबिना एक शब्द पनि बोल्न सक्षम नरहेको भन्दै प्रमुख विपक्षी पार्टी कांग्रेसले मोदीमाथि व्यंग्य गरिरहेको छ ।

उनी जतिबेला सम्बोधनका क्रममा रोकिएका थिए, त्यसभन्दा ठीक अघि भारतीयहरूको क्षमताबारे प्रशंसा गरिरहेका थिए । भिडियोमा जब मोदीको सम्बोधनका क्रममा प्राविधिक गडबडी भयो, सम्मेलन सञ्चालन गरिरहेका व्यक्तिले यो प्राविधिक गडबडी सच्यााउन निर्देशन दिएको देख्न र सुन्न सकिन्छ ।

भारतीय सञ्चारमाध्यमहरूका अनुसार मोदीको यो सम्बोधनलाई भारतीय सरकारी टेलिभिजन डीडीको युट्युब च्यानलबाट पनि प्रसारण गरिएको छ । तर, सो भिडियोमा प्राविधिक गडबडी भएको भाग भने हटाइएको छ ।

When teleprompter goes off, India’s so-called greatest public speaker of all time fails to find a single word! pic.twitter.com/ztGzWaCST8
— Ashok Swain (@ashoswai) January 17, 2022