अभिभावक शिक्षा माला बनाउँदैछौंः शाही

A+ A A-

‘गाउँमा सिंहदबार’ नामको स्तम्भ नयाँ हो । स्थानीय सरकारलाई सवलीकरण र यसको प्रभावकारिता बढाउन यो स्तम्भ सुरु गरिएको हो । यस स्तम्भमा हामी स्थानीय उत्पादन, ग्रामीण अर्थतन्त्र र स्थानीय सरकारको सुक्ष्म अनुगमन गर्ने छौं । संविधानले पालिकामा असीमित अधिकार दिएको अवस्थामा यसको प्रयोग र लाभग्राहिताको अवस्थालाई हामी सहजीकरण गर्ने छौं । गाउँमा सिंहदबार भन्दै निर्वाचित स्थानीय सरकारले के गर्दै छ हामी यसको पनि सोधी खोजी गर्ने छौं । निर्वाचन पछि तपाईं आफ्नो नगरमा के गर्दै हुनुहुन्छ भनेर हामीले कर्णाली प्रदेश अन्तर्गतको दैलेख जिल्लाको चामुण्डा विन्द्रासैनी नगरपालिकाका प्रमुख सूर्यबहादुर शाहीलाई प्रस्तुत गर्दैछौं ।

निर्वाचित भए पछि सडकको गुरुयोजना मार्फत नगरपालिकाका ९ ओटै वडालाई छुने गरी नगरमार्ग गरेका छौं । फराकिलो बाटो फराकिलो नगर र फराकिलो मन भन्ने नाराका साथ सबैतिर ९ मिटरको बाटो बनेको छ । यसैगरी हामीले कृषि, सिचाई, खानेपानी वनवातावरणका लागि गुरुयोजना बनाएर काम गरिरहेका छौ ।

नगरपालिकाको ३० प्रतिशत क्षेत्रमा विद्युत पुर्याएर उज्यालो नगर बनाउने अभियान सुरु भएको छ । सबै वडामा ९ ओटा सामुदायिक नमूना विद्यालय सुरु गरेका छौं । आऊ पढ, कमाऊ र घर जाउको नीति लिएर आइ.एसी एजी.को क्याम्पस सुरु गर्दैछौ । विद्यार्थीलाई सैद्धान्तिक ज्ञान मात्र होइन व्यवहारिक रोजगारमुलक शिक्षा दिने उद्देश्यले यो क्याम्पस सुरु गरेका हौं ।

नगरका सबै वडामा ९ ओटा स्वास्थ्य चौकीको अन्तिम तयारी भएको छ । जेष्ठ नागरिक, गर्भवती, बालबालिका तथा शारीरिकरुपमा अशक्त भएकाहरुलाई घरमै पुगेर प्राथमिक उपचारको व्यवस्था मिलाउँदै छौ ।

अलैची,अदुवा,नासपाती तथा किवी लगायतको पकेट क्षेत्र घोषणा गरेर कृषीलाई आयमुलक रोजगारमुलक माध्याम बनाउँदै छौं ।

एक वडा, एक नर्सरीको अभियान अन्तर्गत कृषि पकेट क्षेत्र घोषणा गरेका छौं । एक वडामा ९ जनप्रतिनिधिले संगठितरुपमा ४५ जनाको नेतृत्वमा वन संरक्षणको अभियान चलाएका छौं । अहिले हाम्रो नगरमा २९ प्रतिशत मात्र जंगल रहेको छ । यो कार्यकाल भरी ४० प्रतिशत सम्म जंगल पुर्याउने लक्ष्य राखेका छौ ।

शिक्षामा बालबालिकालाई मात्र नभई अभिाभावक शिक्षा माला बनाउँदै छौ । उच्चशिक्षासम्मलाई लक्षित गरेर अभिभावक शिक्षा माला बनाएका छौं । बालबालिकाको अध्ययन अध्यापनमा शिक्षकको मात्र नभई अभिभावकको पनि भूमिका उत्तिकै भएकाले यो अभिभावक शिक्षा माला आवश्यक देखेका हौं । आफ्ना छोराछोरी के पढे, कस्तो पढे भन्ने निरन्तर खबरदारी चासो राख्ने वातावरण बनाएर अभिभावकलाई जिम्मेवार बनाउन यो अभियान चलाइएको हो । शिक्षा माला नै बनाएर काम भएको सम्भवत नेपालमै यो नमूना हो ।

कृषिलाई हामीले रोजगारमुखी बनाएर पकेट क्षेत्र घोषणा गरेका छौं । अलैची, अदुवा, नासपाती तथा किवी लगायतको पकेट क्षेत्र घोषणा गरेर कृषीलाई आयमुलक रोजगारमुलक माध्याम बनाउँदै छौं ।

स्मार्ट सिटी नेपाली जनताको माग पनि होइन । स्मार्ट सिटीसँग हाम्रो सँस्कृति पनि झल्किदैन ।

पर्यटनको क्षेत्रमा १० हेक्टर क्षेत्रफलमा नगरपार्क बनाउँदै छौं । धार्मिक तथा साँस्कृतिक क्षेत्रको पनि संरक्षण गर्दै हामी अघि बढ्ने तयारी गरेका छौं ।

कानून बनाउने बजेट बनाउने समेत अधिकार भएकाले यो सरकार नै हो । यसकारण सँधै संघीय सरकारको आश गर्ने नभई आत्मनिर्भर बन्दै आफूलाई आवश्यक पर्ने आर्थिक स्रोतको पहिचान र परिचालनका निम्ति पनि नगरपालिकाले काम गरिरहेको छ । नगरपालिका भित्र अन्तर बजारको विस्तार हामीले गरिहेका छौं ।

हाम्रा उत्पादनलाई सकेसम्म यही खपत हुने वातावरण बनाउन खोजिरहेका छौं । हामी स्मार्ट सिटी भन्दैनौ । स्मार्ट सिटी नेपाली जनताको माग पनि होइन । स्मार्ट सिटीसँग हाम्रो सँस्कृति पनि झल्किदैन । मनोरम नगर तथा आयमूलक जैविक मैत्री हरियाली सडक बनाउने हाम्राे योजना हो ।

जँगल विनास गरेरे स्मार्ट सिटी होइन आयमूलक र वर्षै भरी फलफूलको आयस्रोत बनाउने हाम्रो तयारी छ । एउटा नगरमा कति क्षेत्रफल हुने र त्यसमा कति जनसंख्या रहने ? त्यो नगरमा कति सडक चाहिने ? कति बगैचा चाहिने ? खेल मैदान कस्तो हुनुपर्ने भनेर यसको विस्तृत अध्ययन गरिरहेका छौं ।

नेपाली सँस्कृति झल्किने मनोरम नगरको अवधारणा अन्तरगत हामीले काम गरिहेका छौं । डाँडाकाँडा रहेका वनजँगलको संरक्षण गर्दै गोरेटो बाटो र जैविक मैत्री आयमुलक सडक विस्तारको पक्षमा हामी छौं ।

प्रकाशित मिति: मंगलबार, माघ २९, २०७५ २२:३३