पीसीएल नर्सिङका ९९ कलेज बन्द हुने स्थितिमा, सीटीईभीटी स्वयम् असन्तुष्ट

A+ A A-

१७ कात्तिकमा प्राविधिक शिक्षा तथा व्यावसायिक तालिम परिषद् (सीटीईभीटी)ले एक सय शय्याको अस्पताल भएको कलेजमा मात्र पीसीएल नर्सिङ पढाउने अनुमति दियो । जसले गर्दा करिब ९९ कलेजमा भर्ना प्रक्रिया रोकिएको छ ।

शिक्षामन्त्रीसमेत रहेका देवेन्द्र पौडेलको अध्यक्षतामा बसेको परिषद्को बैठकले मापदण्ड पूरा गरेका कलेजमा मात्र भर्ना प्रक्रिया सुरु गर्ने निर्णय गरेको थियो । चिकित्सा शिक्षा ऐनअन्तर्गत नै रहेर परिषद्ले १ सय शय्याको अस्पताल नभएका कलेजमा भर्ना प्रक्रिया रोकेको हो ।

०७५ साल फागुन ०९ गते जारी भएको चिकित्सा शिक्षा ऐनको दफा १२ ले नर्सिङ कलेज सञ्चालनका लागि अनिवार्य रूपमा १ सय शय्याको अस्पताल हुनुपर्ने व्यवस्था गरेको छ । सीटीईभीटीका प्रवक्ता विनोद बडालका अनुसार उक्त ऐन बनेपछि चिकित्सा शिक्षा आयोगले अस्पताल निर्माण गर्न सबै कलेजलाई २ वर्षको समयावधि दिएको थियो । गएको फागुनबाटै आयोगले दिएको सो समय सकिइसकेको छ ।

सीटीईभीटीका अनुसार हाल आफ्नै अस्पताल (१ सय बेडको) भएका कलेजको संख्या जम्मा २४ मात्र छ । त्यसमध्ये सातवटा सीटीईभीटीका आंगिक क्याम्पस हुन् भने १७ वटा निजी कलेज हुन् । बाँकी ९९ वटा कलेजमा भने मापदण्ड पुर्‍याउन नसकेपछि भर्ना प्रक्रिया नै रोकिएको छ ।

चिकित्सा शिक्षा आयोगको यो ऐनप्रति भने सीटीईभीटी स्वयम् असन्तुष्ट रहेको प्रवक्ता डंगोल बताउँछन् । ‘१०० बेडको अस्पताल भएको कलेजमा हामीले ४० वटा कोटा दिएका छौँ भने ५० बेड भएकालाई २० वटा किन नदिने ? अहिले मापदण्ड पूरा नभएका भनिएका ९९ कलेजभित्र ५०, २० वटा मात्र बेड भएका अस्पताल पनि छन्’, उनले भने, ‘कलेजको क्षमताअनुसार कोटा दिएर भर्ना सुरु गर्न किन आपत्ति ?’

आफ्नै अस्पताल भएका कलेजमा पनि सिकाइको सुनिश्चितताको ‘ग्यारेन्टी’ भने नहुने डंगोलको भनाइ छ । उनी भन्छन्, ‘कति कलेजका अस्पतालमा बिरामी नै नहोलान्, कतिले विद्यार्थीलाई प्राक्टिकल गर्न नदिएर हाजिर मात्र गराउलान् । कसरी विश्वास गर्ने ? बरु बिरामी आइरहने अस्पतालमै कलेजले सम्झौता गरेर प्राक्टिकल गराउँछ भने त्यसलाई मान्यता दिनुपर्थ्यो ।’

यसअघि सीटीईभीटीले अन्य अस्पतालसँग सम्झौता गरेर प्रयोगात्मक कक्षा सञ्चालन गर्न सक्ने कलेजलाई पनि प्राध्यापनको अनुमति दिएको थियो । तर, शिक्षा ऐन आएसँगै उक्त प्रक्रियामा बाधा पुगेको हो ।

हाल कक्षा सञ्चालनको अनुमति नपाएका क्याम्पसहरू भने कोरोना महामारीकमा कारण अस्पताल निर्माणमा अवरोध पुगेको बताउँछन् । त्रिशुली मेडिकल इन्स्टिच्युट, नुवाकोटका प्रमुख विद्या साह योजना बनाएर अस्पताल बनाउने प्रक्रिया चाल्दाचाल्दै कोरोनाले अवरोध पुर्‍याएको बताउँछिन् । ‘हामी अस्पताल बनाउने प्रोसेसमा थियौँ । कोरोना आएपछि सरकारले दिएको दुई वर्ष समय अपुग भयो’, उनले शिलापत्रसँग भनिन्, ‘अब त कलेज नै बन्द गर्नुपर्ने स्थिति आयो ।’

पहिल्यै भर्ना भएर पढेका विद्यार्थीको हकमा भने पुरानै तरिकाले कोर्स सकाउने बताउँछन्, सीटीईभीटीका प्रवक्ता डंगोल । मापदण्ड नपुगेका भनिएका कलेजमा नयाँ भर्ना रोकिए पनि पुरानोलाई पुरानै व्यवस्थाअनुसार पार लगाइनुपर्ने उनको मत छ । यसबारे शिक्षा आयोग, सीटीईभीटी र मन्त्रालयबीच अझै छलफल गरेर निर्णय लिइने उनले बताए ।

चिकित्सा शिक्षा आयोगका सदस्य–सचिव डिल्ली लुइँटेल भने सीटीईभीटीले मागेजस्तो हुन गाह्रो हुने बताउँछन् । ‘कस्तो अप्ठ्यारो भयो भने, ऐनलाई नै बाइपास गर्न पनि नमिल्ने । फेरि अहिलेको स्थितिमा गर्दा धेरै कलेजहरू बन्द हुने स्थिति आयो’, उनले भने, ‘यसलाई टुङ्गोमा पुर्‍याउन प्रधानमन्त्रीले छिट्टै नै बैठक बोलाउने कुरा छ । अब त्यही बैठकले आवश्यक निर्णय गर्छ ।’

नेपाल नर्सिङ काउन्सिलका अनुसार यी हुन्, मापदण्ड नपुगेका कलेजहरू:

१. एड्भान्स स्टडिज अफ हेल्थ साइन्स, रुपन्देही
२. अग्रीमा एकेडमी प्रालि लहान, सिरहा
३. एसियन कलेज फर एड्भान्स स्टडिज, ललितपुर
४. बाग्लुङ टेक्निकल इन्स्टिच्युट, बाग्लुङ
५. बालकुमारी कलेज, चितवन
६. भक्तपुर टेक्निकल ट्रेनिङ सेन्टर, भक्तपुर
७. भेरी कलेज अफ मेडिकल साइन्स, बाँके
८. भेरी नर्सिङ कलेज, बाँके
९. विराटनगर नर्सिङ क्याम्पस, मोरङ (सरकारी)
१०. बोस्टन एकेडमी फर मेडिकल साइन्स, चितवन
११. सेन्टर फर इन्टिग्रेटेड कम्युनिटी डेभलपमेन्ट, कैलाली
१२. चक्रवर्ती हबि एजुकेसन एकेडेमी, भक्तपुर
१३. छिन्नमस्ता एजुकेसन एकेडेमी, सप्तरी
१४. चितवन एकेडेमी फर टेक्निकल एजुकेसन, चितवन
१५. दीपज्योति नर्सिङ क्याम्पस, दाङ
१६. देउराली जनता प्राविधिक शिक्षालय, रुपन्देही
१७. धौलागिरी प्राविधिक शिक्षा प्रतिष्ठान, कास्की
१८. डिभाइन इन्स्टिच्युट अफ हेल्थ ट्रेनिङ एण्ड रिसर्च सेन्टर, पर्सा
१९. दोलखा मल्टी सेक्टर ट्रेनिङ इन्स्टिच्युट, दोलखा
२०. एभरग्रिन टेक्निकल इन्स्टिच्युट अफ हेल्थ साइन्स, पर्सा
२१. फारवेस्ट टेक्निकल कलेज, कैलाली
२२. गण्डकी टेक्निकल ट्रेनिङ सेन्टर, कास्की
२३. ग्रीन तारा कलेज अफ हेल्थ साइन्स, ललितपुर
२४. गुणराज पाठक मेमोरियल नर्सिङ क्याम्पस, काठमाडौं
२६. हिमालयन मेडिकल एजुकेसन सोसाइटी नर्सिङ क्याम्पस, ललितपुर
२७. हिमालय प्यारामेडिकल इन्स्टिच्युट, ओखलढुङ्गा
२८. होली भिजन नर्सिङ क्याम्पस, काठमाडौं
२९. होप इन्टरनेसनल कलेज, ललितपुर
३०. ह्युमन रिसोर्स डेभलपमेन्ट एण्ड रिसर्च इन्स्टिच्युट, काठमाडौं
३१. इनोभेटिभ कलेज अफ हेल्थ साइन्स प्रालि, काठमाडौं
३२. इनोभेटिभ डेभलपमेन्ट एजुकेसन एकेडेमी, कास्की
३३. इन्स्टिच्युट अफ कम्युनिटी हेल्थ, कञ्चनपुर
३४. इन्स्टिच्युट अफ हेल्थ रिसर्च डेभलपमेन्ट, जनकपुर धनुषा
३५. इन्स्टिच्युट अफ मेडिकल टेक्नोलोजी, चितवन
३६. इटहरी हेल्थ कलेज, सुनसरी
३७. जनकपुर नर्सिङ क्याम्पस, धनुषा
३८. कञ्चनजंघा इन्स्टिच्युट अफ हेल्थ साइन्स, झापा
३९. कपिलवस्तु टेक्निकल इन्स्टिच्युट, कपिलवस्तु
४०. काठमाडौं इन्स्टिच्युट अफ टेक्निकल साइन्सेस, ललितपुर
४१. काभ्रे हेल्थ ट्रेनिङ इन्स्टिच्युट, काभ्रेपलाञ्चोक
४२. खोपः पोलिक्लिक इन्स्टिच्युट, भक्तपुर
४३. कोशी हेल्थ एण्ड साइन्स क्याम्पस, मोरङ
४४. काठमाडौं नर्सिङ क्याम्पस, बसुन्धारा काठमाडौं
४५. कृष्ण मेडिकल एन्ड टेक्निकल रिसर्च सेन्टर, धनुषा
४६. कुमारी कम्युनिटी एएनएम ट्रेनिङ सेन्टर, परासी
४७. लहान सगरमाथा एजुकेसनल एकेडेमी, सिरहा
४८. ललित पोलिक्लिनिक ट्रेनिङ इन्स्टिच्युट ललितपुर
४९. लुम्बिनी इन्स्टिच्युट अफ टेक्निकल साइन्स, रुपन्देही
५०. मदन भण्डारी मेमोरियल एकेडेमी, मोरङ
५१. मध्यपश्चिम प्राविधिक शिक्षालय, बाँके
५२. मैयादेवी गल्स कलेज, चितवन
५३. मकवानपुर टेक्निकल इन्स्टिच्युट, सुनसरी
५४. मकालु टेक्निकल कलेज, सुनसरी (सरकारी, इनरुवा अस्पताल)
५५. मायादेवी टेक्निकल कलेज, रुपन्देही (सरकारी, लुम्बिनी अस्पताल)
५६. मेची टेक्निकल ट्रेनिङ एकेडेमी, झापा
५७. मोडर्न इन्स्टिच्युट अफ हेल्थ साइन्स, उदयपुर
५८. नारायणी मेडिकल एण्ड टेक्नोलोजी नर्सिङ कलेज, मकवानपुर
५९. नेसनल ह्युमन रिसोर्स डेभलप्मेन्ट एकेडेमी प्राली
६०. नेसनल हेल्थ फाउन्डेसन, काभ्रे
६१. नेपाल कलेज अफ नर्सिङ एन्ड हेल्थ साइन्स प्रालि, धनुषा
६२. नेपाल इन्स्टिच्युट अफ मेडिकल साइन्स एण्ड टेक्नोलोजी, काठमाडौं
६३. नेपाल टेक्निकल इन्स्टिच्युट, धनुषा
६४. नाइटिङ्गेल नर्सिङ क्याम्पस, काठमाडौँ
६५. नोभेल एकेडेमी प्रालि, कास्की
६६. ओम समाज शैक्षिक प्रतिष्ठान प्रालि, कलंकी काठमाडौं
६७. पीयू कलेज अफ मेडिकल एलाइड साइन्सेज, मोरङ
६८. पाल्पा टेक्निकल इन्स्टिच्युट, पाल्पा
६९. पिपुल्स मल्टिपल हेल्थ इन्स्टिच्युट, सुनसरी
७०. पोखरा टेक्निकल हेल्थ मल्टिपल इन्स्टिच्युट, कास्की
७१. पब्लिक टेक्निकल इन्स्टिच्युट, सिरहा
७२. राजदेवी टेक्निकल इन्स्टिच्युट, सप्तरी
७३. राप्ती लाइफ केयर अस्पताल प्रालि, दाङ
७४. सगरमाथा टेक्निकल इन्स्टिच्युट, मोरङ
७५. शैलजा आचार्य मेमोरियल पोलिटेक्निक, मोरङ
७६. शैलेश्वरी फारवेस्ट स्कुल अफ हेल्थ साइन्स अफ टेक्नोलोजी, कैलाली
७७. सञ्जीवनी कलेज अफ मेडिकल साइन्सेज, रुपन्देही
७८. स्कुल अफ हेल्थ एण्ड एलाइड साइन्सेज पोखरा युनिभर्सिटी, कास्की
७९. सेती महाकाली नर्सिङ क्याम्पस, कञ्चनपुर
८० .शारदा इन्स्टिच्युट अफ टेक्नोलोजी, धनुषा
८१. श्रद्धा इन्स्टिच्युट अफ हेल्थ साइन्स, भक्तपुर
८२. श्री फुल्चोकी नर्सिङ क्याम्पस, काभ्रेपलाञ्चोक
८३. सिद्धार्थ इन्स्टिच्युट अफ मेडिकल टेक्नोलोजी, पाल्पा
८४. सिद्धार्थ मेडिकल इन्स्टिच्युट, रुपन्देही
८५. सिन्हा हेल्थ फाउन्डेसन, धनुषा
८६.एसएसपी मेडिटेक नर्सिङ कलेज, रुपन्देही
८७. सुनसरी टेक्निकल स्कुल, सुनसरी
८८. सुर्खेत एजुकेसन डेभलपमेन्ट एकेडेमी, सुर्खेत
८९. सुष्मा कोइराला मेमेरियल सीएमए/एएनएम क्याम्पस, बाँके
९०. तम्घास टेक्नीकल इन्स्टिच्युट, गुल्मी
९१. तानसेन स्कुल अफ हेल्थ साइन्स, पाल्पा
९२. टेक्निकल ट्रेनिङ सेन्टर, सिन्धुली
९३. द हिमाल इन्स्टिच्युट अफ हेल्थ एण्ड टेक्निकल साइन्स, पर्सा
९४. टिकापुर नर्सिङ क्याम्पस, कैलाली
९५. त्रिशुली मेडिकल इन्स्टिच्युट, नुवाकोट
९६. उदयपुर टेक्निकल ट्रेनिङ स्कुल, सप्तरी
९७. युनिक कलेज अफ मेडिकल साइन्स एन्ड हस्पिटल, रुपन्देही
९८. यति हेल्थ साइन्स एकेडेमी, काठमाडौं
९९. गौर नर्सिङ इन्स्टिच्युट, रौतहट ।