सनसनीपूर्ण खोजका लागि दुई अमेरिकीले पाए चिकित्सातर्फको नोबेल पुरस्कार

A+ A A-

अमेरिकी वैज्ञानिकद्वय डेभिड जुलिएस र आर्देम पातापुशनले चिकित्सातर्फ सन् २०२१ को नोबेल पुरस्कार पाएका छन् । सोमबार उनीहरूलाई विजेता घोषणा गरिएको हो ।

ती वैज्ञानिकद्वले शरीरको तापक्रम र दुखाइ कम गर्ने पेन किलरबीचको सम्बन्धबारे गरेको नयाँ अनुसन्धानका लागि पुरस्कार दिइएको नोबेल सभाले जनाएको छ ।

'हाम्रो शरीरले ताप, चिसो र स्पर्शको बुझ्नु अति आवश्यक छ । यो खालको संवेदनालाई हामीले सामान्य रुपमा लिन्छौं, तर यसको महत्व बढी छ । हाम्रो स्नायु प्रणालीले तापक्रमलाई कसरी लिन्छ भन्ने गहिरो प्रश्नको जवाफ यो वर्षको नोबेल पुरस्कार विजेताले पत्ता लगाएका छन्', नोबेल सभाले भनेको छ ।

BREAKING NEWS:
The 2021 #NobelPrize in Physiology or Medicine has been awarded jointly to David Julius and Ardem Patapoutian “for their discoveries of receptors for temperature and touch.” pic.twitter.com/gB2eL37IV7
— The Nobel Prize (@NobelPrize) October 4, 2021

यो खोजले तापक्रम र चिसोपनले स्नायु प्रणालीलाई पार्ने प्रभाव थाहा हुने र सो प्रणालीले बाहिरी विश्वलाई कसरी अनुकूल बनाउँछ भन्नेबारे बुझ्न सहयोग हुने बताइएको छ ।

यो खोज पुरानो दुखाइ लगायतका धेरै खाले रोगको उपचारका लागि सहयोग पुग्ने नोबेल सभाले जनाएको छ ।

एक शताब्दी भन्दा पुरानो यो पुरस्कारको राशी ११ लाख ५० हजार अमेरिकी डलर रहेको छ । सन् १९०१ देखि दिँइदै आएको नोबेल पुरस्कार विज्ञान, साहित्य, शान्तिको क्षेत्रमा पाएको सफलताका लागि दिइने गरेको छ ।

अघिल्लो वर्ष हेपाटाइटिस सीको भाइरस पत्ता लगाउने तीन वैज्ञानिकले पाएका थिए । सो खोजले घातक रोगको उपचार पत्ता लगाउन सहज भएको थियो भने ब्लड बैंकबाट पनि यसलाई फैलन रोक्न सफलता पाइएको थियो ।

प्रकाशित मिति: सोमबार, असोज १८, २०७८ १८:५७