कांग्रेस निर्वाचन समितिबाट राजीनामा दिएका यादव भन्छन् -अदालतमा धेरै काम थियो, त्यसैले बाहिरिएँ (अन्तर्वार्ता)

कांग्रेस निर्वाचन समितिबाट राजीनामा दिएका यादव भन्छन् -अदालतमा धेरै काम थियो, त्यसैले बाहिरिएँ (अन्तर्वार्ता)

फाइल तस्वीर

A+ A A-

नेपाली कांग्रेसमा क्रियाशील सदस्यताको विवादको कारण अझै पनि २१ जिल्लामा वडा अधिवेशन हुन सकेको छैन । भदौ १८ देखि सुरु भएको वडा अधिवेशन २६ गते सम्ममा सम्पन्न गरिसक्ने कार्यसूची थियो तर पार्टी सभापति शेरबहादुर देउवाको गृहजिल्ला डडेल्धुरासहित २१ जिल्लामा अझै अधिवेशन प्रकृया अगाडि बढ्न सकेको छैन ।

यसैबीच महाधिवेशन निर्वाचन समितिका केन्द्रीय संयोजक महादेव प्रसाद यादवले समेत संयोजक पदबाट राजीनामा दिएका छन् । यादवको राजीनामाले पनि महाधिवेशन कति जटिल बन्दै गएको छ भन्ने कुरा प्रष्ट पार्छ ।

शिलापत्रसँग संक्षिप्त प्रतिक्रिया दिँदै यादवले आफ्नो कार्य व्यस्तताको कारण राजीनामा दिएको बताएका छन् ।

यादवसँग गरिएको कुराकानीको संम्पादित अंशः

महाधिवेशन प्रकृया अगाडि बढिरहेको अवस्थामा तपाईँले राजीनामा किन दिनुभो ?

मैले मेरो व्यक्तिगत कार्य व्यस्तताको कारण राजीनामा दिएको हुँ । राजीनामाको अरु कुनै कारण छैन ।

यो महत्वपूर्ण घडीमा तपाईँ आफ्नो महत्वपूर्ण जिम्मेवारीबाट भाग्नुभयो भन्ने आरोप लाग्ला नि ?

निर्वाचन समितिमा ममात्रै थिइनँ । अन्य साथीहरु पनि हुनुहुन्छ । त्यसैले म जाँदैमा प्रकृया रोकिँदैन । टिममा राम्रा राम्रा साथीहरु हुनु्हुन्छ ।

निर्वाचन समितिमा अरु व्यक्ति भए पनि मूल नेतृत्व नै बाहिरिएपछि समस्या पर्दैन त ?

केही असजिलो अवश्य होला तर म धेरै लामो समय त्यहीँ रहिरहन सक्ने अवस्थामा थिइनँ । म कानून व्यवसायी हुँ । पाहुना अथवा पार्टटाइम कानुन व्यवसायी होइन । अदालतमा मेरो धेरै काम थियो । त्यसैले म बाहिरिएँ ।

तर महाधिवेशन गराउने जिम्मेवारी लिँदा यो कुराको आँकलन त तपाईँले पक्कै गर्नुभएकै थियो होला नि हैन र ?

हो, तर निर्धारित समयमै अधिवेशन भएको भए म पक्कै पनि राजीनामा गर्ने थिइनँ । अनावश्यक ढिलाईले मेरा व्यक्तिगत कामलाई पनि प्रभावित भएकाले मैले राजीनामा दिएको हुँ ।

राजीनामापछि कुनै नेताहरुलाई तपाईँसँग कुरा गरेका छन् ?

यो विषयमा मेरो अहिलेसम्म कसैसँग कुरा भएको छैन ।

शीर्ष नेताहरुले तपाईँ आफ्नो जिम्मेवारीबाट भाग्न पाउनुहुन्न, राजीनामा स्विकृत गर्न सकिँदैन भनेको अवस्थामा पुनः जिम्मेवारीमा फर्कनुहुन्छ कि के गर्नुहुन्छ ?

अहिलेसम्म त्यस किसिमले मसँग कसैले कुरा गरेको छैन । भविष्यमा कसैले भन्यो भने विचार गर्न सकिएला तर अहिले नै यसै गर्छु भनेर भन्न सक्ने अवस्थामा म छैन ।

प्रकाशित मिति: शुक्रबार, भदौ २५, २०७८ १०:२७

केशवराज जोशी

प्रतिक्रिया दिनुहोस्

भर्खरै

वाईवाई चाउचाउ गणस्तरहीन, महानगरले गर्‍यो आर्थिक जरिवाना

जिल्ला भ्रमणमा भीआईपीहरूलाई अगुवा पछुवा उपलब्ध नगराउन गृह मन्त्रालयको निर्देशन

खडेरीले मकै सुक्न थालेपछि नारायणी लिफ्टबाट पानी छाडियो

देशका ९९२ स्थानमा डढेलो, नेता सत्ताको राेइलोमा, नागरिकको बिपत्तिमा छैन सहारा

युट्युब पत्रकारितामा आचार संहिता अनिवार्य छ : अध्यक्ष बस्नेत

लोकप्रिय

सरकार ढाल्न कांग्रेसले दाेहाेराे संवाद थालेपछि प्रचण्डले तयार पारे तीन विकल्प

डेढ महिनामै प्रचण्डले भन्न थाले- उता अप्ठेरो भयो भनेर यता आइयाे, यता झन् टाल्नकै हैरान

बुद्धनगरमा कांग्रेस–एमालेका चार नेताकाे वार्ता, बालकाेट पुग्दासम्म गगन थापा निराश

२५ अर्ब किलोमिटर टाढाबाट आयो पृथ्वीमा सन्देश, उत्साहित भए नासाका वैज्ञानिक

इरान र इजरायलः कसको शक्ति कति ?

विचार

चीनमा एउटै भूकम्पले लिएको थियो ८ लाख ३० हजारको ज्यान (भिडियो)

तीन जनाको मुट्ठीमा ३ करोड जनताको लोकतन्त्र

बीसौँ शताब्दीका प्रभावशाली नेता लेनिन (भिडियो)

ब्लग

सधैँ हाँसीखुसी देखिने गाउँकी काकी, डाक्टर र अर्जुन मैनालीले राेजेकाे गलत बाटाे

छोटो तर मनमोहक पदयात्रा 'लाङटाङ'

एक जनमुखी प्रधानपञ्चको नाममा

शिक्षा

बालेनको प्रयाससँगै काठमाडौंका सामुदायिक विद्यालयमा आकर्षण, गुणस्तर धान्न भने चुनौती

डीएभी विद्यालयमा राग र तालमिश्रित सांस्कृतिक कार्यक्रम ‘तरङ्ग’ सम्पन्न

दलका कार्यसमितिको विवरण माग्दै निर्वाचन आयोगलाई शिक्षा मन्त्रालयले पठायो पत्र