कर्णालीका ३५४ जनप्रतिनिधिले रोजे एकीकृत समाजवादी

A+ A A-

कर्णालीका १० जिल्लाका ३५४ जना जनप्रतिनिधिले नेकपा (एकीकृत समाजवादी) पार्टी रोजेका छन् । कर्णाली प्रदेशका १० जिल्लामध्ये सबैभन्दा बढी सल्यानका ७६ जना जनप्रतिनिधिले एकीकृत समाजवादी रोजेका हुन् ।

एमाले विभाजनपछि दैलेखमा ६५, कालीकोटमा पनि ६५, जुम्लामा ४४, डोल्पामा ४२, मुगुमा २९, सुर्खेतमा १५, जाजरकोटमा १०, हुम्लामा ५ र रुकुमपश्चिममा ३ जनाले एकीकृत समाजवादी पार्टी रोजेका हुन् ।

सल्यानमा गाउँपालिका अध्यक्ष १ जना, गाउँपालिका उपाध्यक्ष १ जना, वडा अध्यक्ष १९ र अन्य कार्यपालिका सदस्य र वडा सदस्य गरेर जम्मा ७६ जनाले एकीकृत समाजवादी रोजेका हुन् ।

दैलेखमा गाउँपालिका अध्यक्ष २ जना, गाउँपालिका उपाध्यक्ष ३ जना, नगरपालिका उपप्रमुख १ जना र वडा अध्यक्ष ११ जना गरी जम्मा ६५ जनाले एकीकृत समाजवादी रोजेका छन् ।

यस्तै, कालीकोटमा गाउँपालिका अध्यक्ष २ जना, गाउँपालिका उपाध्यक्ष १ जना, नगरपालिका उपप्रमुख १ जना, वडा अध्यक्ष १२ जना गरेर जम्मा ६५ जना र जुम्लामा गाउँपालिका उपाध्यक्ष १ जना र वडा अध्यक्ष ११ जना गरेर जम्मा ४४ जनाले एकीकृत समाजवादी राेजेका हुन् ।

डोल्पामा नगरपालिका प्रमुख १ जना, जिल्ला समन्वय समितिका सदस्य ४ जना, वडा अध्यक्ष ८ जना गरेर जम्मा ४२ जना र मुगुमा गाउँपालिका उपाध्यक्ष १ जना, वडा अध्यक्ष ७ जना गरेर जम्मा २९ जनाले एकीकृत समाजवादीमा सनाखत गरेका छन् ।

सुर्खेतमा पनि वडा अध्यक्ष ५ जना तथा कार्यपालिका तथा अन्य वडा सदस्य गरेर जम्मा १५ जनाले एकीकृत समाजवादी राेजेका छन् ।

जाजरकोटमा वडा अध्यक्ष २ जना र हुम्लामा जिल्ला समन्वय समिति सदस्य १ जना र अन्य वडा सदस्य गरेर जम्मा ५ जनाले एकीकृत समाजवादी पार्टी राेजेका छन् ।