५८४ सय म्यानपावर कालोसूचीमा, अझै अटेर गर्नेको दर्ता खारेज हुनसक्ने (सूचीसहित)

५८४ सय म्यानपावर कालोसूचीमा, अझै अटेर गर्नेको दर्ता खारेज हुनसक्ने (सूचीसहित)

A+ A A-

वैदेशिक रोजगार विभागले पाँच सय ८४ सय म्यानपार कम्पनीलाई कालोसूचीमा राखेको छ ।

वैदेशिक रोजगार ऐन विपरीत काम गरेको भन्दै यी म्यानपावर कम्पनीलाई कारबाही गर्दै कालोसूचीमा राखिएको हो ।

वैदेशिक रोजगारीमा कामदार पठाउँदा धेरै पैशा लिने, विदेशमा कामदारलाई अलपत्र पार्ने यस्ता कम्पनीलाई विभागले एकमुष्ठ कारबाही गरेको हो । कालोसूचीमा राखिएका म्यानपावरले अझै अटेर गरेर नसुध्रिए खारेज नै हुनसक्ने व्यवस्था छ । सरकारले यसअघि पनि सय भन्दा धेरै म्यानपावरलाई कालोसूचीमा राखेर खारेजी गरिसकेको छ ।

विभागले वैदेशिक रोजगार ऐन अनुसार यी कम्पनीलाई कारबाही गरेको विभागका निर्देशक तथा सूचना अधिकारी महेन्द्रनाथ भट्टराईले जानकारी दिए । आर्थिक ठगी, कामदारको राहदानी लिएर फिर्ता नगर्ने, कामदारसँग अग्रिम पेश्की लिने र सरकारले तोकेभन्दा धेरै पैशा असुल्ने म्यानपावरलाई कारबाही गर्न सक्ने ऐनको व्यवस्था अनुसार नै कारबाही गरिएको उनले बताए ।

विभागले उजुरीमा परेका म्यानपावरलाई पहिला कामदारका समस्या समाधान गर्न आग्रह गर्दै अटेर गर्ने म्यानपावरहरूको काम कारबाही रोक्का गरी कालोसूचीमा राख्ने गरेको छ ।

‘वैदेशिक रोजगार ऐनमा यो क्षेत्रलाई व्यवस्थित बनाउन उल्लेख भएका कानुनअनुसार विभागले कारबाही प्रक्रिया अगाडि बढाएको हो,’ उनले भने, ‘सरकारले यो क्षेत्रलाई व्यवस्थित, मर्यादित र सुरक्षित बनाउन पहल गरिरहेको र कामदारका समस्या विभागले तत्काल सुनुवाई गर्दै आएको छ ।’

ठूलो आर्थिक ठगीको उजुरी परेका म्यानपावर कम्पनीहरूको धरौटी रकमबाट विभागले पीडितलाई क्षतिपूर्ति भराउँदै आएको छ । म्यानपावर कम्पनीले दुई देखि ६ करोडसम्म कम्पनी सञ्चालन धरौटी राखेका हुन्छन् । विभागले हालसम्म ३० वटा म्यानपावर कम्पनीलाई निष्क्रिय सूचीमा राखेको छ ।

हाल वैदेशिक रोजगारीमा कामदार पठाउँदै आएका ४० प्रतिशत म्यानपावर कम्पनीहरु कोरोना महामारीका कारण कामदार विदेश पठाउन नपाउँदा बन्द हुने अवस्थामा पुगेका छन् ।