अफगानिस्तानमा रहेका नेपाली सुरक्षागार्ड भन्छन्- हामी विद्यालयमा लुकेर बसेका छौँ, काबुलबासी भेला भएर प्रार्थना गर्दैछन्

अफगानिस्तानमा रहेका नेपाली सुरक्षागार्ड भन्छन्- हामी विद्यालयमा लुकेर बसेका छौँ, काबुलबासी भेला भएर प्रार्थना गर्दैछन्

तस्वीर : रोयटर्स

A+ A A-

सुरक्षागार्डको रोजगारीका लागि १७ महिनाअघि अफगानिस्तान पुगेका धनकुटाका राज सुब्बा अहिले राजधानी काबुलमा छन् । उनी सरकारी वकिलको सुरक्षागार्डमा कार्यरत थिए ।

तीन दिनअघि घर फर्क भनेका वकिल कता फरार भए थाहा छैन । तालिबान लडाकुहरू काबुल छिर्ने तरखरमा रहेकाले त्यहाँ भयको स्थिति रहेको सुब्बा बताउँछन् । तालिबान लडाकुहरू अफगानिस्तानको राजधानी काबुलमा प्रवेश गर्ने क्रममै छन् । तर, अमेरिकी सेना अफगानिस्तानमा हुँदाजस्तो अहिले गोली र बम हमला भने भएको छैन ।

अफगानिस्तानमा सुरक्षामा खटिएका सेना-प्रहरीकै भागाभाग भइरहे पनि आफूलगायत काबुलमा रहेका नेपालीको भागेर जाने ठाउँ समेत नरहेको उनी बताउँछन् । ‘बाहिर सन्नाटा छ । काबुलवासी खुला स्थान र पार्कमा भेला भएर प्रार्थना गर्दैछन्,’ उनले शिलापत्रसँग भने, ‘तालिबानले कब्जा गरेको भन्दा पनि बम हमाला भयो भने मरिन्छ भन्ने आतंक छ ।’

सुब्बाका अनुसार, अहिलेसम्म त्यहाँ कुनै ठूलो आक्रमण भएको छैन । अमेरिकी सेनाले आफ्ना नागरिक उद्दार गरिसकेको छ । ‘हाम्रो सरकारले पनि हामीलाई छिटै सरकारले उद्दार गरे हुने,’ उनी भन्छन्, ‘तत्काल त्यस्तो सम्भावना नभएकाले चिन्तित छौँ ।’

उनी अहिले भारतीय नागरिकहरूसँग काबुलको उत्तरी शहरनजिकै एउटा विद्यालयमा बसिरहेका छन् । त्यहाँ खाना–बस्नको समस्या नभए पनि आफूहरू त्रासमा बाँचिरहेको उनी बताउँछन् ।

तालिबान आक्रमणको त्रास बढेसँगै काबुलस्थित क्यानाडा दूतावासमा सेक्युरिटी गार्डको काम गर्ने १ सय ११ जना नेपालीलाई सुरक्षित स्थानमा सारिएको छ । यो दूतावासमा तालिबानले आक्रमण गर्न थालेपछि दुई दिनअघि नै बन्द भएको थियो ।

दूतावासमा काम गर्दै आएका ती नेपालीलाई विमानस्थल नजिकैको एक होटलमा सुरक्षित राखिएको त्यहाँ कार्यरत रामेछापका रुविस तामाङले बताए । हाल उनी क्यानडा दूतावासले राखेको होटलमा बसेका छन् ।

काबुल प्रवेश गर्ने मुख्य गेटमै तालिबान लडाकु बसेका छन् । झट्ट हेर्दा अवस्था सामान्य जस्तो देखिए पनि कति बेला के हुन्छ कुनै ग्यारेन्टी नभएको तामाङले बताए ।

‘काबुलमा कति बेला के हुन्छ कुनै टुंगो छैन । तर, विदेशी नियोगका मान्छे बसेका आसपासमा भन्ने बम हमला हुने ठूलो त्रास छ,’ उनले शिलापत्रसँग भने, ‘तालिबान लडाकुहरू नियन्त्रणबाहिर गएर अमेरिकी र क्यानडाको दूतावासमा हमला गर्लान भन्ने त्रास छ । दूतावासहरूले समेत ठूलो सुरक्षा माग गरेका छन् । तर, अफगानी सेना सुरक्षा दिन डराइरहेका छन् ।’

९ घण्टायता राम्रो सञ्चार नेटवर्क चलेको छैन । जसका कारण शरहमा के भइरहेको छ भन्ने कसैलाई थाहा नभएको उनी बताउँछन् । तालिबान लडाकुले काबुलको मुख्य व्यापारिक केन्द्र, सरकारी भवन र सेनाको जंगीअड्डा नै नियन्त्रणमा लिने तयारी गरिरहेको आफूले थाहा पाएको उनले सुनाए ।

तामाङका अनुसार, तालिबान लडाकुले काबुलको आकाशमा कालो धुवाँ उडाइरहेका छन् । त्यसले शहरमा आतंकको स्थिति छ । सरकारले भारत हुँदै आफ्ना नागरिक उद्दार गर्ने विषयमा छलफल गरिरहेको परराष्ट्र मन्त्रालयले जनाएको छ ।

अफगानिस्तानमा करिब १ हजार ५ सय नेपाली नागरिक विभिन्न देशका नियोगमा काम गर्दै आएका छन् । उनीहरूलाई सम्बन्धित देशकै नियोगहरूले उद्दार गर्ने विषयमा छलफल भइरहेको परराष्ट्र मन्त्रालयकी प्रवक्ता सेवा लम्सालले बताइन् ।

‘नेपालीहरू अहिलेसम्म ठूलो समस्यामा परेका छैनन् । तत्कालै जटिल समस्या आउला जस्तो देखिएको छैन,’ उनले भनिन् ।

प्रकाशित मिति: आइतबार, साउन ३१, २०७८ १८:०८

रमेश भारती

प्रतिक्रिया दिनुहोस्

भर्खरै

मेरो ब्याटबाट राम्रो रन निस्किरहेको छः कप्तान रोहित

नागरिक लगानी कोषले पाल्पा सिमेन्टको शेयर प्रत्याभूति गर्ने

सचिव र सांसदको माग– टीआरसी र बेपत्ता आयोगकाे नेतृत्वमा निष्पक्ष व्यक्ति चाहियाे

रहेनन् प्युठानका भेल्लु बाजे

प्रधानमन्त्रीसँग भारतका महालेखापरीक्षकको शिष्टाचार भेट

लोकप्रिय

सहकारी ठगीले इलाम २ मा तनाव दिएपछि रवि लामिछानेको नयाँ स्टन्ट, धन्यवाद दिन गृह मन्त्रालय पुग्ने को हुन् ?

इलाम २ः प्रारम्भिक मतपरिणाममा एमाले र 'पूर्वएमाले'बीच टक्कर

श्रीमती रञ्जितासँगकाे सहमति भंग भएपछि रेशम विक्षिप्त, २० मिनेटमा सात स्टाटस

इलाम २ अपडेटः यस्तो छ प्रारम्भिक मतपरिणाम

बालकोट वार्ता: प्रचण्डलाई बाहिर राखेर कांग्रेस-एमालेको सरकार बनाउने शेखरको प्रस्ताव, ओलीले गरे अस्वीकार

विचार

आफ्नै सामर्थ्य नबुझेर अलमलिएका स्थानीय सरकार

पसिना बगाउनेहरूलाई हेलाहोचो गरेर कसरी आऊला समृद्धि ?

लगानी सम्मेलन : यसअघि गरिएका लगानी प्रतिबद्धता कार्यान्वयन भए कि भएनन्, खाेजी हुनुपर्छ

ब्लग

कसरी हटाउने सार्वजनिक सवारीको बेथिति ?

सधैँ हाँसीखुसी देखिने गाउँकी काकी, डाक्टर र अर्जुन मैनालीले राेजेकाे गलत बाटाे

छोटो तर मनमोहक पदयात्रा 'लाङटाङ'

शिक्षा

सरकारी स्कुलप्रतिको नकारात्मक धारणा बदलेर यसरी उत्कृष्ट बन्यो ज्ञानोदय मावि

आफ्नै छोराछोरी पढाउन राजा वीरेन्द्रले भित्र्याएका थिए ए–लेभल, कस्ता विद्यार्थीले पढ्ने ?

जनकपुरकाे याज्ञवल्क्य स्कुलमा विद्यार्थीकाे आकर्षण, प्रवेश परीक्षा दिने आधाले मात्रै पाए भर्ना