सुजिता भण्डारी मृत्यु प्रकरण: काठमाडौंबाट सुकदेव भण्डारी पक्राउ, प्रेम सम्बन्ध र सँगै बसेको अनुसन्धानमा भेटियो

सुजिता भण्डारी मृत्यु प्रकरण: काठमाडौंबाट सुकदेव भण्डारी पक्राउ, प्रेम सम्बन्ध र सँगै बसेको अनुसन्धानमा भेटियो

A+ A A-

चितवनको राप्ती नगरपालिका– ३ की सुजिता भण्डारी मृत्यु प्रकरणमा प्रहरीले शुक्रबार काठमाडौंबाट सचिन भन्ने सुकदेव भण्डारीलाई पक्राउ गरेको छ । पक्राउ परेका झापा जिल्ला झापा गाउँपालिका –६, शरणामतीका २३ वर्षीय भण्डारी नातामा सुजिताका दाइ पर्ने प्रहरीको भनाइ छ ।

प्रहरीले आत्महत्या दुरुत्साहन मुद्दामा भण्डारीलाई काठमाडौंबाट पक्राउ गरिएको जिल्ला प्रहरी कार्यालय चितवनले शुक्रबार पत्रकार सम्मेलन गरी जानकारी दिएको हो । प्रक्राउ परेका भण्डारी सुजिताको आफ्नै ठूलोबुबाको छोरा भएको खुल्न आएको छ । उनीहरूबीचमा ‘प्रेमसम्बन्ध’ रहेको प्रहरीकोे अनुसन्धानबाट खुल्न आएको छ ।

अनुसन्धानका क्रममा दाजुबहिनी नाता पर्ने सुकदेव भण्डारी र सुजिता भण्डारी काठमाडौं गई छुट्टै एकसाथ बस्ने योजना बनाएको देखिएको प्रहरीले बताएको छ ।

‘दिदीको घर जान्छु भनी हिँडेकी सुजिता भण्डारी काठमाडौं गई केही समय दिदीकोमा बसी सचिनले कोठा खोजी बोलाएपछि दुवै जना सँगै बसेका पनि रहेछन्,’ अनुसन्धानमा खटिएका प्रहरी नायब उपरीक्षक इन्द्रबहादुर रानाले भने, ‘लामो समयको एकअर्काप्रतिको प्रेम सम्बन्धपश्चात् सामाजिक तथा नैतिक कठिनताले एकअर्कासँग विवाह गरी सम्भव भए सँगै विदेश जाने र नभए अपहरणमा परेको बहाना बनाई कसैले थाहा नपाउने ठाउँमा बस्ने योजनासम्म बनाएको दखिएको छ ।’

गत ९ असारमा सुजिताले सचिनलाई विवाह गर्न प्रस्ताव गरेकी थिइन् । सो विषयमा विवाद हुँदा सुजिताले विवाह नगर्ने भए मर्छु भनेको र सचिनले ‘जे गर्छेस् गर् भनेको’ पनि अनुसन्धानले देखाएको प्रहरी नायब उपरीक्षक रानाले बताए ।

त्यसको दुई दिनपछि गत असार ११ गते बिहान ६ बजे साथीको घर जान भनी निस्केकी सुजिता भण्डारी अपरिचित व्यक्तिहरूद्वारा अपहरण भएको भन्दै इलाका प्रहरी कार्यालय भण्डारामा परिवारले जाहेरी दिएका थिए । सुजिता बेपत्ता भएको ९ दिनपछि राप्ती ३ कै सामुदायिक वनमा शव फेला परेको थियो । छिमेकी गाउँ धमिलीका चेपाङले जंगली च्याउ टिप्न जाँदा शव देखेपछि प्रहरीलाई खबर गरेका थिए ।

प्रहरी टोलीले घटनास्थलनजिक धानमा लाग्ने कीरा मार्न प्रयोग हुने विषको बोत्तलसमेत फेला पारेको थियो । त्यसबाहेक प्रहरीले सुजिताले प्रयोग गर्दै आएको मोबाइल बिनासिमकार्ड फेला पारेको थियो ।

टिचिङ अस्पतालमा भएको पोस्टमार्टम रिपोर्टमा सुजिताको मृत्युको प्रस्ट कारण खुलेका थिएन । सुजिताको मृत्युको थप कारण खोज्न भिसेरा परीक्षण गरिएकोमा रिपोर्ट अझै आइपुगेको छैन ।

भण्डारीकी आमा अम्बिका भण्डारीले जिल्ला प्रहरी कार्यालय चितवनमा गत ६ साउनमा सचिनविरुद्ध आत्महत्या दुरुत्साहनमा जाहेरी दिएकी छिन् । प्रक्राउ परेका सचिनमाथि जिल्ला अदालत चितवनबाट ७ दिन म्याद थप भई अनुसन्धान भइरहेको प्रहरीले जनाएको छ ।

आत्महत्या दुरुत्साहन मुद्दामा मुलुकी अपराध संहिता, २०७४ परिच्छेद – १२ ज्यानसम्बन्धी कसुरअन्तर्गत दफा १८५ मा पाँच वर्षसम्म कैद र ५० हजार रुपैयाँसम्म जरिवानाको व्यवस्था छ ।

प्रकाशित मिति: शुक्रबार, साउन ८, २०७८ १८:३१

निशा श्रेष्ठ

प्रतिक्रिया दिनुहोस्

भर्खरै

‘विप्रेषण विकासको दीर्घकालीन माध्यम होइन’

पर्यटकीयस्थल रारामा प्लास्टिकजन्य वस्तु छोड्न नपाइने

संवैधानिक आयोगहरूमा सचिवस्तरका कर्मचारी पठाउन सक्ने अवस्था छैनः मन्त्री जोशी

प्रतिपक्षले वेल घेरिरहँदा किन जुरुक्कै उठे ओलीसहित एमाले सांसदहरू ?

एसको अध्यक्षमा भिड्ने झलनाथ खनालको तयारी, माधव नेपाल महाधिवेशन सार्ने रणनीतिमा

लोकप्रिय

छानबिन समिति बने गृहमन्त्रीबाट राजीनामा दिने तयारीमा रवि लामिछाने

एउटै रेडियोमा काम गर्थे रवि र गगन, २५ वर्षपछि सम्बन्धमा कसरी बढ्यो खटपट ?

एमाले र माओवादीसँग कसरी बिग्रियो उपेन्द्रको सम्बन्ध ?

बर्खास्तीमा परेको साढे सात वर्षपछि सार्वजनिक कार्यक्रममा देखिए पूर्वअख्तियार प्रमुख कार्की

सन्दीपको मुद्दामा फैसला सुनाउनुअघि न्यायाधीशले सीसीटीभी फुटेज हेर्ने

विचार

दिगो विकासको आधारः शिक्षा व्यवस्था र विश्वदृष्टिकोण

नगरवधू आम्रपाली कसरी भिक्षु भइन् ?

खुसीको कुरा, नेपालीको आयु बढ्यो तर हेरचाह गर्ने कसले ?

ब्लग

रहस्यैरहस्यको चाङ नरवीर नेम्वाङ

गोसाइँकुण्ड यात्राले स्वस्थ छु, चुस्त छु भन्ने भ्रमबाट मुक्त गरायो

म गे हुँ भनेर थाहा पाउँदा आमालाई सुर्ता भयो, 'अब यसलाई समाजले कति दुःख देला नि'

शिक्षा

दिगो विकासको आधारः शिक्षा व्यवस्था र विश्वदृष्टिकोण

अराजकताकाे केन्द्र बनिरहेका विद्यार्थी संगठन : आवरणमा शैक्षिक मुद्दा, व्यवहारमा चन्दा र आफन्तलाई जागिर जाेहाे

रोटरी अफ क्लब कान्तिपुर स्थापनाको अवसरमा दुई शिक्षक सम्मानित