माडीको अयोध्यापूरीमा राम-सीताको मूर्ति स्थापना गर्दा जे देखियो [तस्वीरहरू]

माडीको अयोध्यापूरीमा राम-सीताको मूर्ति स्थापना गर्दा जे देखियो [तस्वीरहरू]

A+ A A-

राम, सीता, लक्ष्मण र हनुमानको मूर्ति चितवनको माडीको अयोध्यापुरीमा नवनिर्मित मन्दिरमा स्थापना गरिएको छ । हजारौँ मानिसहरूको उपस्थितिमा माडी नगरपालिका- ९ स्थित कृष्णनगरमा मूर्ति राखिएको हो ।

रामनवमीको अवसर पारी राखिएका मूर्तिलाई पछि मूल मन्दिर बनाएर राख्ने योजना रहेको अयोध्याधाम प्रचार समितिले जनाएको छ । कार्यक्रममा संस्कृति तथा पर्यटनमन्त्री भानुभक्त ढकाल, बागमती प्रदेशका प्रदेश प्रमुख विष्णुप्रसाद प्रसाईं, प्रदेश- २ का प्रमुख राजेश अहिराज, बागमती प्रदेशका मुख्यमन्त्री डोरमणी पौडेल, चितवन निर्वाचन क्षेत्र नं. २ का सांसद कृष्णभक्त पोखरेलसहितको उपस्थितिमा मन्दिरमा मूर्ति राखिएको हो ।

कार्यक्रममा बोल्दै पर्यटनमन्त्री ढकालले माडीको अध्योयापुरीमा भगवान् रामको जन्म भएको यथेष्ट प्रमाण भएको बताए । नेपालमै रामको जन्मभूमि रहेको तथ्य प्रमाणित गर्ने मन्त्री ढकालको भनाइ थियो । यस्तै, बागमतीका मुख्यमन्त्री पौडेलले अयोध्याधामको विकासको लागि प्रदेश सरकारले सहयोग गर्ने आश्वासन दिए ।

बालुवाटार मंगलबार प्रधानमन्त्री केपी शर्मा ओलीले पूजाआजा गरेर रथ यात्रासहित देवघाट ल्याइएका मूर्तिलाई आज बिहान सङ्गमस्थलको पवित्र जलले जलाभिषेक माडी पुर्‍याइएको थियो । चितवनको दासढुंगा नारायणगढ, चौविसकोठी, विकास चोक, पटिहानी हुँदै रथयात्राबाट माडी पुर्‍याइएका मूर्तिसहितको लावास्कार टोलीको स्वागतमा सयौँ मानिस बाटोमा भजनकीर्तन गाउँदै कलशहरू राखेर गरेका थिए ।

हेर्नुहोस् तस्वीरहरू :