महोत्तरीको भंगहा नगरपालिका-८ स्थित धर्मपुर टोलका आठ बालिका तथा किशोरी बेपत्ता भएका छन् । मंगलबार दिउँसो करिब दुई बजे घाँस काट्न निस्केका उनीहरू राति १० बजेसम्ममा समेत फर्किएका छैनन् ।
बेपत्ता हुनेहरूमा १८ वर्षीया अस्मिता पासवान, १३ वर्षीया ज्योति पासवान, १५ वर्षीया रिया पासवान, अर्चना पासवान, १८ वर्षीया नगिना पासवान, १० वर्षीया रंजना पासवान, १० वर्षीया सीमा पासवान र रचना पासवान रहेका छन् । उनीहरू सबै एउटै टोलका छन् ।
‘उनीहरू सधैँ समूहमै घाँस काट्न जान्थे र साँझसम्म फर्किहाल्थे तर आज नफर्केपछि हामी खोजतलासमा जुट्यौँ । प्रहरीलाई पनि जानकारी गराएका छौँ, ज्योतिका बुवा विष्णु पासवानले भने, ‘घरबाट करिब एक किलोमिटरको दूरीमा रहेको पूर्वपट्टीको चौरमा उनीहरूलाई घाँस काट्दै गरेको स्थानीयले देखेका थिए ।’
उनीहरू बेपत्ताको घटनाले गाउँमा त्रास फैलिएको छ । टोलवासी तथा प्रहरीले समेत उनीहरूको खोजी गरिरहेको छ ।
प्रकाशित मिति: मंगलबार, चैत १७, २०७७ २२:०३
-1743689155-1743920799.jpg)
-1743661115.jpg)
-1743579183-1743604118.jpg)
