यस्ताे छ महुली, स्वरोजगार र आरएसडीसी लघुवित्तकाे वित्तीय स्थिति

A+ A A-

महुली, स्वरोजगार र थोक लघुवित्त कारोबार गर्ने आरएसडीसी लघुवित्तले चालू आर्थिक वर्षको तेस्रो त्रयमासको आय विवरण सार्वजनिक गरेका छन् |

महुली लघुवित्त

महुली लघुवित्तले प्रकाशित गरेको आय विवरणअनुसार समीक्षा अवधिमा २२ करोड ५५ लाख रुपैयाँ ब्याज आम्दानी र १२ करोड ४१ लाख रुपैयाँ ब्याज खर्चपछि १० करोड १४ लाख रुपैयाँ खुद ब्याज आम्दानी गरेको छ । खुद ब्याज आम्दानी ५ प्रतिशतले बढेको छ । शुल्क र कमिसनबाट २ करोड ४६ लाख रुपैयाँ आम्दानी गरेको छ । यो आम्दानी २३ प्रतिशतले बढेको छ ।

ब्याज, शुल्क, कमिसन र अन्य आम्दानीसमेत गरी १२ करोड ७८ लाख रुपैयाँ कुल सञ्चालन आम्दानी गरेको छ । कुल सञ्चालन आम्दानी ८ प्रतिशतले बढेको छ ।

कर्मचारी खर्च, सञ्चालन खर्च, नोक्सानी व्यवस्था र नोक्सानी व्यवस्थाबाट फिर्तापछिको खुद सञ्चालन आम्दानी ४ करोड ६८ लाख रुपैयाँ छ, जुन अघिल्लो वर्षभन्दा १० प्रतिशतले बढेको छ ।

कर्मचारी बोनस र आयकरपछि २ करोड ८७ लाख रुपैयाँ खुद नाफा गरेको छ । खुद नाफा अघिल्लो वर्ष यही अवधिको तुलनामा २० प्रतिशतले बढेको छ । प्रतिसेयर आम्दानी ३७ रुपैयाँ ५३ पैसा कायम गरेको छ |

कम्पनीको चुक्ता पुँजी १० करोड २२० लाख रुपैयाँ, सापट ८७ करोड, सदस्यको बचत ८३ करोड र कर्जा लगानी १ अर्ब ९३ करोड रुपैयाँ छ ।

खराब कर्जा १.६९ प्रतिशत, कोषको लागत १०.४० र प्रतिसेयर खुद सम्पत्ति २७७ रुपैयाँ छ ।

आरएसडीसी लघुवित्त : लगानी वृद्धिपछि खुद नाफा बढ्यो

थोक कर्जाको कारोबार गर्ने आरएसडीसी लघुवित्तले प्रकाशित गरेको आय विवरणअनुसार समीक्षा अवधिमा १९ करोड ९३ लाख रुपैयाँ ब्याज आम्दानी र ११करोड ५८ लाख रुपैयाँ ब्याज खर्चपछि ८ करोड ३४ लाख रुपैयाँ खुद ब्याज आम्दानी गरेको छ । खुद ब्याज आम्दानी ८१ प्रतिशतले बढेको छ । अन्य सञ्चालन आम्दानी १ करोड ४८ लाख छ ।

ब्याज र अन्य आम्दानीसमेत गरी ९ करोड ८३ लाख रुपैयाँ कुल सञ्चालन आम्दानी गरेको छ । कुल सञ्चालन आम्दानी ७१ प्रतिशतले बढेको छ ।

कर्मचारी खर्च, सञ्चालन खर्च, नोक्सानी व्यवस्था र नोक्सानी व्यवस्थाबाट फिर्तापछिको खुद सञ्चालन आम्दानी ६ करोड ७२ लाख रुपैयाँ छ, जुन अघिल्लो वर्षभन्दा ८५ प्रतिशतले बढेको छ ।

कर्मचारी बोनस र आयकरपछि ४ करोड २८ लाख रुपैयाँ खुद नाफा गरेको छ । खुद नाफा अघिल्लो वर्ष यही अवधिको तुलनामा ८६ प्रतिशतले बढेको छ । प्रतिसेयर आम्दानी ९ रुपैयाँ १ पैसा (वार्षिकीकरण) कायम गरेको छ |

कम्पनीको चुक्ता पुँजी ६३ करोड ३५ लाख रुपैयाँ, सापट १ अर्ब ६५ करोडर कर्जा लगानी २ अर्ब २९ करोड रुपैयाँ छ ।

खराब कर्जा ०.३ प्रतिशत, कोषको लागत १०.७४ प्रतिशत र प्रतिसेयर खुद सम्पत्ति १२३ रुपैयाँ छ ।

स्वरोजगार लघुवित्त : खुद नाफा बढ्यो

स्वरोजगार लघुवित्तले प्रकाशित गरेको आय विवरणअनुसार समीक्षा अवधिमा ३१ करोड २४ लाख रुपैयाँ ब्याज आम्दानी र १७ करोड ६९ लाख रुपैयाँ ब्याज खर्चपछि १३ करोड ५४ लाख रुपैयाँ खुद ब्याज आम्दानी गरेको छ । खुद ब्याज आम्दानी ५० प्रतिशतले बढेको छ । अन्य सञ्चालन आम्दानी ५ करोड ३५ लाख छ । यो आम्दानी गत वर्षभन्दा ७२ प्रतिशतले बढेको छ |

ब्याज र अन्य आम्दानीसमेत गरी १८ करोड ९० लाख रुपैयाँ कुल सञ्चालन आम्दानी गरेको छ । कुल सञ्चालन आम्दानी ५६ प्रतिशतले बढेको छ ।

कर्मचारी खर्च, सञ्चालन खर्च, नोक्सानी व्यवस्था र नोक्सानी व्यवस्थाबाट फिर्तापछिको खुद सञ्चालन आम्दानी ६ करोड ६५ लाख रुपैयाँ छ, जुन अघिल्लो वर्षभन्दा ५८ प्रतिशतले बढेको छ ।

कर्मचारी बोनस र आयकरपछि ४ करोड २३ लाख रुपैयाँ खुद नाफा गरेको छ । खुद नाफाअघिल्लो वर्ष यही अवधिको तुलनामा ५९ प्रतिशतले बढेको छ । प्रतिसेयर आम्दानी २० रुपैयाँ ९४ पैसा (वार्षिकीकरण) कायम गरेको छ |

कम्पनीको चुक्ता पुँजी २६ करोड ९५ लाख रुपैयाँ, सापट १ अर्ब ४० करोड रुपैयाँ, सदस्यको बचत निक्षेप १ अर्ब १३ करोड रुपैयाँ र कर्जा लगानी २ अर्ब ७७ करोड रुपैयाँ छ ।

खराब कर्जा ०.८८ प्रतिशत, कोषको लागत १०.०२ प्रतिशत र प्रतिसेयर खुद सम्पत्ति १३२ रुपैयाँ छ ।

प्रकाशित मिति: मंगलबार, वैशाख १७, २०७६ ०२:४८