दुई प्यानलमा उद्योगीको निर्वाचन तयारी, कुन प्यानलमा को-को ?

A+ A A-

गत वर्ष चैत २८ र २९ मा हुने नेपाल उद्योग वाणिज्य महासंघको चुनावी साधारणसभा ८ महिनापछि आगामी मंसिर ११ र १२ गते काठमाडौंमा हुँदै छ । कोरोना महामारी र सचेतनाको लागि सरकारले तय गरेको मापदण्डको कारण मंसिरमा मात्रै चुनावी मिति तोकिएको हो ।

चुनावको मिति पर सर्दै जादा उम्मेदवारहरूको प्यानल निर्माणमा पनि असर देखिएको छ । यसअघि जेठमा गरिने भनेको समयमा किशोरकुमार प्रधान पक्षमा देखिएका कतिपय उद्योगीहरू अहिले चन्द्र ढकालको पक्षमा र त्यो समयमा चन्द्र ढकालको पक्षमा देखिएका सदस्यहरू अहिले प्रधानको पक्षमा देखिएका छन् ।

निर्वाचन कार्यतालिका अनुसार अहिले उम्मेदवाहरूले उम्मेद्वारी दर्ता गराएका छन् । उम्मेदवारी दर्ताको कार्यतालिका मंसिर ४ गतेसम्मलाई राखिए पनि अधिकांश उम्मेदवारले उम्मेदवारी दर्ता गराएका छन् ।

एक वरिष्ठ उपाध्यक्षसहित ४ उपाध्यक्ष र ६० कार्यकारीणी समिति सदस्यको लागि निर्वाचन हुनेछ । निर्वाचित सदस्यबाट कोषाध्यक्ष छनोट गरिने व्यवस्था गरिएको छ ।

ढकाल र प्रधान दुवै पक्षले आफ्ना उम्मेदवारहरूको उम्मेदवार दर्ता गरेका छन् । प्रधान प्यानलबाट आवश्‍यकता अनुसार नै उम्मेदवारी दर्ता गराइएका छ भने ढकालले प्यानलले भने केही कम मात्र संख्यामा उम्मेदवारी दर्ता गराएका छन् ।

प्रधानको पक्षमा अधिकांश पूर्वअध्यक्षका साथै आगामी अध्यक्ष पनि खुलेर देखिएका छन् भने महासंघको निर्वाचनमा महत्वपूर्ण भूमिका देखाउने पूर्वअध्यक्ष तथा महासंघको विशिष्ट सदस्य चण्ढीराज ढकाल देखिएका छन् ।

महासंघको विधानअनुसार वरिष्ठ उपाध्यक्ष स्वतः अध्यक्ष बन्ने प्रवाधान रहेको छ । यही प्रवाधानबाट वर्तमान अध्यक्ष भवानी राणा अध्यक्ष भएकी थिइन् । विधान परिवर्तन गर्न पटकपटक प्रयास गरिए पनि विधान परिवर्तन भने हुन सकेको छैन । अहिले वरिष्ठ उपाध्यक्षमा विजयी हुने उम्मेदवार अर्को पटक स्वतः अध्यक्ष बन्ने छ ।

ढकाल पक्ष प्यानल

वरिष्ठ उपाध्यक्ष : चन्द्र ढकाल
जिल्लानगर उपाध्यक्ष : गुणनिधी तिवारी
वस्तुगत उपाध्यक्ष : उमेशलाल श्रेष्ठ
एसोसियट उपाध्यक्ष : रामचन्द्र संघाई

सदस्यहरू

अशोक ताम्राकार, तारानाथ घिमिरे, उमेश डामिया, राजन श्रेष्ठ, बोधनाथ दुवाडी, कमल श्रेष्ठ, नन्दलाल वैश्य, सुरकृष्ण वैद्यले उम्मेदवारी दिएका छन् । त्यस्तै, हेमराज ढकाल, आकाश अधिकारी, कमला श्रेष्ठ, जय शिवाकोटी, सुवास भण्डारी, प्रकाशसिंह कार्की, भक्त हमाल, सुवोधकुमार गुप्ताले पनि ढकाल प्यानलबाट उम्मेदवारी दिएका छन् । ढकाल प्यानलबाट सदस्यमा उम्मेदवारी दिनेमा सुमित केडिया, रवीन कुमार श्रेष्ठ, नरेशलाल श्रेष्ठ, अजित बस्नेत, अम्बिकाप्रसाद पौडेल, रामशरण थपलिया, भरत आचार्य, विनोद ढकाल, विराट थापा, गोपाल खनाल, कृष्णलाल महर्जन, बाबुकाजी कार्की रहेका छन् ।

प्रधान पक्ष प्यानल

वरिष्ठ उपाध्यक्ष : किशोर प्रधान
जिल्लानगर उपाध्यक्ष : दिनेशलाल श्रेष्ठ
वस्तुगत उपाध्यक्ष : अन्जन श्रेष्ठ
एसोसियट उपाध्यक्ष : सौरभ ज्योति

सदस्यहरू

अरुण सुमार्गी, अशोक अमात्य, तारनाथ घिमिरे, उमेश घिमिरे, रामेश्वर मानन्धर, अशोक ताम्राकार, गजेन्द्र भगत, गोपाल केडिया, देवकुमार श्रेष्ठ, मंगलसिंह ठगुन्नाले उम्मेदवारी दिएका छन् । अशोक टेमानी, सुनिल नारायण श्रेष्ठ, ज्योत्सना श्रेष्ठ, प्रवलजंग पाण्डे, सन्दिप गाडिया, हेमन्त गोल्छा, शक्ति वेगानी,उदित श्रेष्ठ, अरनिको राजभण्डारी, अशोक शर्मा, विप्लव मान सिंह, विष्णु गैरे, दिपक दाहाल, गोविन्द ढुंगेल, माधवलाल श्रेष्ठ, मनिषलाल प्रधान, मिनमान श्रेष्ठ, रामबहादूर श्रेष्ठले प्रधान प्यानलबाट उम्मेदवारी दिएका छन् ।

प्रधान प्यानलबाट सदस्यमा उम्मेदवारी दिनेमा शकुन्तलाल हिराचन, सन्दिप अग्रवाल, शारदा रिजाल, शिवप्रसाद घिमिरे, सुनिल गोपाल श्रेष्ठ, विजयसिंह बैद्य, रञ्जित आचार्य, कृष्णप्रसाद दुलाल, राजेश अग्रवाल, शाहिल अग्रवाल, आनन्द वगारिया, मंगेशलाल श्रेष्ठ रहेका छन् ।

सहमति गर्ने प्रयास तर सफल हुन गाह्रो

कोभिड १९ को जोखिम पूर्ण अवस्थामा निर्वाचन गर्नु साटो सहमतिबाट कार्यसमति छनोट गर्ने प्रयास महासंघ भित्र गरिएको छ । यसअघि पूर्वअध्यक्ष रविभक्त श्रेष्ठ लगायतको टिमले सहमतिको लागि प्रयास गरेका थिए । सहमतिस हुन नसकेपछि दुबै पक्षले प्यानल बनाएर उम्मेदवारी दिइसकेका छन् । महासंघ अध्यक्ष भवानी राणाले अझै पनि सहमतिको प्रयास जारी रहेको बताएकी छन् । उनले १/२ दिनमा दुबै पक्षलाई राखेर आफैँ छलफल गराउने बताएकी छन् । यद्यपी चुनावी सरगर्मी धेरै अघि पुगेको कारण सहमति हुन गाह्रो रहेको उम्मेदवाहरुको प्रतिक्रिया रहेको छ ।

प्रकाशित मिति: बुधबार, कात्तिक १९, २०७७ १८:३६