किर्ते उपभोक्ता समिति खडा गरेर वन फडानी : लेखाले अध्ययन गर्‍यो, निर्देशन दिन ढिलाइ

किर्ते उपभोक्ता समिति खडा गरेर वन फडानी : लेखाले अध्ययन गर्‍यो, निर्देशन दिन ढिलाइ

A+ A A-

वैज्ञानिक वन व्यवस्थापन कार्यविधि कार्यान्वयनका क्रममा गम्भीर लापरबाही गरिएको पाइएको छ । सार्वजनिक लेखा समिति अन्तर्गतको उपसमितिले गरेको अध्ययनका आधारमा नक्कली नाम राखेर किर्ते उपभोक्ता समिति गरेर वन फडानी गर्नुका साथै कोषको रकममा हिनामिना गरिएको प्रमाण फेला परेका छन् ।

वैज्ञानिक वनको नाममा अनियमितता भएको भन्दै लेखा समिति अन्तर्गतको उपसमितिले प्रतिवेदन बुझाएको डेढ महिना पुग्दा पनि लेखा समितिले प्रततिवेदन उपर छलफल गरेर निर्देशन दिनको सकेको छैन ।

‘अहिले प्रमाण मेटाउने काम भइरहेको जति सक्यो छिटो बैठक राखेर निर्देशन दिन आवश्‍यक छ।’ ८ असोजमा बसेको लेखा समिति बैठकमा उपस्मित सदस्य प्रेम आलेलले भनेका थिए । उपसमितिका संयोजक प्रदीप यादवले जति सक्यो छिटो बैठक राखेर वैज्ञानिक वनको कार्यन्वयनमा क्रममा देखिएका वेथिती रोक्नुपर्ने बताए ।

वैज्ञानिक वन कार्यान्वयनका सवालमा चुरे मालिका सामुदायिक वन उपभोक्ता समूहले नभएका घरधुरी भन्दै नक्कली नाम खडा गरेको प्रमाण भेटिएको थियो ।

किर्ते उपभोक्ता समिति गठन गरेर रूख कटान गरिएको भारतमा रहेका उपभोक्ता समितिको अध्यक्षको समेत किर्ते दस्ताखत गरी समूहको कोषको रकम हिनामिना गरेको देखिएको छ ।

मकवानपुरको लालिगुरा सामुदायिक वन उपभोक्ता समितिका उपभोक्तालाई वैज्ञानिक वनको कार्योजनाबारेमा जानकारी नै नभएर पनि कर्मचारी र व्यवसायीको मिलेमतोमा किर्ते कागज बनाएर रकमको अनियमिताका साथै वैज्ञानिक बनको नाममा विनाश गरेको भेटिएको थियो ।

प्रदीप यादव संयोजक रहेको उपसमितले वैज्ञानिक वन लागू गरेका सबै सामुदायिक वनमा छानविन गर्नुपर्ने माग राखेको छ । अनिमितता संलग देखिएका कर्मचारी उपभोक्ता समितिका पदाधिकारी तथा परामर्शदातामाथि तत्काल अनुसन्धान गर्न आवश्‍यक रहेको उल्लेख गरिएको छ ।

लेखा समितले भने कोभिड-१९ को कारण बैठक बस्न ढिला हुँदा निर्देशन दिन समय लागेको जनाएको छ । लेखा समितिका सचिव रोजनाथ पाण्डेले तिहार अगावै बैठक बसालेर निर्देशन दिइने जानकारी गराएका छन् ।