सिंहभन्दा शातिर सिकारी अफ्रिकाको हन्टिङ डग

A+ A A-

हामीले टेलिभिजनका स्क्रिनमा बाघ, चितुवा र अन्य केही जंगली जनावरले सिकार गरिरहेको देखेका छौँ । तर, अन्य केही जंगली जनावरले फरक तरिकाले सिकार गरिरहेका हुन्छन् ।

यस्ता जंगली जनावर कसैको पछि लागे भने उसले बाँचेर फर्किन करिब असम्भव नै हुन्छ । यस्ता जनावरमध्ये अफ्रिकाको जंगलमा पाउने जंगली कुकुरको नाम सबैभन्दा अघि आउँछ ।

अफ्रिकाको जंगली कुकुर बाघ र हुँडारभन्दा अलग हुन्छ । आफ्नो विशेष तरिकाको सहारामा यसले त्यसबेलासम्म सिकारलाई लखेट्छ, जबसम्म त्यो थाकेर बस्दैन ।

जब सिकार थाकेर बस्छ, तब उसले सजिलै सिकार गर्छ । अफ्रिकाको जंगली कुकुर सिकार गर्नमा आफ्नो शक्ति, तीव्र गति र लुक्ने कलाका कारण मात्र नभएर अन्य कारणले नै शातिर सिकारी बन्छ ।

अफ्रिकाका जंगलमा पाइने जंगली कुकुर लोप हुने अवस्थामा छ । अफ्रिकामा यसलाई ‘हन्टिङ डग’ का नामले चिनिन्छ ।

विकास प्रक्रियाका क्रममा यो कुकुरको अगाडिको खुट्टाको हड्डी, मांशपेशी र जोर्नीमा एक खास प्रकारको ब्यालेन्स हुन्छ, जसका कारण यसले तीव्र गतिमा दौडिदा पनि आफ्नो सन्तुलन कायम राख्न सक्छ ।

पूर्वी अफ्रिकामा २०-३० वटाको समूहमा जंगली कुकुर हरिणको सिकार गर्नका लागि पिछा गर्छन् । यिनीहरु हरेक दिन करिब ५० किलोमिटर सम्म दौडिन्छन् ।

सिकारलाई थकाउने रणनीतिअनुसार यिनीहरू पिछा गर्छन् । यस क्रममा यस क्रममा यिनीहरूको रफ्तार ६४ किलोमिटर प्रतिघन्टासम्म हुन्छ ।

एरिजोनाको मिडवेस्टर्न विश्वविद्यालयमा शरीर रचना विज्ञानका प्राध्यापक हिथर स्मिथका अनुसार यो सिकार गर्नमा निकै सिपालु जनावर हो र ६० प्रतिशत सिकार गर्नमा सफल हुन्छ ।

जबकि बाघको ३० प्रतिशत र हुँडारको सिकार गर्ने तर २५-३० प्रतिशत हुन्छ । हिथर स्मिथले यो कुकुरबारे गरेको अनुसन्धानको नेतृत्व गरेका थिए । यो अनुसन्धानको रिपोर्ट साइन्स जर्नल पियरमा छापिएको छ ।

यो कुकुरको खुट्टामा केबल चार वटामात्रै औला हुन्छन् । यसका कारण यिनीहरु तीव्र गतिमा दौडिँन र छनाङ मार्न माहिर हुन्छन् ।

अनुसन्धानकर्ताले चिडियाघरमा प्राकृतिक कारणले मरेको अफ्रिकाको जंगली कुकुरको सिटीस्क्यान र चिरफार गर्दा पञ्जाको छालाको मुनि सानो औला रहेको पाइएको थियो । यो औलाको मांसपेशीको स्परुप बदलिएको र अन्य कुनै रूपमा प्रयोग भएको पाइएको थियो ।

यो औलाले कुकुर दौडिँदा त्यसको स्थिति, दिशा, शरीर र शरीरका अंगको सन्तुलन कायम राख्नका लागि मद्दत गर्छ । यसका साथै अनुसन्धानकर्ताले यिनीहरूको खुट्टाको मांसपेशीले बेहोस हुनबाट बचाउँछ ।

प्रकाशित मिति: शुक्रबार, भदौ २६, २०७७ १४:२५