प्रदेश २ मा शुक्रबार साँझयता संक्रमणबाट ६ जनाको मृत्यु

A+ A A-

कोरोना संक्रमणबाट प्रदेश २ मा शुक्रबार साँझयता ६ जनाको मृत्यु भएको पुष्टि भएको छ । योसँगै प्रदेश-२ मा संक्रमणबाट मृत्यु हुनकेो संख्या ८३ पुगेको छ । पर्साका ३, धनुषा, महोत्तरी र सिरहाका १/१ जना गरी ६ जनाको शुक्रबार साँझयता संक्रमणबाट मृत्यु भएको हो ।

धनुषाको नगराइन नगरपालिका- ७ डेवडिहाका ६५ वर्षीय, महोत्तरीको पीपरा गाउँपालिका- ७ का ७० वर्षीय, सिरहाकौ भदैया- ६ का ८४ वर्षीय, पर्साको वीरगञ्ज- १२ मुर्लीकी ६५ वर्षीया, ४३ वर्षीय र वडा नम्बर २६ मनियारीका ३७ वर्षीय पुरुषको मृत्यु भएको हो ।

मृतक धनुषाका ६५ वर्षीय वृद्धमा शुक्रबार बेलुकी कोरोना संक्रमण पुष्टि भएको थियो । जिल्ला प्रशासन कार्यालय धनुषाका अनुसार स्वासप्रश्वासमा समस्या देखिएपछि उनलाई बुधबार प्रादेशिक अस्पतालमा भर्ना गरिएको थियो । प्रादेशिक अस्पतालमा ती पुरुषको उपचार सम्भव नभएपछि थप उपचारका लागि धरानस्थित बीपी कोइराला स्वास्थ्य विज्ञान प्रतिष्ठान लगिरहेको बेला बाटोमै मृत्यु भएको थियो ।

मृत्यु भएपछि पुनः प्रादेशिक अस्पतालमा ल्याई स्वाब परीक्षण गर्दा उनको रिपोर्ट पोजिटिभ आएको थियो । महोत्तरीको महोत्तरीको पीपरा गाउँपालिका- ७ का ७० वर्षीय वृद्धको शनिबार बिहान संक्रमणबाट मृत्यु भएको कोभिड अस्पताल धनुषाका संयोजक डा. जामुनप्रसाद सिंहले जानकारी दिए ।

यस्तै, सिरहाको भदैयाका ८४ वर्षीय वृद्धको धरानस्थित बीपी कोइराला स्वास्थ्य विज्ञान प्रतिष्ठानको कोभिड अस्पतालमा उपचारको क्रममा मृत्यु भएको छ । उनलाई ज्वरो, खोकी र स्वासप्रश्वासमा समस्या देखिपछि ६ भदौ मेडिसिन वार्डमा भर्ना गरिएको थियो । ७ भदौमा पीसीआर परीक्षणमा कोरोना पुष्टि भएपछि उनलाई प्रतिष्ठानकै कोभिड अस्पतालमा भर्ना गरिएको बताइएको छ । मिर्गौलाका रोगी रहेका ती पुरुष लामो समयदेखि डायलसिससमेत गराउँदै आएका थिए ।

यसैगरी, वीरञ्जका ४३ वर्षीय पुरुषको अस्थायी कोभिड अस्पताल वीरगञ्जमा मृत्यु भएको छ । जिल्ला प्रशासन कार्याल पर्साका अनुसार उनी एचआइभी र हेपाटाइटिस रोगबाट ग्रसित थिए । नेशनल मेडिकल कलेजमा उपचारर उनलाई संक्रमणको लक्षण देखिएपछि स्वाब परिक्षण गर्दा कोरोना पोजिटिभ देखिएको थियो । त्यसपछि उनलाई कोभिड अस्पताल पुर्‍याइएको थियो । उपचारको क्रममा शुक्रबार राति उनको मृत्यु भएको थियो ।

यस्तै, वीरगञ्जको तराई अस्पतालमा भर्ना भएका ३७ वर्षीय पुरुषको अवस्था गम्भीर हुँदै गएपछि थप उपचारका लागि उनलाई काठमाडौं लैजादै गर्दा बोटोमै मृत्यु भएको छ । शुक्रबार शुक्रबार दिउँसो मात्र उनलाई संक्रमण पुष्टि भएपछि कोभिड अस्पताल वीरगञ्ज हेल्थ केयरमा भर्ना गरिएको थियो ।

भेन्टिलेटर र क्रिटिकल केयरमा काम गर्ने स्वास्थ्यकर्मीसहित थप उपचारका लागि जाँदै गर्दा मुग्लिनमा उनको मृत्यु भएको प्रशासकीय अधिकृत विनयप्रसाद श्रीवास्तवले बताए ।

त्यस्तै, वीरगञ्ज महानगरपालिका- १२ की ६५ वर्षीया महिलाको शुक्रबार साँझ उपचारको क्रममा मृत्यु भएको थियो । स्वासप्रश्वासमा समस्या भएपछि उनलाई अस्पताल भर्ना गरिएको थियो । शुक्रबार दिउँसो नारायणी अस्पतालमा भर्ना भएकी ती महिलामा संक्रमण पुष्टि भएको थियो । न्यून रक्तचापको समस्याले ग्रसित उनलाई पखालासमेत लागेको बताइएको छ । उपचारको शुक्रबार साँझ उनको मृत्यु भएको जिल्ला प्रशासन कार्यालय पर्साका अधिकृत श्रीवास्तवले बताए ।

यसैगरी, महोत्तरीको भंगहा नगरपालिका- १ का वडाध्यक्ष नवल कापरका ३० वर्षीय छोरा उमेश कापरको समेत शनिबार मृत्यु भएको छ । कोरोना संक्रमणबाट उनको मृत्यु भएको आशंका गरिएको छ । प्रादेशिक अस्पताल जनकपुरमा उपचारको क्रममा मृत्यु भएको अस्पततालका निमित प्रमुख डा. जामुन सिंहले जानकारी दिए । ८ दिनदेखि ज्वरो रुघाखोकी लागेपछि युवक घरमै उपचार गराइरहेका थिए । पछि कोरोनाको शंका लागेपछि शुक्रबार उनको स्वाब संकलन गरिएको थियो ।

शुक्रबार रातिराति श्वासप्रश्वासमा समस्या भएपछि उपचारको लागि प्रादेशिक अस्पताल जनकपुरमा ल्याएको थियो । कोरोना परीक्षणका लागि स्वाब संकलन गरिसकिएको र रिपोर्ट आउन बाँकी रहेको अस्पतालले जनाएको छ ।

प्रकाशित मिति: शनिबार, भदौ १३, २०७७ १९:५२