प्रदेश ५ : कोभिड-१९ विशेष कृषि कार्यक्रमअन्तर्गत साढे १२ करोड अनुदान वितरण

A+ A A-

प्रदेश ५ को भूमि व्यवस्था कृषि तथा सहकारी मन्त्रालयले उत्पादन प्रवर्द्धनमा आधारित र कोभिड-१९ विशेष कृषि कार्यक्रमअन्तर्गत साढे १२ करोड रुपैयाँ अनुदान वितरण गरेको छ ।

प्रदेश को कृषि विकास निर्देशनालय र पशुपक्षी तथा मत्स्य विकास निर्देशनालयले गरी कूल १२ करोड १० लाख ९७ हजार १ सय ३४ रुपैयाँ अनुदानको रूपमा प्रत्यक्ष किसानलाई प्रदान गरेको हो ।

प्रदेशको पशुपक्षी तथा मत्स्य विकास निर्देशनालयबाट उत्पादनमा आधारित दूधतर्फ ३१ सहकारीलाई कूल ७ करोड ४८ लाख ६६ हजार ७ सय ८४ रुपैयाँ, खसी-बोका कारोबार गर्ने सहकारीहरू १९ वटालाई कूल ४५ लाख ५८ हजार ३ सय ५० रुपैयाँ र कोभिड-१९ विशेष कृषि कार्यक्रमअन्तर्गत दुग्धतर्फ ९३ वटा सहकारी संस्थामार्फत कूल २ करोड ७८ लाख १२ सय रुपैयाँ, कुखुरातर्फ कूल १ करोड १८ लाख २८ हजार रुपैयाँ गरी कूल ११ करोड ७४ लाख ९ हजार १ सय ३४ रुपैयाँ नगद अनुदान प्रदान गरेको हो ।

यस्तै, प्रदेशको कृषि विकास निर्देशनालयबाट कोभिड-१९ विशेष कार्यक्रमअन्तर्गत कूल ३६ लाख ८८ हजार रुपैयाँ किसानलाई विज वृद्धि र सामग्री खरिदमा सहयोग गरिएको छ । कृषि विकास निर्देशनालयका प्रमुख याम नारायण देवकोटाका अनुसार अनुदानबाट ५ हजार ८ सय ८४ जना किसान लभांवित भएका छन ।

अनुदान चेक हस्तानान्तरण कार्यक्रममा बोल्दै प्रदेश-५ का भुमि व्यवस्था कृषि तथा सहकारी मन्त्री आरती पौडेलले कोभिड-१९ का कारण रोजगारी गुमाएर बसेका व्यक्तिका लागि कृषिमा विशेष काम गर्ने अवसर रहेको बताइन ।

मन्त्रालयका सचिव तेजबहादुर सुवेदीले विगत केही वर्षमा अनुदान वितरणको लागि प्रयोग हुँदै आएको परम्परात प्रणालीलाई परिमार्जन गरी नयाँ ढंगले उत्पादनमा आधारित अनुदान वितरण गरिएको जानकारी दिए ।

उक्त अनुदान रकम मन्त्री आरती पौडेल, मन्त्रालयका सचिव सुवेदी, प्रदेशसभाका कृषि वन वातावारण समितिका सुभापती विजय बहादुर यादव, कृषि विकास निर्देशनालय प्रमुख देवकोटा, पशुपक्षी तथा मत्स्य विकास निर्देशनालय प्रमुख तुलसीराम भण्डारी, तिलोत्तमा नगरपालिका प्रमुख वासुदेव घिमिरेले प्रतिनिधिमुलक किसानहरूलाई संयुक्त रूपमा अनुदान चेक प्रदान गरेका थिए ।

प्रकाशित मिति: शुक्रबार, साउन २, २०७७ १८:१९