यसरी जन्मियो ‘संजु’को कर हर मैदान फतेह

A+ A A-

सन् २०१६ को कुरा हो । त्यतिबेला हामी प्रति दिन आफ्नो टिमका साथ बसेर काम गर्ने गथ्र्यौं । सङ्गीतकार विक्रम मोन्ट्रोज, साउन्ड इन्जिनियर उत्पल दास अनि म । हामीले चर्चित र प्रिय नायक सञ्जय दत्तको होम प्रोडक्सनका लागि गीत बनाउने काम गथ्र्यौं ।

त्यसै क्रममा एक दिन बाबा (सञ्जय दत्त)को फोन आयो । उहाँले सङ्गीतकार विक्रम मोन्ट्रोस र मलाई राजु सर (राजकुमार हिरानी)सँग भेट गर्न भन्नुभयो । त्यतिबेलासम्म हामीलाई केही थाहा थिएन कि के हुनेवाला छ । अर्को दिन विक्रम मोन्ट्रोस र म राजु सरलाई भेट्न उहाँको अफिसमा पुग्यौँ ।

एकछिन सामान्य कुराकनी भएपछि राजु सरले भन्नुभयो, ‘सञ्जु बाबा ने आप लोगों के काम की बहुत तारीफ की है, और आपके कुछ गीत भी सुनाए हैं । हम चाहते हैं कि आप हमारी फिल्म के लिए कुछ गीत तैयार किजिए ।’

(सञ्जय दत्तले तपाईंहरूको कामको निकै प्रशंसा गर्नुभएको छ र तपाईंहरूका केही गीत पनि सुनाउनुभएको छ । म चाहन्छु कि तपाईंहरू हाम्रो चलचित्रका लागि केही गीत लेखिदिनुहोस् ।)

त्यसपछि राजु सरले गीतको परिवेश बताउनुभयो । उहाँले भन्नुभयो, ‘फिल्म का नायक बहुत परेशान है, वह नशे की लत में बुरी तरह फैंस चुका है, और उससे बाहर निकालने की कोशिश कर रहा है । हमे नायक के संकल्प, उसकी दृढ़ इच्छा शक्ति के द्वारा उन विषम परिस्थितियों पर जीत पाने का जो संघर्ष है, उस पर गीत चाहिए । आप लोग कोशिश किजिए । और जैसे ही कुछ बने, तो सुनाइए ।’

(चलचित्रको नायक धेरै हैरान छ, ऊ नशाको लतमा निकै नराम्ररी फसेको छ र उसले आफूलाई नशाबाट बाहिर निकाल्ने प्रयास गरिरहेको छ । नायकको सङ्कल्प, उसको दृढ इच्छाशक्तिद्वारा त्यस विषम परिस्थितिलाई जित्ने जुन सङ्घर्ष छ, त्यसमा गीत चाहियो । तापाईंहरू प्रयास गर्नुहोस् । जे जस्तो बन्छ, सुनाउनुहोला ।)

हामी खुसी भएर राजु सरसँग बिदा लियौँ अनि बाटोभर गीतको विषयमा सोच्दै म्युजिक स्टुडियो फर्कियौँ । अर्को दिनदेखि गीत लेखन र कम्पोजिसनको सुरुवात गर्‍यौँ ।

अन्त्यमा अलिक नरम मुडको गीत आयो, जसमा इमोसन अलिक बढी थियो । त्यो गीतलाई राजु सरले राम्रो भन्नुभयो तर उहाँको सोचाइअनुसारको त्यो गीत थिएन । त्यसपछि हामीले अझै प्रयास गर्‍यौँ । क्रमशः गीतमा इमोसनलाई यथावत राख्दै जीवनको सङ्घर्ष अनि विजय प्राप्त गर्ने इच्छालाई महत्त्व दिँदै फरक फरक खालका गीत बनायौँ ।

हाम्रो प्रयास निरन्तर लक्ष्यको नजिक पुग्दै थियो । यसैबीच एक दिन विक्रमज्यूको फोन आयो, राती साढे १२ बजेतिर । उहाँले खुसी हुँदै भन्नुभयो, ‘शेखरजी, एक बहुत अच्छी धुन आई है, इस में इमोशन भी है, और एग्रेसन भी है । मेरे खयाल से ये ट्यून वर्क कर जाएगी । इसमें कुछ ऐसी वर्डिंग लाइए की मैदान फतेह हो जाए ।’

(शेखरजी, एउटा निकै राम्रो धुन आएको छ, यसमा इमोसन पनि छ र एग्रेसन पनि । मेरो विचारमा यो धुनले काम गर्छ । यसमा केही यस्ता शब्द ल्याउनुहोस् कि जसले मैदानमा जीत हासिल गरोस् ।)

मैले भनेँ, ‘कोई चिंता नहीं है भाइ, समझ लो, सांग बन गया, आप ट्यून का मुखड़ा भेजिए, में कल मिलता हूं, लिरिक्स के साथ ।’

(कुनै चिन्ता छैन भाइ, सम्झिनुहोस् कि गीत तयार भयो । तपाईं धुनको स्थायी पठाउनुहोस्, म भोलि भेट्छु, गीतसँगै ।)

उहाँले गीतको स्थायीको धुन पठाउनुभयो । त्यही धुनमा मैले लेखेँ-

‘घायल परिंदा है तू, दिखला दे जिंदा है तू,
बांकी है तुझ में हौसला
तेरे जुनूं के आगे, अंबर पनाहे मांगे,
कर डाले तू जो फैसला ।

रूठी तकदीरें तो क्या, टूटी शमशीरें तो क्या,
टूटी शमशीरों से ही हो...
कर हर मैदान फतेह, कर हर मैदान फतेह
कर हर मैदान फतेह रे बंदया, हर मैदान फतेह ।

अर्को दिन स्टुडियोमा पुग्नेवित्तिकै विक्रमज्यूलाई गीतका शब्द देखाएँ । उहाँ अति नै खुसी हुनुभयो । र, अन्त्यमा हामीले यसरी उक्त गीत तयार पार्‍यौँ ।

राजु सरसँग भेट्न जाँदा मनमा खुसी पनि थियो तर अलिक आशंका पनि, के हुन्छ भनेर । उहाँको अफिसमा पुग्दा त्यहाँ राजु सर, रणवीर कपूरज्यू, अभिजात जोशीज्यूलगायत क्रिएटिभ टिमका बाँकी सदस्यहरू पनि थिए । एकछिन चिया खाँदै सामान्य कुराकानी भयो । त्यसपछि हमीले गीत सुन्यौँ ।

गीत सुनेपछि राजु सरलगायात सबै जना अतिखुसी भए । सबैले ताली बजाएर हाम्रो उत्साह बढाउनुभयो । गला मिलाएर बधाई दिनुभयो । त्यसपछि गायक, गायिकाको विषयमा चर्चा भयो । सबैको विचार यसबरेमा एक मत थियो कि यस गीतमा सुखविंदर सिंहज्यू अनि श्रेया घोषालज्यूको आवाज भएपछि गीतमा इमोशन अनि एग्रेसन दुवै कुरा आउनेछन् ।

यसरी गायक, गायिकाको छनोट भयो । सुखविंदर सिंहजीसँग कुरा भयो । गीत सुनेपछि उहाँ पनि अति नै खुसी हुनुभयो र भान्नुभयो, ‘पंडित जी, (सुखविंदरज्यू मलाई पंडितजी भन्नुहुन्छ) यह सुपर डुपर हिट सांग है । जिस दिन मार्केट में आएगा, धूम मचा देगा । देख लेना ।’

(पण्डितजी, यो सुपर डुपर हिट गीत हो । जुन दिन यो बजारमा आउँछ, धुम मचाउँछ । हेर्दै जानुहोस् ।)

त्यसपछि गीत रेकर्डिङको दिन आयो । गीत फाइनल रेकर्ड भएपछि सुन्दा राजु सर, रणवीर कपुरज्यूलगायत सबै जनाको अनुहारमा चम्किएको खुसी देखेर म र विक्रमलाई हाम्रो मिहिनेत सफल भएजस्तो लाग्यो ।

सबैले एकअर्कालाई बधाई र शुभकामना दियौँ । राजु सर र सुखविंदर सिंहज्यूले हृदयदेखि नै आशीर्वाद दिनुभयो, त्यो हाम्रा लागि जीवनको सबैभन्दा ठूलो कमाइ थियो । त्यसपछिको कुरा सबैलाई थाहा नै छ ।

म्युजिक रिलिज हुनेवित्तिकै यो गीतलाई विश्वभरका सङ्गीतप्रेमीहरूले रुचाउनुभयो र सन् २०१८ को सर्वाधिक लोकप्रिय गीतका रूपमा यस गीतलाई इंडिवुड एकेडमी अवार्ड प्राप्त भयो । सन् २०१८ को फिल्मफेयर अवार्डका लागि पनि यो गीत नोमिनेसनमा पर्‍यो

यो गीत फिल्मको नायकको मात्र होइन, हाम्रो पनि सङ्घर्षदेखि सफलतासम्मको यात्राको साक्षी बन्यो । यस यात्रामा सुरुदेखि हरेक पाइलामा साथ दिने मेरा प्रिय भाइ सङ्गीतकार विक्रम मोन्ट्रोस, राजु सर अनि हाम्रा मार्गदर्शक दाजु सञ्जय दत्तप्रति सधैँ हृदयदेखि आभारी रहनेछौँ ।

प्रकाशित मिति: शनिबार, असार १३, २०७७ ०७:०५