भारतसँग मिलेर चीनमाथि आक्रमण गर्ने अमेरिकी योजना !

A+ A A-

अमेरिकी विदेशमन्त्री माइक पोम्पेओले चीनविरुद्ध सूक्ष्म रूपमा युद्धको तयारी गरिरहेको संकेत गरेका छन् ।

ब्रसेल्स फोरममा पोम्पेओले चीनबाट भारत र दक्षिण पूर्वी एसियामा बढ्दो खतरालाई मध्यनजर गर्दै अमेरिकाले युरोपबाट आफ्नो सेना फिर्ता गरिरहेको बताएका छन् ।

अमेरिकी राष्ट्रपति डोनाल्ड ट्रम्पले हालै मात्र जर्मनीबाट आफ्ना सेना घटाउने घोषणा गरेका छन् । राष्ट्रपति ट्रम्पको यो निर्णयप्रति युरोपेली युनियनले असन्तुष्टि जनाएको थियो ।

पोम्पेओले चीनबाट भारत, भियतनाम, इन्डोनेसिया, मलेसिया, फिलिपिन्स र दक्षिण चीन सागरका लागि खतरा भएको बताए ।

उनले भने, ‘हामी चीनको जनमुक्ति सेनाको सामना गर्न तयार रहेको सुनिश्चित गर्न चाहन्छौैं । हामी हाम्रो समयको यो चुनौतीको सामना गर्नका लागि पूर्ण तयार रहेको सुनिश्चित गर्न चाहन्छौँ ।’

अमेरिकी विदेशमन्त्री पोम्पेओले चीनबाट छिमेकी देशका लागि खतरा रहेको भन्दै यसमाथि पूर्ण निगरानी गरिरहेको बताए । उनले यो खतरालाई लिएर अमेरिकाले ईयूसँग छलफल गर्न चाहेको पनि बताए ।

उनले भारत–चीनबीच सीमाक्षेत्रमा भएको हिंसात्मक झडप, साउदी चाइना सीमामा चिनियाँ गतिविधि र अन्य देशलाई नोक्सान पार्ने खालको आर्थिक नीति अपनाएको भन्दै आलोचना गरेका थिए ।

उनले ट्रान्स प्यासिफिक अलायन्सबाट चीनको खतराबारे साझा धारणा बनाउन सहयोग पुग्ने बताए । उनले युरोपमाथि चीनबारे उदार देखिएको आरोपसमेत लगाएका छन् ।