म कोभिड

A+ A A-

मनुष्य ! मेरो कुलको विधाता
माता, पिता, रक्षक, अन्नदाता ।
दुष्कर्मले लिप्त भएर डाक्यौ
नौलो बुझी ‘कोभिड’ नाम राख्यौ ।१।

बाँच्ने छ मेरै अधिकार ठानी
निरीह प्राणीकन तुच्छ मानी ।
हत्या गर्‍यौ निर्मम एक-एक
विषाणुको जन्म भयो अनेक ।२।

मनुष्य हौ तापनि दुष्ट, भ्रष्ट
निर्दोषले पाउनुहुन्न कष्ट ।
तसर्थ आफ्नै म रहस्य खोल्छु
निकास यो सङ्कटको म बोल्छु ।३।

न लोभ मेरो, न विनाश इच्छा
साम्राज्यको गर्नु थियो परीक्षा ।
विज्ञानको दम्भ झुटो बनाएँ
क्षेप्यास्त्रको नाप लिएर आएँ ।४।

विज्ञान विध्वंसनिमित्त हैन
तिम्रो चिकित्सालय योग्य छैन ।
शस्त्रास्त्रको होड चल्यो स्वतन्त्र
बन्दैन रोगीकन श्वासयन्त्र ।५।

सामर्थ्यले होइन है म घाती
सातौँ म आफ्नो कुलको प्रजाति ।
पुर्खा समानै छ स्वभाव मेरो
व्यर्थै जगत्‌मा चुलियो अँधेरो ।६।

प्रभाव मेरो छ रुघा समान
उल्टो चिकित्सा छ त लिन्छु ज्यान !
ऊर्जा सबै औषधले घटायौ
अज्ञानले मूर्ख बन्यौ, बनायौ ।७।

खुल्यो अकर्मण्य बयान उल्टो
सन्त्रास फैलाउँछ डब्लुएच्ओ ।
निरोगिता खोज जडीबुटीमा
प्रासाद भन्दा छ सुधा कुटीमा ।८।

ती पश्चिमा भूल गरेर हारे
पौरस्त्य विज्ञान-कला नकारे ।
पूर्वीयको शक्ति अदम्य मान्थेँ
निजत्वमा ढुक्क छ लोक ठान्थेँ ।९।

कि ‘वीर गोर्खा’ उपनाम त्याग
कि युद्धमा लड्न डटेर लाग ।
लहैलहैमा किन बन्द भन्छौ ?
‘सर्वस्व स्वाहा’ कसरी सहन्छौ ?१०?

पुर्खा थिए डाक्टर श्रेष्ठ जान
उद्योगका खाद्य, अखाद्य मान ।
आयात संस्कार, विचार फाल
गुर्जो, हलेदो, अदुवा उमाल ।११।

त्यो एन्टिबायोटिकले म जाग्छु
बेसारको गन्ध परे म भाग्छु ।
विश्वास आफ्नोपनमा हरायो
अंग्रेजका औषधिले डुबायो ।१२।

पाश्चात्यमा छैन इलाज मेरो
पूर्वीयले जान्दछ राज मेरो ।
समर्थ छौ त्याग प्रवृत्ति दास
‘भ्याक्सीन’को कत्ति नराख आस ।१३।

वर्षौं लगाई उपचार खोज्छौ
अर्बौं बगाई हतियार कुँद्छौ ।
‘म्युटेट’ भै शीघ्र म रूप फेर्छु
रचाई नौलो रमिता म हेर्छु ।१४।

सुधार आफ्नो प्रतिरोधशक्ति
उतार आजै जगबन्दभक्ति ।
सङ्कल्प नौलो गर लौ म छेउ
कर्तव्यले बाँच र बाँच्न देऊ ।१५।

त्यो ‘सार्स’मा काम गरेर खायौ
‘डेङ्गी’, ‘इबोला’ सहजै पचायौ ।
जीवाणु छन् कोटि शरीरभित्र
मै आउँदा मात्र भयो विचित्र ।१६।

विषाणुले कष्ट त दिन्छ दिन्छ
‘एन्टीबडी’ बन्छ स्वतः सकिन्छ ।
इलाज ठ्याक्कै विपरीत थाल्छौ
पैसासँगै जीवन खेर फाल्छौ ।१७।

हिंसाविरोधी ऋषितुल्य भोजी
आबालवृद्धा जति छन् निरोगी ।
छ सावधानी त नआत्तिए भो
फेर्नै परेको छ त दैनिकी यो ।१८।

जस्को सदाचार छ मूल धर्म
सफाइ, सेवा, समभाव कर्म ।
त्यस्ता तिमी छौ भयमुक्त होऊ
तथापि शङ्कास्पदमा नछोऊ ।१९।

देखासिकी दुर्जनको गरेमा
निद्रा कुबेला र नसा परेमा ।
कुअन्नले मात्र भरे ‘रसोई’
अर्को मझैँ हिंस्रक छैन कोही ।२०।

प्रकाशित मिति: शनिबार, असार ६, २०७७ ११:४६

निश्चल अधिकारी ‘चञ्चल’ Writer

प्रतिक्रिया दिनुहोस्

भर्खरै

सुनसरीको भोक्राहामा आगलागी, लाखौँको क्षति

गोरखा भूकम्पको सम्झनामा बुधबार फोटो प्रदर्शनी हुँदै

भारतमा लाेकसभा निर्वाचनका लागि पूर्वी सीमानाका ७२ घण्टाका लागि बन्द

भक्तपुरमा आगलागी हुँदा १८ चौपाया मरे

सुदूरपश्चिममा साेडारीकाे कुर्सी धरमर, एमालेले रबैया देखाएकाे माओवादीकाे आराेप

लोकप्रिय

महानगरको कडाइपछि धमाधम विदेशी नाम फेर्दै निजी विद्यालय, कसले के राखे ?

डेढ महिनामै प्रचण्डले भन्न थाले- उता अप्ठेरो भयो भनेर यता आइयाे, यता झन् टाल्नकै हैरान

बुद्धनगरमा कांग्रेस–एमालेका चार नेताकाे वार्ता, बालकाेट पुग्दासम्म गगन थापा निराश

२५ अर्ब किलोमिटर टाढाबाट आयो पृथ्वीमा सन्देश, उत्साहित भए नासाका वैज्ञानिक

इरान र इजरायलः कसको शक्ति कति ?

विचार

तीन जनाको मुट्ठीमा ३ करोड जनताको लोकतन्त्र

बीसौँ शताब्दीका प्रभावशाली नेता लेनिन (भिडियो)

काखे छोरा लिएर रोजीको बिलौना– युक्रेन युद्धमा श्रीमान् मारिए, पुष्टि गरिदेऊ सरकार

ब्लग

छोटो तर मनमोहक पदयात्रा 'लाङटाङ'

एक जनमुखी प्रधानपञ्चको नाममा

सोध्नुस् त, एसईई दिएर बसेका तपाईंका छोराछोरी के सोच्दै छन् ?

शिक्षा

कोहलपुरमा आठ कक्षाको परीक्षामा अनियमितताः शाखा प्रमुखसहित दर्जन बढी कारबाहीमा

शिक्षामन्त्री सुमनाले थाहा पाऊन्- नि:शुल्क शिक्षा ऐनले यसरी बनाउँदै छ नागरिकलाई ‘बेसहारा’

सर्लाहीमा आठ हजारभन्दा बढी बालबालिका अझै विद्यालय बाहिर