चीनले भारतीय सेना गनेर आफ्ना सैनिक थपेर हमला गर्‍यो !

A+ A A-

भारत–चीनका सेनाबीच गनवान घाटीमा हिसात्मक झडपका विषयलाई लिएर दुई देशबीच एकअर्कामाथि दोषारोपण गर्ने काम भइरहेको छ ।

बुधबार भारत र चीनका विदेशमन्त्रीबीच भएको टेलिफोन वार्तामा पनि आक्रमणमा एक अर्का जिम्मेवार भएको आरोप लगाए ।

गलवान घाँटीमा दुई देशका सेनाबीचको झडपमा भारतीय सेनाको संख्या पत्ता लगाउनका लागि चिनियाँ सैनिकले थर्मन इमेजिङ ड्रोनको प्रयोग गरेको भारतीय पक्षको दाबी छ ।

भारतीय केही सञ्चारमाध्यमले भने यो घटनालाई लिएर विभिन्न विषय सार्वजनिक गरिरहेका छन् । बुधबार भारतीय सञ्चारमाध्यमले चीनका ४० भन्दा बढी सैनिक मारिएको दाबी गरेका थिए । जुन अहिलेसम्म पुष्टि भएको छैन । तर, भारतले घुमाउरो भाषामा चीनको नियन्त्रणमा रहेको क्षेत्रमा प्रवेश गरेको स्वीकार गरेको छ ।

भारतको अमर उजालाले अनलाइनमा चीनको प्रतिवद्धताअनुसार सेना ‘स्टेन्ड अप स्थिति’ बाट पछि हटेका छन् कि छैनन् भनेर हेर्न जाँदा भारतीय सैनिकको पेट्रोलिङ प्वाइन्ट १४ मा भारतको सानो सैनिक टोलीलाई निशाना बनाएको उल्लेख गरेका छ ।

कर्णेल सन्तोष बाबुको नेतृत्वमा गएको सेनाको टुकडीले सहमतिअनुसार त्यहाँबाट चिनियाँ सेना पछि हट्नुका साटो त्यहाँ थप टेन्ट टाँगेको देखिएको उल्लेख छ ।

त्यस क्रममा तयारी अवस्थामा रहेका चिनियाँ सेना र भारतीय सेनाबीच झडप भएको थियो । त्यसपछि नजिकै रहेको पहाडबाट भारतीय सेनामाथि ढुंगामुढा भएको थियो । त्यसपछि तयारीमा रहेका चिनियाँ सेनाले रड र ढुंगाले प्रहार गरेका थिए ।

सो समयमा भारतको तुलनामा चिनियाँ सैनिक पाँच गुणा बढी थिए । भारतीय सेना पूर्वतयारीमा नरहेका कारण सानो टोली सो क्षेत्रमा निरीक्षणमा निस्किएको थियो । सो टोली चिनियाँ सेनाको घेराबन्दीमा परेको थियो ।

सो क्रममा नराम्ररी घाइते भएका भारतीय सैनिक शून्य तापक्रमका कारण ठूलो संख्यामा भारतीय सेनाको मृत्यु भयो । १४ हजार फिटभन्दा माथि भएको यो झडपमा घाइते भएका सेनाको समयमा नै चिकित्सकीय सेवा नपाउनुका साथै तापक्रम समेत कम भएका कारण मृत्यु भएको थियो ।

दुर्गम क्षेत्र भएका कारण झडपका क्रममा बेपत्ता भएका सैनिकको खोजीसमेत कठिन बनेको थियो । यसअघि सन् १९६७ मा दुई देशका सेनाबीच यस्तै हिंसात्मक घटना भएको थियो ।

प्रकाशित मिति: बिहीबार, असार ४, २०७७ १५:२५