गण्डकीले ल्यायो २ अर्ब ९१ करोडको कोभिड- १९ कोष

A+ A A-

गण्डकी प्रदेश सरकारले कोरोना भाइरस (कोभिड- १९) को नियन्त्रण तथा उपचारका लागि २ अर्ब ९१ करोड ७६ लाख रुपैयाँको कोष बनाउने घोषणा गरेको छ ।

गण्डकी प्रदेश सरकारका आर्थिक मामिला तथा योजनामन्त्री किरण गुरुङले प्रदेशसभाको बैठकमा आर्थिक बर्ष २०७७/०७८ का लागि बजेट प्रस्तुत गर्दै सो कुराको जानकारी दिएका हुन् । उनले यो बजेट कोरोना महामारीको विरुद्धको लडाईमा खर्च गरिने बताएका छन् ।

सबै जिल्ला अस्पतालहरुमा आइसोलेशन वार्ड थप्ने, सबै जिल्ला अस्पतालमा आइसियु कक्ष सञ्चालन गर्ने तथा अस्पतालहरुको भौतिक पूवार्धार विकास गर्नका लागि यो रकम खर्च हुने अर्थमन्त्री गुरुङले बताए ।

अर्थमन्त्री गुरुङले कोरोना महामारीबाट धरासयी हुनबाट उद्योग धन्दालाई जोगाउन १ अर्ब बजेट विनियोजन गरेको बताए। उनले व्यवसाय जीवन रक्षा कोषका लागि १ अर्ब विनियोजन गरेको जानकारी दिए ।पुनर्जीवन उक्त कोषको व्यवस्था गरिएको उनले बताए ।

उनले प्रदेश सरकारले स्थापना गर्ने गण्डकी विश्वविद्यालयका लागि ४२ करोड ७५ लाख रुपैयाँ विनियोजन गरेको बताए । अर्थमन्त्री गुरुङले मुख्यमन्त्री जलवायु कृषि कार्यक्रमलाई ४ करोड २६ लाख रुपैयाँ बजेट विनियोजन गरेको बताए । उनले कार्यक्रमको निरन्तरता दिँदै उक्त बजेट विनियोजन गरेको जानकारी दिए ।

मुस्ताङ, मनाङमा स्याउ उत्पादन कार्यक्रम, एक बाली एक उत्पादन कार्यक्रमलाई निरन्तरता दिन बजेट विनियोजन गरेको अर्थमन्त्री गुरुङले बताए । बजेटले अधिकांश पुरानै कार्यक्रमलाई निरन्तरता दिएको उनले बताए ।

अर्थमन्त्री गुरुङले गण्डकी प्रदेश सरकारले कोरोना भाइरसबाट प्रभावित भएको नीजि क्षेत्रको राहातका लागि १ अर्ब रुपैया बिनियोजन गरेको जानकारी दिए । उनले यसका लागि ‘व्यवसाय जीवन रक्षा’ शिर्षक दिएको बताए ।

कोरोना महामारीका कारण ध्वस्त भएको नीजि क्षेत्रको राहातका लागि यो रकम खर्च गरिने उनले बताएका छन् । उनले गण्डकी प्रदेशको कोरोनाका विभिन्न शीर्षकमा २ अर्व ९१ करोड बजेट विनियोजन गरेको बताए ।

मन्त्री गुरुङले कोरोनाको उपचार, विदेशबाट फर्किएका र प्रदेशमै बेरोजगार भएकालाई रोजगारी दिन र तालिम दिनका लागि २ अर्व ९१ करोड बजेट विनियोजन गरेको बताए। उनले संसदमा बजेट प्रस्तु गर्दै विभिन्न शिर्षकमा बजेट छुट्याएको बताए ।

गुणस्तर आइसोलेसन बनाउन सबै जिल्ला अस्पताललाई ६० करोड ४० लाख, स्वास्थ्यमा १ अर्व कोरोना र रोजगारीका लागि १८ करोड रुपैयाँ छुट्याएको बताए ।

मन्त्री गुरुङले आगामी आर्थिक बर्षका लागि अनुत्पादक क्षेत्रको खर्च कटौटी गरेको बताए। यद्यपी उनले कुनकुन क्षेत्रको बजेट कटौती भएको भन्ने कुरा बताउनुअघि चालू आर्थिक वर्षको बजेट र त्यसबाट प्राप्त उपलब्धिको चर्चा गर्न सुरु गरे ।

प्रकाशित मिति: सोमबार, असार १, २०७७ १७:४४