दिल्लीमा फोहोरको थुप्रोमा कोरानाबाट मृत्यु भएकाको शव !

A+ A A-

भारतको सर्वोच्च अदालतले कोरोना भाइरसका विरामीको उपचार र शब व्यवस्थापनमा भइरहेको माथि भइरहेको व्यवहारलाई लिएर कडा आदेश जारी गरेको छ ।

अदालतले दिल्ली सरकारमाथि प्रश्न उठाउँदै भनेको छ, ‘यदि मानिसका शब फोहोरको थुप्रोमा भेटिन थालेका छन् भने मानिसमाथि जनवारभन्दा पनि तल्लो स्तरको व्यवहार भइरहेको छ ।’ यो घटनामा अब १७ जुनमा पुनः सुनुवाई हुनेछ ।

बिरामी र शबदेखि कोरोना नियन्त्रणबारे सर्वोच्चका ७ कुरा

१ न्यायाधीस एमआर शाहले भने, –शब कसरी राखिएको छ ? यो के भइरहेको छ ? यदि शबमाथि यस्तै व्यवहार भइरहेको छ र फोहोरको थुप्रोमा पनि भेटिन्छ भने मानिसमाथि जनावरभन्दा कमजोर व्यवहार भइरहेको छ ।

२. अदालतको इजलासले भनेको छ, ‘केन्द्रको गाइडलाइन्सलाई बेवास्ता गरिएको छ । दिल्लीमा त डरलाग्दो अवस्था छ । देशको राजधानीले कोरोना संक्रमणको सामना जसरी गरिरहेको छ, त्यो अत्यासलाग्दो छ ।’

३. अदालतले भनेको छ, ‘दिल्लीका अस्पतालमा शबबारे ठीक तरिकाले ध्यान दिइएको छैन । यहाँसम्म कि बिरामीको मृत्यु भएकोबारेमा पनि परिवारलाई जानकारी दिइएको छैन । कतिपयमा त बिरामीको मृत्यु भएर अन्तिम संस्कारमा समेत परिवारलाई सामेल हुन दिइएको छैन ।’

४. दिल्लीमा चेन्नई र मुम्बईको तुलनामा कम परीक्षण भइरहेको छ । मे महिनाको तुलनामा परीक्षण कम हुन थालेको छ । जब कोरोना भाइरसका बिरामी बढेका छन् भने परीक्षण कम भइरहेको छ । दिल्लीमा आखिर किन यति कम परीक्षण भइरहेको छ ?

५. प्राविधिक कारणले कसैलाई पनि परीक्षणबाट टाढा राख्न सकिदैन । विधिहरुलाई सहज बनाएर कोरोना परीक्षणमा बढीभन्दा बढीलाई सहभागी बनाउनुपर्छ । परीक्षण गराउनु राज्यको जिम्मेवारी हो । जसबाट मानिसले आफ्नो स्वास्थ्य अवस्था थाहा पाउन सक्छन् ।

६. केन्द्रका तर्फबाट आएका जनरल तुषार मेहताले भने, ‘दिल्लीमा यस्तो पनि अवस्था देखिएको छ कि शबलाई कोरोनाको उपचार गरिरहेका बिरामीनजिकै राखिएको छ ।’ त्यसपछि न्यायाधीस एमआर शाहले भने, त्यसो भए तपाइले के गनुभयो त ?’

७. मिडिया रिपोर्टमा सरकारी अस्पतालमा बेड खाली रहेको बताइएपनि बिरामीहरु अस्पतान भर्ना हुन नपाएर भौतारिरहेका छन् ।

सर्वोच्च अदालतले राज्यका प्रमुख सचिवलाई बिरामी व्यवस्थापन प्रणालीको विवरण दिन आग्रह गरेका छन् । सर्वोच्चको इजलासले दिल्लीको एलएनजेपी अस्पतालसँग पनि सूचना जारी गरेर जवाफ मागेको छ ।

दिल्लीमा अन्तिम संस्कारका बेला आफन्तलाई टाढैबाट हेर्न समेत नदिएको घटना समेत बाहिर आएको छ । दिल्लीमा एक कोरोना संक्रमितको मृत्युपछि जलाइरहेको स्थानमा आफ्ना बाबुलाई हेर्नबाट आफन्तले नै रोकिरहेको समेत देखिएको छ ।

पूर्व कानुनमन्त्री तथा अधिवक्ता अश्विनी कुमारले सर्वोच्चका प्रधानन्यायाधीसलाई चिठी लेखेका थिए । जसमा उनले कसैको मृत्यु भएमा इज्जतसाथ अन्तिम संस्कार गर्न पाउनु परिवारको अधिकार भएको उल्लेख गरिएको थियो ।

सो चिठी आएपछि प्रधानन्यायाधीले न्यायाधीस अशोक भुषणको बेच्नमा यो मुद्दा पठाएका थिए । जसमा न्यायाधीस किशन कौल र एमआर शाह पनि सामेल थिए ।

प्रकाशित मिति: शुक्रबार, जेठ ३०, २०७७ १६:३०