काेराेना भाइरस : जीवनलीला समाप्त गर्ने कहालीलाग्दो खेल

A+ A A-

विश्व स्वास्थ्य संगठन (डब्लूएचओ) र फर्मास्युटिकल कम्पनीहरूले वर्षौंदेखि मानव स्वास्थ्यमा गम्भीर षडयन्त्रका साथ खेलेको योजनावद्ध भूमिका र कार्यान्वयनका लागि शृङ्खलावद्ध प्रयासलाई अध्ययन गर्ने हो भने हाल जारी कोरोना महामारीमा करिब–करिब उक्त षडयन्त्र प्रमाणित भएको देखिन्छ ।

१० वर्ष अगाडि पनि स्वाइनफ्लूका नाममा विश्वव्यापी रूपमा यस्तै खालको दिन रात चौबीसै घण्टा मूलधारका सञ्चारमाध्यमबाट स्वाइनफ्लू मात्रै मानव जीवनको सबैभन्दा खतरनाक भाइरस हो भन्ने तर्कअन्तर्गत प्रचारप्रसार गरिन्थ्यो । त्यो प्रकारको हथकण्डा हामी सबैको ताजा स्मरणमा छ ।

डब्लूएचओकै तथ्याङ्कलाई आधार मान्ने हो भने पनि यो कोरोना अवधिको ६ महिनामा विश्वभर मुटुरोगबाट ८८ लाख २० हजार, क्यान्सरबाट ४९ लाख ३१ हजार ४६०, मधुमेहबाट ७ लाख ८८ हजार ९४०, आत्महत्याबाट ३ लाख ८८ हजार ८०० र कोभिड–१९ बाट आजसम्म यो लेख तयार पार्दासम्ममा ३ लाख ५२ हजार २२७ जना मरेका छन् ।

तर, किन कोरोना र तत्कालीन अवस्थामा स्वाइनफ्लूबाट मरेकाहरूको मात्र एकाङ्गी रूपमा प्रत्येक मिनेट, घण्टामा सञ्चारमाध्यमले रटान दिइरहेका छन् ? यस विषयमा सूक्ष्म अध्ययन गरिनु आवश्यक छ । यस किसिमको डरको खेती गर्नुमा के कारण छ भन्ने वैज्ञानिक तथ्यलाई विवेचना गर्नुपर्ने देखिन्छ । सञ्चारमाध्यममा यस्ता रोगका कारण भएको अपूरणीय एवं डरलाग्दो मृत्युको आँकडालाई प्रचार प्रसारको सामग्री कहिल्यै बनाइँदैन ।

कोरोना, स्वाइनफ्लू, सार्स, एवियन फ्लू, बर्ड फ्लू, इवोला, एचआईभी/एड्सलगायत सरुवा रोगको भ्याक्सिन बन्न सक्ने भएकाले पनि सञ्चारमाध्यम हात धोएर लाग्ने र विश्व स्वास्थ्य संगठनको तन, मन र वचनले विश्वव्यापी महामारीमय बनाउने खेल हिजो, आज, भोलि, हाम्रो भ्रम कायम भएसम्म जारी रहने प्रष्ट छ ।

यो भ्रमलाई चिर्न वास्तवमा एचआईभी/एड्स के हो र यसको प्रभाव आजका दिनसम्म पनि हामीमा कायम नै छ, किन ? एचआईभी एड्स भनेको २१औँ शताब्दीको सबैभन्दा ठूलो झुट हो भन्ने यी तथ्यले प्रमाणित गर्दछः

सन् १९६० को दशकदेखि १९७० को अन्त्यसम्म करिब १५ वर्षको दौरानमा एसएमओएन (Subacute Myelo-Optic Neuropathy) रोग भाइरसका कारण हुन्छ भनेर बेबकुफ बनाउँदै ज्यान पनि लगे, धन पनि बेस्सरी लुटे, जुन खेल एचआईभी/एड्समा पनि अहिलेसम्म चलिरहेकै छ ।

जब टोकियो कोर्टले ३ अगस्ट, १९७८ मा एसएमओएन रोग त भाइरसका कारण नभई क्लिओक्विनोल (Clioquinol) भन्ने औषधिले पो रहेछ भनेर फैसला गरेपछि यसको भण्डाफोर भयो । यो औषधिको उत्पादक सिबा जिजी (Ciba-Geigy) ले आफ्नो उत्पादनबाट भएको अपराध स्वीकार गर्दै सार्वजनिक रूपमै माफी मागेको थियो ।

एचआईभी भाइरसका कारणले एड्स नभएको दाबी

एचआईभी/एड्स कुनै रोग नभएर डरको मात्र व्यापार भएको सप्रमाण सावित भइसकेको छ । मानव इतिहासकै डरलाग्दो दर्वान घोषणा (Durban Declaration) ले आउने एक वर्षभित्र एचआईभी/एड्सले २ करोड ४० लाख अफ्रिकीको मृत्यु हुने भविष्यवाणी गरेर सन् १९८४ मा अफ्रिकामा ठूलो कोलाहल मच्चाएको थियो । तर, वास्तविकता भने अर्कै थियो ।

मानिसहरूको मनमस्तिष्कमा एचआईभी/एड्सको नाममा डर देखाएर औषधि, भ्याक्सिन तयार गरिँदै थियो । दुरुस्त त्यही खेल अहिले फर्मास्युटिकल माफियाहरू विश्व स्वास्थ्य संगठनमार्फत कोरोनाको नाममा खेल्दै छन् ।

एचआईभी–एड्सको नाममा धोखाधडीको सूत्रपात अमेरिकाको नेसनल इन्स्टिच्युट अफ हेल्थमा जागिरे डाक्टर रोबर्ट गेलोद्वारा पत्ता लगाइएको नयाँ भाइरस एचआईभीका कारण एड्स हुने सम्भावना भएको हाइपोथेसिस प्रस्तुत गरिएको दिनबाट विश्वका ४ करोड मानिसको जीवनलीला समाप्त गर्ने कहालीलाग्दो खेलको शिलान्यास भएको थियो ।

यो पनि..

कोरोनाको हाउगुजी देखाएर डब्लूएचओको लकडाउन व्यापार

डाक्टर गेलो अमेरिकाको नेसनल इन्स्टिच्युट अफ हेल्थका जागिरे थिए । डाक्टर गेलोले आफ्ना सहयोगी फ्रेन्च वैज्ञानिक डाक्टर लक मन्टेगनिएरलाई आफ्नो अनुसन्धानबाट भाइरस चोरेको आरोप लगाएपछि विवाद आएको थियो ।

अन्त्यमा डाक्टर लक पनि एचआईभी/एड्सको सह–आविष्कारकको हकदार रहने भन्ने सहमतिमा विवाद टुंगो लाग्यो । पछि यिनै डाक्टर लक, नोवेल पुरस्कार विजेताले एड्सका कारण एचआईभी नभएको पुष्टि गरेका थिए ।

कोच अस पोस्टुलेट अस (Koch's Postulates) का अनुसार भाइरसका कारणले नै रोग लागेको प्रमाणित गर्न भाइरसलाई बिरामीको शरीरबाट अलग्याएर शुध्द कल्चर गर्नुपर्ने हुन्छ, तर एचआईभी भाइरसलाई अहिलेसम्म मानव शरीरबाट अलग्याएर टेस्ट गर्न सकिएको छैन ।

हालसम्म कुनै पनि एड्स संक्रमित बिरामीहरूमा एचआईभी भाइरस नपाइएको वैज्ञानिकहरूको दाबीले गेलोले प्रकाशित गरेको एचआईभीका कारण एड्स हुन्छ भन्ने पेपरलाई झुटो सावित गर्दै आएको छ ।

१. १९८४ मा सीडीसीका वैज्ञानिकहरूको रिपोर्टअनुसार एचआईभीको एन्टिबडी टेस्टमा संक्रमित बिरामीहरू भाइरसबाट नै संक्रमित हुन्छन् भन्ने कुरा प्रमाणित नभएको दाबी गरेका छन् ।

२. एलिजा र वेस्टर्न ब्लट टेस्टले मलेरिया, रुघाखोकी, एन्टिभाइरस खोपहरू र गर्भधारणजस्ता परिस्थितिमा फल्स पोजिटिभ देखिन्छ ।

सन् १९९६ को जोन्सनको रिपोर्टमा ६० भन्दा बढी कारणहरू छन्, जसले फल्स एचआईभी पोजिटिभ देखाउँछ भन्ने कुरा विश्वका प्रतिष्ठित जर्नलहरू जसमा एड्स, लेनसेटर द जर्नल अफ अमेरिकन मेडिकल एसोसिएसनहरूमा प्रकाशित गरिएका थिए ।

३. २०१० मा बउएर (Bauer) को रिपोर्टअनुसार स्तरीय परीक्षण क्राइटेरियाअनुसारको एचआईभी भाइरसको उपस्थिति परीक्षण गरिने वेस्टर्न ब्लट टेस्टमा p41-p24 प्रोटिन एन्टिजेन्सको टेस्ट गरिन्छ, जुनचाहिँ एचआईभी नभएको स्वस्थ व्यक्तिको रगतमा पनि सजिलै भेटिन्छ । तसर्थ यो वेस्टर्न ब्लट टेस्ट नै गलत हो भन्ने कुरा पुष्टि हुन्छ ।

४. केरी बेंक मुलि (पीसीआर आविष्कारक तथा नोबेल पुरस्कार विजेता) ले नै यो पीसीआर टेस्ट भनेको भाइरस (HERV-Human Endogenous Retrovirus) को संख्या आँकलन गर्ने टेस्ट हो, यसले प्रोटिन मात्र टेस्ट गर्न सक्छ, आनुवंशिक क्रम (Genetic Sequence) मात्र टेस्ट गर्न सक्छ, जुन एकदम गलत र एकदमै नसुहाउने कुरा हो ।

एचआईभी भाइरस मानव शरीरमा अहिलेसम्म भेटिएको छैन ।
एचआईभी/एड्स कुनै रोग नभएर डरको व्यापार भएको २०१८ मा सप्रमाण खुलासा भइसकेको छ
एचआईभी/एड्सले खर्बौं डलरको व्यापार गर्छ ।
विश्वका २००० वैज्ञानिकहरू, जसमा ४ नोवेल पुरस्कार विजेतासहितले एचआईभी/एड्सको अवधारणा नै गलत हो भन्ने दाबी पहिले नै गरिसकेका छन् ।
एचआईभी पोजिटिभ भएकी आमाबाट जन्मिने बच्चा नेगेटिभ र आमा नेगेटिभ भए पनि जन्मिने बच्चा पोजिटिभ देख्दादेख्दै पनि आमा पोजिटिभ भए बच्चा पनि पोजिटिभ हुन्छ भन्ने भ्रम अहिलेसम्म पनि चलिरहेकै छ । त्यस्तै, गरेर एचआईभी पोजिटिभसँग शारीरिक सम्बन्ध राखेमा पनि यो रोग सर्ने मान्यता अहिलेसम्म रहिरहेको छ । तर, वास्तविकतामा आजसम्म त्यस्तो कुनै प्रमाण भेटिएको छैन कि एचआईभी संक्रमितसँग शारीरिक सम्बन्ध राख्दा एचआईभी सरेको होस् ।
एचआईभीका कारण एड्स हुन्छ भन्ने हाइपोथेसिसका विरुद्ध चाङका चाङ तथ्य र आविष्कारहरू थुपार्दा पनि एड्स इण्डस्ट्रीहरू एचआईभीकै कारण एड्स हुन्छ, मानिसको मृत्यु हुन्छ र एचआईभी/एड्सकै कारण मानिस सखाप भइरहेको प्रमाणित गर्न सफल छन् । एचआईभी/एड्सभित्रको सत्यतथ्य सार्वजनिक भयो भने यो खर्बौं डलरको कमाइको धन्दा बन्द हुने मात्र होइन, सम्पूर्ण मोडर्न मेडिसिन र डाक्टरहरूमाथिको विश्वास एकैचोटि समाप्त हुनेछ । त्यस कारण पनि यो कुरालाई कसैले पनि थाहा नपाओस् भन्ने उद्देश्यले मेडिकल इण्डस्ट्रीहरू जुन हदसम्म पनि जान तयार देखिन्छन् ।
यो एड्स कथा सन् १९८१ मा अमेरिकाका राष्ट्रपति निक्सन क्यान्सरको प्रचारप्रसारमा फेल भएपछि आर्थिक रूपमा नराम्रोसँग टाट पल्टिए । त्यसकाे परिणामस्वरूप अनुसन्धानमा सम्मिलित सबै अनुसन्धानकर्ताहरू पनि बेरोजगार हुन गए । त्यही बेलादेखि पैसा कमाइ गर्न यस्ताे खेल सुरु भएकाे हाे । त्याे बेला अमेरिकाको सेन्टर्स फर डिजिज कन्ट्रोल एण्ड प्रिभेन्सनले विश्वलाई न्यूमोनिया र सार्स (जो पछि आएर एड्स नाम दिइन्छ) का बारेमा डर फैलाउँदै विश्व मानवलाई धम्काइरहेको थियो, जसले ठूलो धनराशिलाई आकर्षित गर्न भ्यायो । फलस्वरूप विशेष गरेर सारा बेरोजगार अनुसन्धानकर्ताहरूका लागि पनि रोजगारीको अवसर बन्न पुग्यो र फेरि त्यही भाइरसको खेती सुरु गर्दै भाइरसहरूको सम्बन्ध क्यान्सरसँग जोड्न पुगे, तसर्थ एचआईभीको सम्बन्ध एड्ससँग नगाँसिएको भए एचआईभीको कारण क्यान्सरसँग जोडिने थियो ।

एचआईभी/एड्स के हो त ?

WHO/CDC/FDA का अनुसार एचआईभी Human Immunodeficiency Virus जो शारीरिक सम्बन्ध राख्दा एकअर्कोलाई सर्दछ अर्थात् रगत Transfussion हुँदा यो रोग पनि सर्छ र संक्रमित व्यक्तिलाई एड्स (AIDS-Acquired Immunodeficiency Syndrome) रोगी घोषणा गरिँदै अन्ततोगत्वा एड्सबाट नै बिरामीको मृत्यु हुने परियोजना हालसम्म पनि यथावत् छ र सफलताका साथ चलिरहेकै छ । जबकि, एचआईभीबाट एड्स हुँदैन भन्ने प्रमाणित भइसके पछि पनि मान्छे मार्ने खेल किन ?

पुनः कुनै औषधिले ठीक गर्न नसकिने तर औषधि प्रयोग गरिराख्दा संक्रमितको आयु लम्ब्याउन सहयोग गर्छ भनेर औषधिबाट खर्बाैँ डलरको कमाइ गर्ने धन्दा पनि अनवरत रूपमा विनाअवरोध अगाडि बढिरहेको छ ।

एड्सको कारण एचआईभी होइन भने के हो त ?

१. Oxidative stress (धेरै समस्याहरूसँग जोडिएको हुन्छ । जस्तै: मेटाबोलिक सिन्ड्रोम, डायबिटिज टाइप–२ र क्यान्सरले एड्स हुन्छ । लक मन्टेगनिएर, एचआईभी भाइरसका सहआविष्कारक र नोवेल पुरस्कार विजेताले पनि एचआईभी/एड्सका बिरामीहरूका लागि एन्टिअक्सिडेन्ट प्रयोग गर्न सल्लाह दिएका थिए ।

२. ड्रग्स दुर्व्यसनीका कारण पनि एड्स हुन सक्छ ।
३. कुपोषणको कारणले पनि एड्स हुन सक्छ ।
४. डिप्रेसन, चिन्ता र तनावका कारण पनि एड्स हुन सक्छ ।
५. इम्युनो सप्रेसिव ड्रग (-AZT =Adizo Thymidine) जुन एड्स बिरामीहरूका लागि पनि प्रयोग गरिन्छ), किमोथेरापि, र लागु औषध दुर्व्यसनीका कारण पनि एड्स हुन सक्छ ।

एड्स कुनै नयाँ रोग होइन, जसको कारण विगत ३६ वर्षदेखि मानवहरूले धेरै कहालीलाग्दो जीवन व्यतित गर्दै करोडौँको संख्यामा मृत्युवरण गरिसकेका छन् । वास्तवमा, २९ वटा मिल्दाजुल्दा रोगहरूको सामूहिक नाम एड्स दिइएको छ ।

जसमा न्युमोनिया, क्षयरोग, केही क्यान्सर रोग, झाडापखाला पर्दछन् । CDC का अनुसार यी २९ वटा रोगहरूको परीक्षण गराउँदा एचआईभीको पनि परीक्षण गराइन्छ र उनीहरू सबै एड्सका बिरामी घोषित गरिन्छन् ।

यसको असान्दर्भिकताका बारेमा सन् २०१५ मा रिलिज Office Of Medical And Scientific Justice (OMSJ) को निर्णयले पनि थप पुष्टि गरेको छ ।

त्यही एड्सका बिरामीहरूलाई दिइने ड्रग्स, एन्टी मलेरिया ड्रग, एक्सपेरिमेन्टल ड्रगहरूको प्रयोग हुन्छ जसका कारणले एड्स बिरामीलाई मार्ने काम हुन्छ भने कोरोनामा पनि दुरुस्त त्यही खेल भइरहेको छ ।

एन्टिमलेरियन ड्रगले असामान्य रूपले मुटुको गति बढाई मुटु बन्द भएर मृत्यु गराउँछ, त्यही भइरहेको छ । अहिलेसम्म कुनै एक जना बिरामी डाक्टरको औषधिबाट ठीक भएको रिकर्ड पाउन शायद मुश्किल होला, जबकि कोभिड–१९ बाट सङ्क्रमितमध्ये २४ लाखभन्दा बढी मानिस बिनाऔषधि ठीक भएर घर फर्किसकेका छन् ।

७ अप्रिल एक महत्त्वपूर्ण दिन, स्वास्थ्य दिवस, डाक्टर विश्वरूप रोय चौधरीले एउटा पुस्तक “Corona The Scandal Of The Millennium” लन्च गरेका थिए । साे किताबमा कोरोनाको नाममा भइरहेको षडयन्त्रको भण्डाफोर गर्दै प्रस्तुत गरिएका कुनै पनि तथ्य झुटो सावित कसैले गर्न सके प्रत्येक तथ्यको भारु १ लाख इनाम दिने च्यालेन्ज पनि उनले गरेका थिए ।

कोरोनाको नाममा पनि अमेरिकाको सीडीसीले एचआईभी/एड्सको जस्तै सन्त्रास फैलाएको थियो जसमा अमेरिकामा १७ लाख मानिसको मृत्यु हुने र बेलायतमा ५ लाख मानिसहरूको मृत्यु हुने भनेर सन्त्रास फैलाएको थियो ।

अमेरिका भनेको मानवअधिकारको उच्च सम्मानका साथ कानुनी रूपमा परिपालना गर्ने राष्ट्र हो । नागरिकको हक अधिकार स्वास्थ्य सुरक्षाप्रति राज्य एकदमै संवेदनशील र जिम्मेवार रहन्छ । जहाँ डाक्टरहरूले नागरिकको स्वास्थ्यमा खेलवाड गर्ने त धेरै परको कुरा, औषधि प्रेस्क्राइब गर्दा सामान्य तलमाथि पर्‍याे भने पनि सम्बन्धित डाक्टरले जीवनभर जेलमा बिताउनुपर्ने वा करोडौँको जरिमाना तिर्नुपर्ने कडा कानुनी व्यवस्था छ ।

यस्तो व्यवस्था भएको देशमा समेत वार्षिक २ लाख ५० हजारदेखि ४ लाख ४० हजार मानिसको मृत्यु अस्पताल र औषधिमा भएको त्रुटिका कारणले मात्र हुन्छ भने हाम्रोजस्तो मुलुकमा केसम्म हुन्छ होला, आफैँ अनुमान लगाउन सकिन्छ ।

यसरी यति ठूलो संख्यामा, औषधि र अस्पताल जहाँ मर्न लागेका बिरामीहरूलाई जीवित गराउने ठाउँमा उल्टो ज्यान लिने काम हुँदा सारा अमेरिकन वकिलहरू यो ज्यानमारा धन्दा बन्द गराउन कडा कानुनी व्यवस्था होस् भनेर कानुन पारित गराउन सम्बन्धित पक्षलाई ठूलो दबाब सिर्जना गरिरहेका छन् ।

यस्तो सर्वश्रेष्ठ औषधि उपचारको व्यवस्था भएर पनि अमेरिकामा वर्षेनि मुटुरोगबाट मात्र ६ लाख ४७ हजार मानिसको मृत्यु हुन्छ । प्रति ३७ सेकेन्ड मा १ जनाको मृत्यु । २१९ करोड डलरको खर्च मुटु रोगका लागि मात्र हुन्छ । प्रत्येक वर्ष ६ लाखभन्दा बढी मानिसकाे क्यान्सर रोगबाट मृत्यु हुने गर्दछ भने १४७ करोड डलर वार्षिक रूपमा क्यान्सरका लागि मात्र खर्च हुन्छ ।

त्यस्तै, गरी सन् १९१६ देखि १९१८ का बीचमा एभियनफ्लू भन्ने यस्तै कोरोना, स्वाइनफ्लूजस्तै डर र त्रास थियो र करिब ४.५ करोड मानिस संक्रमित भएकोमा जम्मा ६०० मानिस मरेका थिए । तर, संक्रमित संख्याका कारण आतङ्क सिर्जना भएपछि लगत्तै अमेरिकन फर्मास्युटिकल कम्पनीले एक भ्याक्सिन उत्पादन गरी विश्वमा विक्रिवितरण गरेकाे थियाे ।

तर, उक्त भ्याक्सिनको प्रयोगले मात्र विश्वमा लगभग ६० लाख मानिसको मृत्यु भयो र कति अपाङ्ग भए । यो कार्य विशेष गरेर अफ्रिकामा, लेटिन अमेरिकामा बढी केन्द्रित भएको थियो र केही आंशिक प्रभाव भारतमा भएको रहेछ । तर पनि भ्याक्सिनको जोडदार प्रचारप्रसार गरिएको र भ्याक्सिन प्रयोगपछि डरलाग्दो ढङ्गले मानव नरसंहार भएको तीतो इतिहास हाम्रोसामु छ ?

विगतको स्वाइनफ्लूको ताजा स्मरण नसकिँदै कोरोना डर र सन्त्रासको भयावह अवस्था सिर्जना भएको छ । आम मानिसलाई डर सन्त्रास फैलाएर आमरूपमा व्यग्रताका साथ भ्याक्सिन आविष्कार हुँदै छ र यसको प्रयोग गर्नु गराउनुपर्ने मात्रै अन्तिम विकल्प हो भन्ने भ्रम स्थापित गराइएकाे छ ।

कल्पना गरौँ, नेपाली ३ कराेड जनसंख्यामा करिब १ करोड जनसंख्यालाई RT-PCR-TEST त्रुटिपूर्ण डायग्नोसिस उद्देश्यका लागि वर्जित यन्त्रको प्रयोग गरी डायग्नोसिस गर्दा लाग्ने खर्च प्रतिव्यक्ति करिब १५ हजारका दरले १ करोड टेस्टमा लगभग १५ हजार करोडको व्यापार गर्ने ।

साथै, प्रतिभ्याक्सिन मानौँ ३ हजारदेखि ६ हजार रुपैयाँसम्मको मूल्य निर्धारण गरियो भने पनि आउने रकम चाहे राज्य कोषबाट होस् वा व्यक्तिगत खर्चबाट, आखिर जनताकै पैसामा ब्रम्हलुट गर्दै सरकार ती कम्पनीका मतियार भएर विश्व स्थास्थ्य संगठनसँगै लागेर फेरि जनतालाई बेबकुफ बनाउन लगभग तम्तयार देखिन्छन् ।

विश्व स्वास्थ्य संगठन र सीडीसीकाे मिलीभगतमा कुनै पनि गम्भीर प्रकृतिको रोग लागेर अस्पतालमा भर्ना भएपछि बनाइएको प्रोटोकलमा सर्वप्रथमतः प्रत्येक बिरामीलाई कुनै पनि लक्षण देखिनासाथ कोभिड–१९ को संज्ञा दिने (चेष्ट पेन, रुघा खोकी, ज्वरो आदि लक्षण देखिनासाथ) त्यसपछि कुनै बिरामी मृत्यु भयो र रिपोर्ट १४ दिनसम्म नआउँदा पनि कोभिड–१९ नामकरण गर्ने, प्रमाणित गर्ने प्रक्रियामा संलग्न चिकित्सकलाई विशेष आर्थिक सहुलियत दिने प्रक्रियाले र सञ्चार माध्यमले त झन् मलजल गरेकाले पनि संक्रमित एवं मृतकको संख्यामा ठूलो खेल भएको प्रमाणित हुन्छ ।

यो मौसमी फ्लू भएकाले बिरामीलाई भेन्टिलेटरमा राख्दा फोक्सोमा असर गरी झनै ८०–९०% बाँच्न सक्ने बिरामी पनि फोक्सो नै विस्फोट भई मृत्यु हुने प्रमाणित भएको छ । वास्तवमा भाइरससँग पार पाउन शरीरमा रहेको रोग प्रतिरोधात्मक शक्तिलाई प्रवर्द्धन गर्नु हो ।

लकडाउनजस्तो आंतककारी क्रियाकलापले गर्दा घरमा थन्किँदा इम्युनिटी पावर बढाउने भिटामिन ए, बी, सी र डीबाट पनि वञ्चित हुँदा एकतर्फी रूपमा लकडाउन र आइसोलेसनले आन्तरिक रूपमा कमजोर बनाउँदै झनै दुर्वल बनाउँछ । यसले समग्रमा हाम्राे सम्पूर्ण स्वास्थ्य नै धरापमा पार्दछ ।

आधुनिक औषधि विज्ञानको इतिहास हेर्ने हो भने कुनै न कुनै बहानामा रोगको कारण भनेको भाइरस र व्याक्टेरियाबाट मात्र हुन्छ भनेर सदैवजसो अत्याधुनिक भेन्टिलेटरको व्यापार र भ्याक्सिन बिक्रीवितरण एक प्रमुख विषय बनेको छ ।

फर्मास्युटिकल कम्पनीहरूको परिभाषामा त झनै संसारमा मानिसको रोगको प्रमुख समस्या भनेकै भाइरस र व्याक्टेरिया हो भन्ने भइहाल्यो । तर, वास्तवमा इम्युनिटीको मजबुत खम्बा भनेको भिटामिन ए, बी, सी र डीलाई कमजोर बनाउन सामाजिक दूरी, फेस मास्क, आउनेवाला भ्याक्सिन र भेन्टिलेटर हुन्, जुन कुराको प्रयोगका लागि यतिको होडबाजी चलेको छ ।

यो कार्य फर्मास्युटिकल कम्पनी र विश्व स्वास्थ्य संगठनको सहकार्यमा गरिएको हो । यसरी, एकपछि अर्को आफ्नो स्वार्थमा मान्छेको स्वास्थ्यजस्तो संवेदनशील कुरामा षडयन्त्र गरी विश्वलाई बन्धक बनाउने खेल सदाका लागि अन्त्य गर्नुको विकल्प छैन ।

अन्यथा 'भिरबाट खस्ने गोरुलाई रामराम भन्न सकिन्छ तर काँध थाप्न सकिन्न'। सगरमाथाको चुचुरोभन्दा माथि जाने ठाउँ छैन । पापको घडा भरिसकेको छ । यसरी सम्पूर्ण कुरा प्रमाणित हुँदा पनि लहैलहैमा/मतियार भएर आजका दिनसम्म लकडाउनजस्तो जघन्य अपराध कायमै गरेर जनतालाई बाँच्न पाउने अधिकारबाट वञ्चित नगरौँ । चेतना भया ।

(लेखक कर्णबहादुर शाही पाणिनि स्कुलका प्रिन्सिपल हुन् भने डा. पूर्ण शाही प्राकृतिक चिकित्सक हुन्)

Sources:Dr. Bisworoop Roy Chaudhary: i. HIV-AIDS is the greatest lie of 21^st Century ii. Corona Virus is the biggest scam of millennium. World Health Organization(WHO) and Centre for Disease Control & Prevention (CDC), USA

प्रकाशित मिति: बुधबार, जेठ १४, २०७७ १६:३०