एक दिनको तलब दिने नेकपाका सांसदको घोषणा, बिरामी भेट्न अस्पताल पुगे ओली

हावाहुरीले प्रभावित बारा

A+ A A-

वारा र पर्साका हावाहुरी पीडित परिवारका लागि नेकपाका सांसदहरुले एक दिन बरावरको तलव दिने भएका छन् ।

प्रभावित क्षेत्र आइपुगेका नेकपा संसदीय दलका नेतासमेत रहेका प्रधानमन्त्री ओलीले राहत र उद्दारमा खटिन पार्टीका नेता कार्यकर्तालाई निर्देशन दिदै एक दिन वरावरको तलव दिने निर्णय सनाए ।

यसैवीच, प्रधानमन्त्री केपी शर्मा ओलीले आँधी प्रभावित क्षेत्रको निरीक्षणमा गरेका छन् । झापाको कार्यक्रम रद्द गरेर प्रधानमन्त्री आज दिउँसो बारा र पर्साका हावाहुरी प्रभावित क्षेत्रको निरीक्षणमा आएका हुन । प्रधानमन्त्रीले कलैयास्थित अस्पतालमा पुगेर घाइतेको अवस्थाबारे जानकारीसमेत लिएका छन् ।

प्रधानमन्त्रीलाई प्रमुख जिल्ला अधिकारी राजेश पौडेलले घटनाको जानकारी दिए । गएराति साँझ पौने ८ बजेदेखि सवा ८ बजेसम्मको हावाहुरीले अहिलेसम्म २७ जनाको निधन भएको प्रमुख जिल्ला अधिकारीले जानकारी दिए ।

हावाहुरीले कलैजा उपमहानगरपालिकासहित महागढीमाई नगरपालिका, पचरौता नगरपालिका, प्रसौनी गाउँपालिका, फेटा गाउँपालिका, सुवर्ण गाउँपालिका, परवानीपुर गाउँपालिकामा धनजनको क्षति भएको छ ।

यसैबीच आइतवार साँझ आएको ठूलो हावाहुरीले बारा र पर्सा जिल्लामा धनजनको क्षति भएपछि प्रदेश न.३ का मुख्य मन्त्री डोरमणि पौडेल घटना स्थल पुगेका छन् ।

मुख्यमन्त्रीसंगै आन्तरिक मामिला तथा कानून मन्त्री शालिराम जम्कट्टेल, सामाजिक विकास मन्त्री युवराज दुलाल पनि प्रभावित क्षेत्रमा पुगेका छन । टोलीले प्रभावित क्षेत्र फेटा गाउँपालिकाको पुरनीया र कलैया अस्पतालमा पुगेर घाइतेहरुलाई स्वास्थ्यलाभको कामना सहित आवश्यक सहयोगको लागि आग्रह गरेको बताईएको छ ।

घाइतेहरूको सम्बन्धित जिल्लाको स्वास्थ्य केन्द्रमा सहीत मकवानपुरको हेटौंडा अस्पताल लगायत काठमाडौ पनि पुर्‍याईएको छ । साथै प्रदेश न. ३ बाट पनि बाराको कलैया अस्पातलमा स्वास्थ्यकर्मी टोली पुगेको बताइएको छ ।