मुद्रण विभागमा रातो किताब : स्रोतको दबाबका बीच १६ खर्ब माथिको बजेट

A+ A A-

अर्थमन्त्रालयले सवा १६ खर्ब रुपैयाँको माथिको बजेट ल्याउने तयारी गरेर आगामी आर्थिक वर्षको बजेट निर्माण गरेता पनि अन्तत स्रोतमा दबाब परेपछि करिव १६ खर्ब हाराहारीको बजेट ल्याउने भएको छ ।

करिब बजेटको अंक तय भएसँगै विशेष कार्यक्रम बाहेकका कार्यक्रम राखेर अर्थमन्त्रालयले मंगलबार रातो किताब छाप्न पठाएको छ । बजेट ल्याउनुभन्दा एक दिन अघि रातो किताब छाप्ने गरिन्छ । अर्थमन्त्रालय विशेष स्रोतका अनुसार सोमबार राति काम सकेसँगै मंगलबार बिहान ७ बजे रातो किताब छाप्न पठाइएको हो ।

रातो किताबमा व्यायको अनुमानको विवरण विस्तृत रुपमा राख्ने गरिन्छ । विशेष कार्यक्रम बाहेकको खर्च यो पुस्तकमा खुलाइएको हुन्छ । रातो किताबमा संघीय संचित कोषमाथि व्यायभार हुने अनुमान, व्यायभार हुने अनुमानको खर्चको शीर्षकगत अनुमान, संञ्चितकोषबाट विनियोजन हुने व्यायको अनुमान, एकीकृत खर्च तथा वित्तीय बजेटको अनुमानको विस्तृत विवरण राखिएको हुन्छ ।

त्यस्तै रातो किताबमा अनुदान तथा साहायतका विवरण बैदेशिक अनु्दान तथा ऋणकको विषयमा विरवरण खुलाइन्छ । अर्थमन्त्रालयले अब बजेट भाषण पुस्तिकाको साथै आर्थिक तथा विनियोजन ऐन बाहेकका सबै काम सकेको छ ।

आर्थिक सर्वेक्षण, मन्त्रालयत विवरण र पहेलो किताब छापिसकेर अर्थमा आएका छन् । ८ महिनाको तथ्यांकमा केन्द्रित आर्थिक सर्वैक्षण अर्थमन्त्री डा. युवराज खतिवडाले संसदमा प्रस्तुत गर्दै छन् ।

अर्थमन्त्रीले संसदमा पढ्ने बजेट पुस्तिका र विनियोजन ऐन छाप्नु पर्ने हुन्छ । विनियोजन ऐन अर्थमन्त्रालयमित्र छापिन्छ भने बजेट जेठ १४ गते काम सकेर त्यसै राति नसके बिहान मुद्रण विभागमा पठाउने गरिन्छ ।

१५ खर्ब रुपैयाँ माथिको बजेट ल्याउन सक्ने अवस्था नरहेपनि स्रोतको महत्वकांक्षी लक्ष राखेर १६ खर्ब हाराहारीको बजेट पुर्‍याइएको बताइएको छ । अर्थमन्त्रालय स्रोतका अनुसार वैदेशिक ऋणमा अर्थमन्त्री डा. युवराज खतिवडाले अपेक्षा गरेजसरी प्रतिवद्धता आएको छैन ।

बजेट लेखनको क्रममा अधिक साढे १६ खर्ब रुपैयाँ बराबरको बजेटमा छलफल भएता पनि स्रोतको दबाब परेपछि क्रमश बजेट घटाइएको थियो । गत वर्षहरुको तुलनामा स्वास्थ्य, कृषि , श्रमका क्षेत्रमा बजेट बढाइएको छ ।

प्रकाशित मिति: मंगलबार, जेठ १३, २०७७ ०९:५६