२९ प्रतिशत राजस्व वृद्धिको आँकलन

A+ A A-

सरकारले आगामी आर्थिक वर्षमा २९ प्रतशित राजस्व वृद्धिदर कायम हुने अनुमान गरेको छ । चालू आर्थिक वर्षमा अनपेक्षित राजस्व गुमाएको सरकारले आगामी आर्थिक वर्षमा अहिले उठेको वास्तविक राजस्वभन्दा २९ प्रतिशत बढ्ने अनुमान गरेको छ ।

सरकारले चालू आर्थिक वर्षमा ११ खर्ब १२ अर्ब रुपैयाँको विभाज्य कोषबाट आउनेसहित राजस्व उठाउने लक्ष्य निर्धारण गरेको थियो । पहिलो महिनादेखि नै लक्ष्यअनुसार राजस्व उठ्न नसकेको अवस्थामा फागुन महिनापछि आएको गिरावटले सरकारले लक्ष्यको ६७ प्रतिशत राजस्व उठ्न सक्ने अधिक आंकलन गरेको छ ।

वैशाख २५ गतेसम्म मात्रै लकडाउन रहँदा ७५ प्रतिशत राजस्व उठ्ने अनुमान गरेको सरकारले पुनः लकडाउन लम्बिएर जेठ २० गतेसम्म पुर्‍याएपछि अधिक ६७ प्रतिशत अर्थात् ७ खर्ब ५० अर्ब रुपैयाँ मात्रै राजस्व उठ्ने अनुमान गरिएको छ ।

अघिल्लो आर्थिक वर्षमा उठेको राजस्वको २३ प्रतिश वृद्धि हुने अनुमानसहित चालू आर्थिक वर्षको लागि लक्ष्य निर्धारण गरिएकोमा आगामी आर्थिक वर्षमा पुनः २९ प्रतिशतसम्मको लक्ष्य निर्धाण गरेको छ ।

आर्थिक वर्ष २०६६/६७ पछि राजस्व लक्ष्य प्रत्येक आर्थिक वर्षमा पूरा भएकोमा गत आर्तिक वर्षमा लक्ष्य पूरा हुन सकेको थिएन । चालू आर्थिक वर्षमा सामान्य अवस्था रहँदा पनि ८५ प्रतिशतभन्दा बढी राजस्व उठ्ने सम्भावना रहेको सन्दर्भमा सरकाले पुनः अधिक लक्ष्य राखेर अघि बढेको अर्थका अधिकारीहरूले बताउँने गर्छन् ।

चालू आर्थिक वर्षमा भन्सार राजस्व मात्रै ४ खर्ब ७३ अर्बको लक्ष्य राखिएको थियो । भन्सार विभागका अधिकारीअनुसार यस वर्षभन्दा राजस्व २ खर्ब ८० अर्बमा नै सीमित हुने देखिएको छ अहिलेसम्म २ खर्ब ६० अर्ब भन्सार राजस्व उठेको छ । चालू आर्थिक वर्ष सकिन डेढ महिनाको समय बाँकी रहँदा ६ खर्ब २० अर्ब रुपैयाँ मात्रैको राजस्व उठेको छ ।

आन्तरिक राजस्व विभाग, भन्सार विभाग र ठूला करदाता सबैले लक्ष्यको ६५ प्रतिशत उपलब्धि हासिल गर्न पनि गाह्रो भएको अर्थमन्त्रीलाई जानकारी गराएको छ । आगामी डेढ महिनाको अवधिमा अधिक डेढ खर्ब राजस्व उठ्न सक्ने आंकलन अर्थ मन्त्रालयको रहेको छ ।

सरकारले आगामी आर्थिक वर्षमा १० खर्ब ५० अर्ब रुपैयाँको राजस्व उठ्न सक्ने अनुमान राखेको छ । भन्सार राजस्वबाट आउने रकम केही कम भए पनि आन्तरिक उत्पादन वृद्धिले टेवा पुग्ने प्रक्षेपण अर्थ मन्त्रालयको रहेको छ । आगामी आर्थिक वर्षमा साढे ४ खर्बको भन्सार राजस्व उठ्ने र करिब ६ खर्ब रुपैयाँ बराबरको अन्त:शुल्क, मूल्य अभिवृद्ध कर, आयकरलगायतको कर उठ्ने अनुमान गरिएको अर्थ मन्त्रालयका अधिकारीले बताएका छन् ।

अर्थमन्त्री डा. युवराज खतिवडाले आगामी आर्थिक वर्षको करका दर र दायरा कसरी फेरवदल गर्न सकिन्छ भनेर ठूला करदाता कार्यालाय, आन्तरिक राजस्व विभाग, भन्सार विभागलगायतका क्षेत्रका अधिकारीसँग छलफल गरिरहेका छन् । अर्थमन्त्री खतिवडाले आइतबार राति ९ बजेसम्म छलफल गरेका थिए । अहिले दर र दायारा बढाउन सकिने स्थिति नदेखिएको राय अधिकारीहरूले अर्थमन्त्रीलाई दिएका थिए । कतिपय क्षेत्रमा छुट र तथा कर घटाउनु पर्ने प्रस्ताव पनि अर्थमन्त्रीलाई गएको जनाइएको छ ।

चालू आर्थिक वर्षमा पूरा हुन नसेको कतिपय आयोजना आगामी आर्थिक वर्षको सुरुवाती महिनामा नै सम्पन्न हुने र त्यसको प्रभाव राजस्वमा देखिको अर्थको बुझाइ रहेको छ । तर, अर्थ जानकारहरू ठूलो बजेट बनाउनको लागि ठूलो राजस्व अनुमान राख्न खजिएको दाबी गर्छन् । प्रमुख प्रतिपक्ष नेपाली कांग्रेसले आगामी आर्थिक वर्षमा अधिक ८ खर्ब रुपैयाँको राजस्व उठ्न सक्ने जनाएको छ ।

प्रकाशित मिति: सोमबार, जेठ १२, २०७७ १८:४२