कोरोना महामारीबीच चीनले किन किन्दै छ ठूलो मात्रामा सुँगुरको मासु ?

A+ A A-

चीनको उपभोक्ता विभागका अनुसार चीनका व्यापारीले अप्रिल महिनामा ४ लाख टन सुँगुरको मासुको आयात गरेको रेकर्ड छ । जुन गत वर्ष यसै महिनाको तुलनामा करिब १७० प्रतिशत बढी हो ।

चीन संसारको सबैभन्दा बढी सुँगुरको मासु उपभोक्ता देश हो । अन्तर्राष्ट्रिय बजारमा मासुको मूल्यमा भारी गिरावट आएका बेला चीनमा मासु भित्र्याउने क्रम बढेको हो ।

मूल्य घटेको समयमा चिनियाँ व्यापारीले मासु भण्डारण गरिरहेका छन् । चीनले यो वर्षको पहिलो चार महिनामा करिब १४ लाख टन सुँगुरको मासु आयात गरेको छ । जुन गत वर्षको तुलनामा १७०.४ प्रतिशत बढी हो ।

घातक अफ्रिकी स्वाइन फ्लूले चीनको सुँगुरको मासु बजारमा करिब ४० प्रतिशतसम्म कम गरिदिएको छ, जसका कारण सुँगुरको मासुको घरेलु उत्पादनमा कमी आएपछि चीनमा सबैभन्दा बढी रुचाइने सुँगुरको मासुको मूल्यमा रेकर्ड वृद्धि भएको थियो ।

चीनले अमेरिकासहित विदेशी बजारमा उपलब्ध सुँगुरको मासु खरिद गरिरहेको छ । अमेरिका संसारमा सबैभन्दा कम मूल्यमा सुँगुरको मासु बेच्नेमध्ये एउटा देश हो र अहिले कोरोना भाइरसका कारण घरेलु बजारमा असर परेको छ ।

चीनमा पनि फेब्रुअरीदेखि सुँगुरको मासुको मूल्यमा गिरावट आइरहेको छ । तर, करिब १ वर्षअघिको तुलनामा अहिले पनि सुँगुरको मासुको मूल्य दोब्बर छ ।

अमेरिकी बजार बढेपछि आगामी महिनामा चीनको निर्यातमा असर गर्नेछ । जबकि अहिलेसम्म चिनियाँ सुँगुरको मासुको मूल्य अझै पनि कमजोर घरेलु मागका कारण घटिरहेको छ ।

अमेरिकी संस्थाका अनुसार जनवरीदेखि मार्चसम्मको अवधिमा अमेरिकाले चीनमा निर्यातको नयाँ रेकर्ड बनाएको छ । चीनले अप्रिलमा १ लाख ६० हजार टन गाईको मासुसमेत आयात गरेको छ । जुन गत वर्षको तुलनामा २८ प्रतिशत बढी हो ।