लकडाउनमा उपत्यका भित्रिने ड्राइभरको कोरोना परीक्षण हुँदैन

A+ A A-

भारत विहारका राम साह (नाम परिवर्तन) २ वर्षदेखि ठूलो मालवाहक ट्रक चलाउँदै राजधानी ओहोरदोहोर गर्दै आएको बताउँछन् । कोरोना भाइरस नियन्त्रण गर्ने सरकारले लकडाउन गरेपछि ४ दिनको फरकमा समान बोकेर काठमाडौं ओहोरदोहोर गरेको शाहले बताए ।

‘२ महिनायता वीरगञ्जदेखि काठमाडौं खाद्यन्य, खानेतेल र निर्माणका सामाग्री बोकेर ओहोरदोहोर गरिरहेको छु । ओहोरदोहोर गर्दा सामान्य ज्वरो प्रहरीले परिक्षा गर्छन । त्यसपछि अनुमति दिन्छन् । कोरोना भाइरसको परिक्षण भने गरेको छैन’ उनले भने, ‘कोरोना भाइरस परीक्षण गरेको छ कि छैन भनेर आजसम्म कसैले सोधेको छैन । आफूलाई पनि परीक्षण गराउन जाने फुसद हुँदैन् । म मात्र होइन लकडाउनमा ट्रक चलाइरहेको कुनै पनि ड्राइभरले कोरोना भाइरसको परीक्षण गराएको थाहा पाएको छैन ।’ साहले काठमाडौं वीरगञ्ज मालवाहक ट्रक चलाउँदै आएका छन् ।

यसैगरी, एलपी ग्यासको गाडी चलाउँदै आएको पर्साका ड्राइभर मनोज सिंहले पनि कोरोना भाइरसको परीक्षण नगराएको बताएका छन् । उनी ५ दिनमा एक पटक ग्यासको सवारी साधन लिएर उपत्यका ओहोरदोहोर गर्ने गरेको बताँउछन् । ‘कोरोना नियन्त्रण गर्न सरकारले गरेको लकडाउनका बेला कति पटक राजधानी ओहोरदोहोर गरे । तर, कोरोना भाइरस परिक्षण गराएको छैन । कसैले कोरोना भाइरसका परिक्षण गरेर सवारी चलाइरहेको छौ भनेर बुझेको पनि छैन् ।’ उनले भने, ‘अब चाँही कोरोना भाइरस परिक्षण गराउन जानु छ । एक पटक नेपालगञ्ज पुगेर आउछु । त्यसपछि जान्छु । के गर्नु गाडी कुदाउँदा कुदाउँदै फुर्सद छैन् । लकडाउनमा गाडी कुदाउन छर्‍यो भने परिवार पाल्न समस्या हुन्छ ।’ परिवारले अब चाँही कोरोना भाइरसका परीक्षण गराउन भने दबाव दिइरहेको उनको भनाइ छ ।

यस्तै, विराटनगरबाट खाद्यन्यको सामग्री बोकेर उपत्यका ओहोरदोहोर गर्न मोरङका जीवन चौधरीले पनि हालसम्म कोरोना भाइरसको संक्रमण परीक्षण नगराएको बताएका छन् । कोरोना भाइरस नियन्त्रण गर्नगरेको लकडाउनसँगै कम मात्र गाडी चलाउन थालेपछि फुर्सद नभएको भनाइ छ । जसका कारण धेरै गाडी कुदाउनु पर्दा कोरोना भाइरस परीक्षण गर्ने समय नमिलेको उनी बताउँछन् ।

उनीहरू जस्तै दैनिक ३ हजारभन्दा धेरै सहचालक र चालक उपत्यका सवारी साधानबाट ओहोरदोहोर गर्छन् । उनीहरूको सामान्य ज्वरो मात्र परीक्षण मात्र गरिन्छ । कोरोना भाइरसको परीक्षण नगर्दा कोनोराको जोखिम भएको उनीहरु बताउँछन् । मालवाहक ट्रक, मिनि ट्रक र अन्य खाद्यन्य बोकेर राजधानी ओहोरदोहोर गर्ने ड्राइभर आफूमा कोरोना उच्च जोखिम रहेको गुनासो गर्छन् ।

लकडाउनका समयमा पनि दैनिक २ हजार खाद्यन्य, तरकारी र अन्य केही समान बोकेर सवारी लिएर उपत्यका भित्रिने गरेको प्रहरीले जनाएको छ । सरकारले लकडाउन गरेपछि पनि मालबाहक ट्रक र अन्य ढुवानीका सवारी साधन भने निर्वाधरुपमा सुचारू छन् । दैनिक १ हजारसम्म ढुवानीका सामग्री बोकेका ट्रक आउने गरेको महानगरीय ट्राफिक प्रहरी महाशाखाले जनाएको छ ।

तरकारी फलफूल, दूधका परिकार, मासु अण्डा, र खाद्यन्य बोकेर दैनिक ७ सय सवारी साधन उपत्यका प्रवेश गरिरहेको महाशाखाले जानकारी दिएको छ ।

महाशाखा कै तथ्यांककई आधार मान्ने हो भने पनि मालवाहक ट्रक, मिनि ट्रक, खाद्यन्न बोक्ने भ्यान र ट्याक्टरमा गरी दैनिक ३ हजारभन्दा धेरै चालकसँग सहचालक भित्रिने गरेका छन् । तीमध्ये सिमानाबाट दैनिक ५ सय मालवाहक गाडी उपत्यका आउने गरेको महाशाखाको अनुमान छ ।

लकडाउनका समयमा दैनिक ८ सयको हाराहारीमा मालवाहक ट्रक काठमाडौं उपत्यकाभित्र प्रवेश गर्छन् । सबैभन्दा धेरै नागढुंगा नाकाबाट प्रवेश गर्ने गरेका छन् । फर्पिङ नाका, मुड्खु भन्ज्याङ नाका, भक्तपुर र नागढुङ्गा नाका भएर धेरै सवारी साधन उत्यकाका ओहोरदोहोर गर्ने गरेका छन् ।

लकडाउनको समय भएकाले उपत्यकाका भिक्रिने नाकाबाट ओहोरदोहोर गर्ने गाडीको संख्या निकै कम छ । सामान्य समयमा दैनिक झन्डै ४० हजारको हाराहारीमा सवारी साधन काठमाडौं भित्रिने र बाहिरिने १५ हजारसम्म यात्रु आवातजावत गदै आएको थिए । लकडाउनका बेला भने प्रायः अनुमति पाएको सवारी साधनका चालक र सहचालक मात्र हिँड्ने गरेको पाइन्छ ।

प्रकाशित मिति: सोमबार, जेठ ५, २०७७ ०८:०४