सामाजिक सुरक्षा योजना: सूचीकरण सुस्त

A+ A A-

सरकारले आकर्षक नारासहित योगदानमा आधारित सामाजिक सुरक्षा कोषको अवधारणा ल्याए पनि त्यसअनुरुप निजी क्षेत्रलाई दबाब दिन नसक्दा सूचीकरणमा सुस्तता देखिएकोे समाचार नागरिक दैनिकले प्रकाशित गरेको छ । पहिलो पृष्ठमा प्रमुखताका साथ छापिएको उक्त समाचारमा निकै प्रचारवाजी गरिएपनि कार्यक्रम प्रभावकारी हुन नसकेको उल्लेख छ ।

मजदुर कर्मचारीको सामाजिक सुरक्षाको सबालमा सरकार गम्भीर रहेको भन्दै कोषको अवधारणा सार्वजनिक गर्दा ‘नयाँ युगको सुरुआत्’ को नारा दिएर प्रधानमन्त्री केपी शर्मा ओलीलाई नै विज्ञापनको ब्यानरमा ल्याइएको थियो। त्यसअनुसार उद्योगी व्यवसायीलाई कार्यक्रममा समावेश हुन सरकारले दबाब दिन नसक्दा सूचीकरण सुस्त हुन पुगेको हो। सरकारले मंसिर ११ मा कार्यक्रम घोषणा गरेको थियो। त्यसयता सोमबार दुई महिना पुगेको छ। सोमबारसम्ममा जम्मा ६ सय २५ रोजगारदाता कोषमा सूचीकरण भएका छन्। कोषका अधिकारीहरुका अनुसार अहिलेसम्म १० हजारभन्दा धेरै रोजगारदाता सूचीकरण भइसक्ने अनुमान सरकारको थियो।

यस्तै नागरिक दैनिकले चिकित्सा शिक्षामा सुधारको माग गर्दै अनशनरत डा। गोविन्द केसीको जीवनरक्षाको माग गर्दै चिकितत्सकहरुले रिले अनशन सुरु गरेको समाचारलाई पनि पहिलो पृष्ठमा प्रकाशित गरेको छ । नेपाल चिकित्सक संघको आव्हानमा अनसन सुरु गरिएको हो। डा। केसी पुस २५ देखि १६ औं अनसनमा छन्।

रिले अनसन भएकाले विरामीको सेवा सुविधा प्रभावित नहुने संघले जनाएको छ। अनसन विहान १० देखि साँझ ५ बजेसम्म चल्ने छ।
यस्तै नागरिकले पनि नेपाल जित्यो एकदिवसीय शृंखला शीर्षकको समाचारलाई दोस्रो प्रमुख समाचारका रुपमा प्रकाशित गरेको छ ।

प्रकाशित मिति: मंगलबार, माघ १५, २०७५ ०८:१६