गण्डकी प्रदेशको विकास समितिद्वारा ७ प्रदेशका सभापतिसँग भिडियो कन्फरेन्स

A+ A A-

गण्डकी प्रदेशको अर्थ तथा विकास समितिले सातवटै प्रदेशका अर्थ समितिका सभापतिसँग भिडियो कन्फरेन्स गरेको छ ।

कोरोना भाइरस संक्रमणको त्रासका कारण भौतिक पूर्वाधार निर्माण ठप्प भएको अवस्थामा समितिले सातै प्रदेशका विकास समितिका सभापतिहरूसँग भिडियो कन्फरेन्स गरेर सातै प्रदेशको विकास बजेटको अवस्था र आगामी दिनमा चालिने कदमका बारेमा छलफल गरेको हो ।

भिडियो कन्फरेन्समा सातै प्रदेशका सभापतिहरूले कोरोना भाइरसको रोकथाम र नियन्त्रण गर्नका लागि ७७ वटै जिल्लामा कोरोनाको स्वाव परीक्षणलाई सहज र ब्यापक बनाउन आवश्यक व्यवस्था मिलाउन संघीय सरकारलाई सुझाव दिने निर्णय गरेको छ ।

संघीय सरकारले उचित समयमा लकडाउनको घोषणा गरेका कारण अन्य मुलुकमा जस्तो भयावहरूपमा कोरोना भाइरसको संक्रमण फैलिन नपाएको भन्दै सरकारलाई धन्यवाद दिएकोछ ।

सभापतिहरु संगको छलफलले अब लकडाउनको तरिका परिबतन गरर्नु पर्ने निष्कर्ष निकालेका गण्डकी प्रदेशका अर्थ तथा बिकास समितिका सभापति दिपक कोइरालाले बताए । उनका अनुसार छलफलमा सभापतिहरुले बजेट निर्माणमा समितिको भुमिका बढाउनु पर्ने, प्रि-बजेटका लागि सरोकारवालाहरूसँगको छलफललाई प्रभावकारी बनाउनु पर्ने लगायतका बारेमा छलफल भएको थियो ।

त्यसैगरी, प्रदेशले आफ्नो आयस्रोतका दायरा बढाउनका लागि राजश्व संकलनका क्षेत्रको आवस्यक पहिचाहन गर्ने र त्यसका लागि प्रदेश सरकारलाई सहयोग गर्ने समितिले निर्णय गरेको छ ।

समितिले सावर्जनिक खरिद ऐन परिमार्जन गर्नकालागि सरकारलाई सुझाब समेत दिएको छ । सरकारले बजेट निर्माण गर्दा स्पष्ट श्रीषक खुलाएर ल्याउनु पर्ने, आगामी बजेटलाई जनस्वास्थ्य, कृषि, उद्योगतर्फ केन्द्रित गाराउने तर्फ समितिले पहल गर्ने निर्णय गरेको छ ।

सभापतिहरुले खाद्यन अभाव हुन नदिन कामको लागि खाद्यद्धान्न कार्यक्रम सरकारले ल्याउनु पर्ने, विकास निर्माणको लागि खाद्यान्न जस्ता कार्यक्रम ल्याउन आवश्यक रहेको समेत छलफलले निकर्ष निकालेको छ ।

त्यसैगरी, बजेट वितरणमुखी नभएर परिणाम मुखि बनाउन समितिले जोड दिने निर्णय पनि गरेको छ । भिडियो कन्फरेन्समा बोल्दै गण्डकी प्रदेशका अर्थ तथा विकास समितिका सभापति दीपक कोइरालाले समय अनुकुल लकडाउन परिवतन गनुपर्ने बताए ।

उनले जीउनका लागि पहिलो सर्त सुरक्षाको भएको बताउदै तत्कालै सम्पन्न नगर्दा ठुलो क्षतिहुने विकासका योजनाहरुमा सुरक्षा विधि अपनाएर सुचारु गर्नुपर्ने बताए ।

कोरोनाले समस्या मात्रै नभएर कृषिमा आत्मनिर्भर बन्नको लागि अबसर समेत श्रृजना गरेको कोइरालाको भनाई छ । सभापति कोइरालाले आगामी दिनमा पनि भिडियो कन्फरेन्सलाई निरन्तरता दिने बताउँदै यसरी भिडियो कन्फरेन्स गर्दा सातै प्रदेशका समितिले अझ प्रभावकारी रुपमा काम गर्न सक्ने विश्वास व्यक्त गरे ।

भिडियो कन्फरेन्समा सहभागी भएका समितिका सभापतिहरुमा प्रदेशनं १ बाट मोहन खड्का, प्रदेश २ बाट मनिस सुमन, बाग्मती प्रदेशबाट सरेश नेपाल, गण्डकी प्रदेशबाट दीपक कोइराला, प्रदेश नं. ५ बाट दधिराम न्यौपाने, कर्णाली प्रदेशबाट अमरबहादुर थापा रहेका थिए। त्यसैगरी सुदूरपश्चिम प्रदेशबाट हर्कबहादुर कुवंर र सचिवालयका कर्मचारीको सहभागिता रहेको थियो ।

प्रकाशित मिति: मंगलबार, वैशाख २३, २०७७ १५:१६