लकडाउनका कारण कर्णालीमा भोकमरी हुनसक्छ : मुख्यमन्त्री शाही

A+ A A-

स्थानीय प्रशासनका कारण लकडाउन कार्यान्वयनमा समस्या देखाएको कर्णाली प्रदेशका मुख्यमन्त्री महेन्द्रबहादुर शाहीले बताएका छन् ।

शनिबार ‘कर्णाली प्रदेश समाज दक्षिण कोरिया’ दक्षिण कोरियाले प्रदान गरेको स्वास्थ्य सामग्री बुझ्ने क्रममा पत्रकारहरूसँग सक्षिप्त कुराकानी गर्दै मुख्यमन्त्री शाहीले स्थानीय प्रशासनले प्रदेश सरकारको निर्णयलाई नमानेको बताएका हुन् ।

अहिले बाली भित्र्याउने बेला र लगाउने बेला भएकोले स्थानीय प्रशासनले लकडाउनको पालना गर्दै परिवार र समूहमा काम गर्न स्थानीय प्रशासनले असहयोग गरेको मुख्यमन्त्री शाहीले बताए । लकडाउनको पालना गर्दै विकास निर्माण र कृषिका काम गर्न भनेका थियौँ उनले भने स्थानीय प्रशासनका कारणले अहिले ति काम हुन सकेको छैन ।

कर्णाली प्रदेश सरकारले सीमानाका कडाइ पारेर आन्तरिक विकास निमार्ण र कृषि काम गर्ने भनेको तर, अहिले त्यो सम्भव नभएको मुख्यमन्त्री शाहिले बताए । अहिले पनि कृषि कर्म गर्ने जनशक्ति भारतमा थुनिएर बसेको छ उनले भने, लकडाउनका कारणले कृषि उत्पादनमा ह्रास आउने छ ।

कर्णालीमा विगतदेखि नै खाद्यान्नको अभाव हुने क्षेत्र भएको र लकडाउनका कारणले अझै खाद्यान्न उत्पादन कमी आउने बताए । कर्णालीमा भोकमरी हुने निश्चितजस्तै छ उनले भने, लकडाउनका कारण कृषि उत्पादन वस्तुमा कमी आउने छ ।

प्रदेश सरकारले अब रोजगारी र उत्पादनमा विषेश जोड दिएर बजेट ल्याउने र गाउँ गाउँमा गएका डोजरले काम दिन नसकिने बताए । अहिले त विकास भने डोजरले बाटो खन्ने मात्रै भएको छ । स्थानीयको रोजगारी गुमेको छ उनले भने, युवालाई गाउँमै रोजगारी दिने गरेर बजेट ल्याउने तयारी छ ।

प्रकाशित मिति: शनिबार, वैशाख २०, २०७७ १९:२२