इरफान खानको मृत्युपछि पत्नीको पहिलो भावुक प्रतिक्रिया

A+ A A-

बलिउड अभिनेता इरफान खान अब यो संसारमा नरहेपनि उनी फिल्मको माध्यमबाट सबैको मनमा छन् । ५३ वर्षको उमेरमा नै क्यान्सर रोगका कारण उनको मृत्यु भएको हो ।

उनी पछिल्लो अढाई वर्षदेखि क्यान्सर रोगसँग लडिरहेका थिए । उनको परिवारका लागि यो निकै दुःखद घडी हो । इरफान खानको मृत्युपछि उनको परिवारका तर्फबाट पहिलोपटक आधिकारिक धारणा बाहिर आएको छ ।

उनकी पत्नी सुतापा र दुवै छोरा बाबिल र अयानका तर्फबाट जारी गरिएको वक्तव्य ट्विटरमार्फत सार्वजनिक गरिएको छ ।

इरफानको परिवारका तर्फबाट आएको वक्तव्यमा भनिएको छ, ‘हामी यसलाई पारिवारिक बयान कसरी भन्ने जबकि पूरै संसारले व्यक्तिगत नोक्सानी मानिरहेको छ ? हामी एक्लो कसरी महसुस गर्न सक्छौं जब हामीलाई लाखौं मानिले सान्त्वना दिइरहेका छन् र हाम्रो साथमा उभिएका छन् । हामीले गुमाएको भन्दा पनि पाएका छौं भन्ने कुरा तपाईहरुलाई भन्न चाहन्छौं । हामी त्यो पाएका छौं, जुन हामीले उनीबाट सिकेका थियौं ।’

इरफानकी पत्नी सुतापाले भनेकी छन्, ‘उनलाई मैले मेरो जीवनबाट गुमाएको छु । पूर्णताका लागि उनको कोशिस मेरा लागि धेरै ठूलो र महत्वपूर्ण छ । एक लय थियो, जो उनले हरेक वस्तुमा देखेका थिए । हाम्रो जिन्दगी अभियनको मास्टर क्लास थियो । डाक्टरको रिपोर्ट एक स्क्रिप्टजस्तो जस्तो थियो, जसमा म सबै राम्रो होस् भन्ने चाहन्थेँ । यस क्रममा धेरै राम्रा मान्छेहरुसँग कुराकानी भयो ।’

वक्तव्यमा उनले इरफानको उपचारमा संलग्न सबै चिकित्सकहरुलाई धन्यवाद दिइएको छ ।

सुतापाले भनेकी छन्, ‘यो सम्झन पनि कठिन छ कि हाम्रो यात्रा कति शानदार, रोमाञ्चक र दर्दनाक भयो । हामी एकसाथ भएको ३५ वर्ष भइसकेको थियो । यो विवाह भन्दा पनि मिलन थियो । म आफ्नो सानो परिवारलाई हेर्छु, मेरा दुवै छोरा बाबिल र अयान । इरफान उनीहरुलाई सही बाटो सिकाउँदै भन्थे, ‘त्यहाँ होइन, यहाँबाट मोड’ । तर जिन्दगी सिनेमा होइन, न त यहाँ कुनै रिटेक लिन सकिन्छ ।’

प्रकाशित मिति: शनिबार, वैशाख २०, २०७७ १५:०६