९ लाख बढीको स्वास्थ्य सामग्री सहयोग

A+ A A-

प्रदेश-१ को सामाजिक विकास मन्त्रालयले कोरोना भाइरसविरुद्ध लड्न जिल्ला स्वास्थ्य कार्यालयलाई स्वास्थ्य सामग्री सहयोग गरेको छ । प्रदेशको सामाजिक विकास मन्त्रालयले स्वास्थ्य कार्यालय ५ लाखभन्दा बढीको विभिन्न स्वास्थ्य सामग्री सहयोग गरेको सामाजिक विकास मन्त्रालयलका सभापति सरीता थापा खड्काले जानकारी दिइन् ।

प्रदेशको सामाजिक मन्त्रालयले जिल्ला स्वास्थ्य कार्यालयलाई ३ सय ६० थान किट, इन्फ्रारेड थर्मोगन ३ थान, पिपिई सेट ५० थान, एन ९५ मास्क ५० थान, क्लोरिन, ग्लोसलगायतका स्वास्थ्य सामग्री सहयोग गरेको सभापति खड्काले बताइन् । प्रदेश सरकारले उपलब्ध गराएको ३ सय ६० थान किटको मूल्य ५ लाख बरावरको रहेको स्वास्थ्य कार्यालयका प्रमुख रमेश बाह्रकोटीले बताए ।

हेल्पिङ हेण्डस् सामुदायिक अस्पताल काठमाडौंका सञ्चालक डाक्टर गुप्त बहादुर श्रेष्ठले ४ लाखभन्दा बढीको स्वास्थ्य संस्थाहरुलाई स्वास्थ्य सामग्री सहयोग गरेका छन् । डाक्टर श्रेष्ठले जिल्ला समन्वय समिति मार्फत अत्यावश्यक अक्सिजन कन्र्सन्टेटर सहितको सामग्रीहरु उपलब्ध गराएका छन् ।

स्वास्थ्य समाग्रीहरु शुक्रबार एक कार्यक्रमका विच जिल्ला समन्वय समितिले सम्बन्धीत स्वास्थ्य कार्यालयहरुलाई हस्तान्तरण गरेको हो । डाक्टर श्रेष्ठले ताम्कु प्राथमिक स्वास्थ्य केन्द्र, नुम प्राथमिक स्वास्थ्य केन्द्र, वाना प्राथमिक स्वास्थ्य केन्द्र र चैनपुर प्राथमिक स्वास्थ्य केन्द्रलाई अत्यावश्यक अक्सिजन कन्र्सन्टेटर, निबुलाईजर, पल्स ओक्सीमिटर, आस्थालिन सोलुसन, पिपिई सेट, एन ९० मास्क लगायतका ९ प्रकारका सामग्री सहयोग गरेका छन् ।

डाक्टर श्रेष्ठले एक प्राथमिक स्वास्थ्य केन्द्रलाई करिव डेढ लाख रुपैयाँ बराबरको सामग्री सहयोग गरेको अस्पताल विकास समितिका अध्यक्ष सुमन शाक्यले जानकारी दिए ।