किन गर्‍यो ट्रम्पको कार्यालयले भारतका राष्ट्रपति र प्रधानमन्त्रीलाई ट्विटमा अनफलाे ?

किन गर्‍यो ट्रम्पको कार्यालयले भारतका राष्ट्रपति र प्रधानमन्त्रीलाई ट्विटमा अनफलाे ?

A+ A A-

अमेरिकी राष्ट्रपति कार्यालय व्हाइट हाउसले भारतका राष्ट्रपति रामनाथ कोविन्द र प्रधानमन्त्री नरेन्द्र मोदीको ट्विटर अकाउन्ट अनफलो गरेको छ ।

भारतका प्रमुख व्यक्ति तथा संस्थाको ट्विटर अकाउन्ट अनफलो भएपछि भारतसँग अमेरिकाले किन यस्तो व्यवहार गर्‍यो भन्ने चर्चा भएको थियो ।

तर अमेरिकाले यसबारे प्रष्टिकरण दिँदै राष्ट्रपतिको भ्रमणका क्रममा सन्देशहरूलाई रिट्विट गर्न सजिलो होस् भन्नका लागि मात्रै यस्ता अकाउन्टहरू फलो गर्ने गरेको जवाफ दिएको छ ।

फेब्रुअरीको अन्तिम साता अमेरिकी राष्ट्रपति डोनाल्ड ट्रम्पको भारत भारत भ्रमणका क्रममा ह्वाइट हाउसको ट्विटर ह्यान्डलबाट राष्ट्रपति रामनाथ कोविन्द, प्रधानमन्त्री नरेन्द्र मोदी, प्रधानमन्त्री कार्यालय, अमेरिकास्थित भारतीय दूतावास, भारतस्थित अमेरिकी दूतावास र राजदूत केन जस्टरको ट्विट फलो गरिएको थियो ।

तर, यसै साताको सुरुमा यी सबै ६ वटा अकाउन्ट अनफलो भएका हुन् । अमेरिकी सरकारका एक वरिष्ठ अधिकारीले भनेका छन्, ‘व्हाइट हाउसको ट्विटर अकाउन्टबाट सामान्यतः अमेरिकी सरकारका ट्विटर अकाउन्टलाई फलो गर्दछ ।

उदाहरणका रूपमा राष्ट्रपतिको यात्राका क्रममा छोटो अवधिका लागि भ्रमण भएको देशका अधिकारी, नेताहरूको अकाउन्ट फलो गरिन्छ ताकि यात्राको समर्थनमा गरिने ट्विटलाई रिट्विट गर्न सकियोस् ।’

भारतमा ट्विटर अकाउन्ट अनफलो भएकोमा राजनीतिक वृत्तमा समेत चर्चा भएको थियो । कांग्रेस नेता राहुल गान्धीले ट्विट गर्दै ह्वाइट हाउसले ट्विटरमा भारतीय राष्ट्रपति र प्रधानमन्त्रीलाई अनफलो गरेकोमा आफू निरास भएको उल्लेख गरेका थिए ।

प्रकाशित मिति: बिहीबार, वैशाख १८, २०७७ १६:१७