कोरोना उपचारमा संलग्न डाक्टरले किन गर्छन् आत्महत्या ?

A+ A A-

कोरोना भाइरस (कोभिड–१९)का कारण विश्वभर सयौं स्वास्थ्यकर्मी समेत संक्रमित भएका छन् भने दर्जानौंको मृत्यु भएको छ । तर कतिपय स्वास्थ्यकर्मीले भने आत्महत्या गरेका घटनाहरु समेत बाहिर आएका छन् ।

यसै क्रममा अमेरिकामा कोरोना भाइरसको उपचारमा संलग्न एक डाक्टरले आत्महत्या गरेकी छन् । प्रहरीले आइतबार उनको निधन भएको जनाको मृत्यु भएको जनाएको छ ।

न्युयोर्कमा कोरोना संक्रमितको उपचारमा संलग्न चिकित्सक लार्ना ब्रीन म्यानहटनको न्युयोर्क–प्रेसबिटेरियन एलेन अस्पतालमा इमरजेन्सी डिपार्टमेन्टकी निर्देशक थिइन् । लार्ना ब्रीनका बाबु डाक्टर फिलिप ब्रिनको भनाई उदृत गर्दै न्युयोर्क टाइम्सले लेखेको छ, ‘उनले आफ्नो काम गर्ने कोशिस गरिन् त्यही भएर उनको हत्या भयो ।’

अमेरिकामा कारोना भाइरसका कारण मृत्यु भएका ५९ हजार २६६ सयको मृत्यु भएकोमध्ये न्युयोर्कमा मात्रै २३ हजारभन्दा बढीको मृत्यु भएको छ ।

कोरोना संक्रमित भएकी थिइन्

४९ वर्षीया फिलिप ब्रीनले आफ्नी छोरी कुनै मानसिक बिरामी नभएको बताएका छन् । उनको मृत्यु भर्जिनियाको शैरलट्सभिलमा भएको हो ।

लार्नाका बाबुका अनुसार उनी कोरोना संक्रमितको उपचार गर्दा उनी आफैं संक्रमित हुन पुगेकी थिइन् । उनी एक साताको उपचारपछि काममा फर्र्किएकी थिइन् । तर अस्पतालले उनलाई पुनः घर फर्काएको थियो ।

डा.फिलिपले आफ्नी छोरीसँग अन्तिम पटक कुराकानी गर्न उनको बोलीमा धेरै भिन्नता पाएको बताएका छन् । लार्नाले कोरोना संक्रमितको कसरी मृत्यु भइरहेको छ भन्नेबारेमा पनि बताएकी थिइन् । उनीहरु एम्बुलेन्सबाट निकाल्नुअघि नै लगभग मरिसकेका हुन्थे । मेनहटनको दुई सय शै्ययाको अस्पतालमा दर्जनौं बढी कोरोना संक्रमित छन् ।

डाक्टर लार्नाका बाबुको भनाई उदृत गर्दै न्युयोर्क टाइम्सले लेखेको छ, ‘उनी फ्रन्ट लाइनमा काम गर्दागर्दै बिचलित भएकी थिइन् । एक हिरोका रुपमा उनको सम्मान हुनुपर्छ ।’

उनी परिवारसँग अति घुमिल हुन्थिन् भने स्कीइङ र साल्सा डान्स मन पराउँथिन् । उनी हरेक साता वृद्धाश्रम जान्थिन् ।

न्युयोर्क–प्रेसबिटेरियन एलेन अस्पतालले एक विज्ञप्तिमा भनेको छ, ‘डाक्टर ब्रीन एक हिरो थिइन् । जसले आपतकालीन विभागको फ्रन्टलाइनको चुनौतिपूर्ण कामका लागि उच्चतम आदर्श स्थापित गरिन् ।’

डा.लार्ना ब्रीनका् मृत्यु भएको पुष्टि गर्दै शैरलट्सभिल प्रहरीले एक प्रेस विज्ञप्तिमा उनलाई ‘हिरो’ भनेर उच्चारण गरेको छ । प्रहरीले २६ अप्रिलमा उनकोबाट सहयोगका लागि फोन आएको र उनलाई उपचारका लागि अस्पताल लगिएको तर उनको मृत्यु भएको प्रहरीले बताएको छ ।

प्रहरी प्रमुख राशैल ब्रैकनेले विज्ञप्तिमा भनेका छन्, ‘कोरोना भाइरसविरुद्धको लडाईमा अग्रमोर्चामा रहेर काम गरिरहेका चिकित्सकहरु यसको मानसिक र शारीरिक प्रभावबाट अछुतो छैनन् । उनीहरु अत्यन्तै तनावमा काम गरिरहेका हुन्छन् र कोरोना भाइरसले अझै तनाव थपिदिएको छ ।’

पुरै अमेरिकामा कोरोना संक्रमितमध्ये एक तिहाइ न्युयोर्कमा रहेका छन् । न्युयोर्कमा करिब ८० लाख जनसंख्या छ ।

प्रकाशित मिति: बुधबार, वैशाख १७, २०७७ १४:५५