चीनको लक्ष्य कोरोना भाइरसले पूरा गरिदियो !

A+ A A-

कोरोना भाइरसका कारण संसारभरका धेरैजसो देशमा लकडाउन छ । त्यसैकारण धेरै देश र इलाकामा प्रदुषणको स्तर तुलनात्मक रूपमा कम भएको छ ।

चीनको अधिकांश समय धुलो र धुवाँले ढाक्ने उत्तरी प्रान्त हुबेईमा पनि हावा सफा भएको छ । प्रशासनले सो क्षेत्रको हावाको शुद्धताका लागि राखेको लक्ष्य पूरा गरेको छ ।

स्थानीय अधिकारीहरूले भने कोरोना भाइरसका कारण लकडाउन नगरीकनै यो लक्ष्य पूरा गर्ने लक्ष्य राखेका थिए ।

प्रान्तीय पर्यावरण ब्यूरोका उपप्रमुख ही लिताओले अक्टोबरदेखि मार्चको अवधिमा पीएम २.५ को औसतमा समग्रमा १५ प्रतिशतले कमी आएको छ । साथै, सल्फरडाइअक्साइडमा समग्रमा एकतिहाइ कमी आएको छ ।

पूरै चीनमा वातावरण प्रदूषणमा कमी आएको छ । गत वर्षको अन्त्यमा कोरोना संक्रमण देखिएपछि लकडाउन गरिएको थियो । त्यसपछि सडकमा सवारी र उद्योग कलकारखाना बन्द भएका थिए ।

विशेषज्ञले यसै कारण प्रदूषणमा कमी आएको विश्वास गरेका छन् । अझै पनि लाखौँ मानिसहरू घरमै रहेका छन् । जसका कारण सन् २०२० को सुरूवाती ३ महिनामा ३ सयभन्दा बढी फोक्सोमा नोक्सान पुर्‍याउने पीएम २.५ कणको मात्रा करिब १५ प्रतिशतले कमी भएको दाबी गरिएको छ ।

सांघाईमा विशालु ग्यासको उत्सर्जनमा पहिलो ३ महिनामा करिब २० प्रतिशतले कमी आएको छ भने वुहानमा मासिक औसत गतवर्षको तुलनामा १ तिहाइले कमी आएको छ ।

हुबेई प्रान्तकाे पर्यावरण ब्यूरोले प्रतिकूल अवस्थामा पनि आफ्नो निर्णयमा कायम रहेर सही पालना गरेका कारण स्थानीय स्तरमा प्रदूषण कमी गर्न सहयोग पुगेको बताएको छ ।

प्रकाशित मिति: आइतबार, वैशाख १४, २०७७ १२:५२