बेलायतमा कोरोनाको खोप भोलिदेखि मान्छेमा परीक्षण

A+ A A-

कोरोना भाइरसको खोपको परीक्षण बेलायतमा भोलिदेखि सुरु हुने भएको छ । स्वास्थ्यमनत्री म्याट हैनककले यो प्रक्रियाका बारेमा थप केही बताउँन नसकिएपछि बिहीबारदेखि कोरोनाविरुद्धको खोप परीक्षणको तयारी भएको जानकारी दिएका हुन् ।

उनले बेलायतमा अक्सफोर्डले निर्माण गरेको खोपको परीक्षण गरिन लागेको जानकारी दिए । बेलायतमा अक्सफोर्ड विश्वविद्यालयका वैज्ञानिकहरु कोरोना भाइरसको खोप पत्ता लगाउन कोशिस गरिरहेका छन् । उनीहरुले यो खोपबाट ८० प्रतिशतसम्म सफलता हात पर्ने विश्वास व्यक्त गरेका छन् ।

स्वास्थ्यमन्त्री हैनककले खोपको विकास परियोजनामा सामेल प्रत्येकका लागि २० मिलियन पाउन्ड दिने घोषणा गरेका छन् । अक्सफोर्डमा जेनर इन्स्टिट्युटको टिमले परीक्षण पूरा हुनुभन्दा पहिले नै खोप उत्पादनको योजना बनाइरहेको छ ।

सेप्टेम्बरसम्ममा १ लाख खोप उत्पादन गर्ने उसको लक्ष छ । इम्पिरियल कलेज अफ लण्डन पनि कोरोन भाइरसको खोप विकास गर्न कोशिस गरिरहेको छ । कोरोना भाइरस नियन्त्रणका लागि सामाजिक दुरी या खोपमात्रै विकल्प भएको बताइदै आएको छ ।

सोही कारण संसारभरी सामाजिक दुरी कायम गर्न लकडाउन गरिएको छ । बेलायतले खोप आविष्कारसँगै निर्माणका लागि समेत लगानी गरिरहेको छ । त्यसैले कुनै खोपले काम गरेमा त्यसको तत्काल उत्पादनका लागि समेत योजना बनाइएको स्वास्थ्यमन्त्रीको दाबी छ ।

बेलायती मेडिकल एसोसिएसनका अध्यक्ष डा.चान्द नागपालले घोषणाको स्वागत गरेका छन् । उनले संसारको सामूहिक प्रयासले छिट्टै खोप विकास गर्न सकिने विश्वास लिएको बताएका छन् ।

प्रकाशित मिति: बुधबार, वैशाख १०, २०७७ १३:०६