लुम्बिनी प्रादेशिक अस्पतालमा स्यानिटाइजर स्प्रे गर्ने स्वचालित उपकरण

A+ A A-

प्रोग्रेसिभ इन्जिनियरिङ एसोसिएशन पिनले लुम्बिनी प्रादेशिक अस्पताललाई स्यानिटाइजर स्प्रे गर्ने स्वचालित उपकरण उपलब्ध गराएको छ ।

उक्त उपकरण आइतबार प्रोग्रेसिभ इन्जिनियरिङ एसोसिएशनमा आवद्ध इन्जिनियरले प्रदेश ५ का समाजिक विकासमन्त्री सुदर्शन बराल र अस्पतालका मेसु डाक्टर राजेन्द्र खनाललाइ हस्तान्त्रण गरेका हुन् ।

प्रोग्रेसिभ इन्जिनियरिङ एसोसिएशनमा आवद्ध इन्जिनियरले बनाएको स्वचालित उक्त उपकरण बुटवलस्थित लुम्बिनी प्रादेशिक अस्पतालको गेटमा जडान गएको छ ।

विश्वभर महामारीको रूपमा फैलिएको कोरोना संक्रमणको जोखिमबाट अस्पताल प्रवेश गर्नेलाई जोगाउन सहयोग पुगोस् भन्ने उद्देश्यले गेटमा स्वचालित स्यानिटाइजर स्प्रे उपकरण जडान गर्दिएको एसोसिएशनका प्रदेश इन्चार्ज इन्जिनियर दुजेन्द्र बस्नेतले जानकारी गराए । ८० हजार मूल्यको उक्त उपकरण स्यानिटाइजर टनेल निःशुल्क उपलब्ध गरायएको हो । इन्जिनियर दीपक पाण्डेको नेतृत्वमा एसोशिएसनमा आवद्ध ८ जना इन्जिनियर मिलेर उक्त उपकरण निर्माण गरिएको हो ।

कोरानाको संक्रमणबाट जोगिन अस्पतालमा जाने चिकित्सक र नागरिकलाई सहज हुने अस्पतालका मेसु डाक्टर राजेनद्र खनालले बताए । स्यानिटाइजर टनेलले कम लिक्विइडबाट जति मानिस आवतजावत गरेपनि स्वचालित रूपमा आफैँ स्प्रे गर्नेछ ।

स्यानिटाइजर टनेलको सेन्सरले मान्छे आउना साथ स्प्रे गर्न सुरु गर्छ र ५ देखि ७ सेकेन्डमा मानिसको सबै शरीरमा सेनिटाजर गर्ने इन्जिनियर पाण्डेले जानकारी दिए । अटोमेटिक सेन्सर जडान भएको आधुनिक खालको उपकरणले कोरोना भाइरससँग लड्न सहज बनाउने प्रदेश ५ का सामाजिक विकासमन्त्री बरालले बताए ।

मन्त्री बरालले प्रदेश पांचका सबै प्रकारका उपकरण र ल्यावहरु सञ्चालन गरिने बताए । उनले स्वास्थ्य क्षेत्रका नयाँनयाँ प्रविधिबाट उपचार गर्ने गरी प्रदेश सरकारले पहल गरिरहेको बताए ।

प्रकाशित मिति: आइतबार, वैशाख ७, २०७७ १७:२९