नेशनल लाइफले बढायो कारोबार रकम, फेरी शुरु भयो टेलिकममा गिरावट

A+ A A-

शेयर कारोबारमा प्यान लगाउने धितोपत्र बार्डको बालहठ छताछुल्ल भएको छ । ५ लाख भन्दा बढीको शेयर कारोबार रकममा प्यान लाग्ने भनेर पहिलो विज्ञप्ति निकाले लगत्तै अर्को विज्ञप्ति निकालेर प्रतिकारोबार भनेर सच्याएको छ । अबदेखि एउटा कारोबार (खरिद वा बिक्रि) ५ लाख भन्दा बढी भएमा प्यान लाग्ने भएको छ । तर यसमा पनि दुविधा सिर्जना हुने भएको छ ।

यसमा दलाल कमिसन, अन्य शुल्क र लाभकर सहित हो कि हैन भन्ने अर्को प्रश्न खडा भएको छ । यसअघि जतिसुकै रकमको भए पनि क्रयमा मात्र प्यान लगाउने भनिएको थियो । स्मरण रहोस १० लाख भन्दा बढी रुपैयाँको शेयर कारोबारमा अनिवार्य प्यान लाग्दै आएको छ । त्यस्तै बैंक/बिमाको जतिसुकै कित्ता संस्थापक शेयर खरिद गर्दा पनि प्यान अनिवार्य पेश गर्नुपर्ने व्यवस्था रहेको छ ।

सरकारको महत्वाकांक्षी योजनाको रुपमा कार्यान्वयन हुन लागेको जनताको जलविद्युत कार्यक्रम अन्तर्गत त्रिशुली जलविद्युत कम्पनीमा प्रधानमन्त्री दम्पतीले शेयर आवेदन गरेका छन् । यस्ता अरु १८ आयोजना यसै गरि शेयर जारी गर्ने क्रममा रहेका छन् ।

बैंक मर्जको लहरमा वुटवलमा रहेको मिसन र तिनाउ विकास बैंक पनि थपिएका छन् । यसअघि शाइन र पुर्णिमा, नेपाल इन्भेष्टमेन्ट बैंक र जेविल्स, ग्लोबल र हाथवे फाइनान्सले विलय हुने सम्झौता गरिसकेका छन् ।

सूचीकरणमा रहेको वोमी लघुवित्त र सूचीकरण नभएको नागरिक लघुवित्त पनि गाभिन शुरु गरेका छन् । त्यस्तै सूचीकरण नभएका साधना लघुवित्त र आर्थिक सम्वृद्धि लघुवित्त पनि गाभिन सम्झौता गरिसकेकाछन् । लघुवित्तहरु उही समुहमा मात्र गाभिन सक्नेछन् । तर ‘क’ दखि ‘ग’ वर्गका संस्था भने जुनसुकैसँग गाभिन सक्छन् ।

गत असारमा ज्योति विकास बैंकसँग विलय हुने संझौता गरेको हाम्रो विकास बैंकको आगामी चैत १५ गतेबाट ज्योति विकास बैंकको नाममा एकीकृत कारोबार हुने मिति तोकिएको छ ।

साधारणसभा गर्ने क्रम चलिरहेको छ । तर बिमा कम्पनीले भने अहिलेसम्म पनि आर्थिक वर्ष २०७४/७५ को सभा आव्हान गरेका छैनन् । नेपाल, नेपाल क्रेडिट एण्ड कमर्श, कुमारी, सिभिल र सेन्चुरी बैंकले अहिलेसम्म सभा आव्हान गरेका छैनन् । सेन्चुरी बैंकले लाभांश घोषणा गरेको छ । नेपाल क्रेडिट एण्ड कमर्श, कुमारी र सिभिलले आर्थिक वर्ष २०७३/७४ देखिकै सभा गरेका छैनन् ।

लगातार शेयर मूल्यमा गिरावट आइरेह्को नेपाल टेलिकमको मूल्य गत हप्ता बढे पनि यस हप्ता भनेघटेको छ । यस हप्ताको अन्तिम दिन ६ सय ७७ रुपयाँमा बन्द भएको छ । संचारमन्त्री गोकुलप्रसाद बाँस्कोटाले २६ प्रतिशत शेयर बिक्री गर्ने कुरा बताएदेखि नै यसको मूल्यमा लगातार गिरावट आइरहेको छ । गत हप्ता नेपाल दूरसञ्चार प्राधिकरणको २१औं वार्षिकोत्सवमा लगानी सम्मेलन आसपास रणनीतिक साझेदारसँग सम्झौता हुने बताएका छन् ।

यस हप्ता नेशनल लाइफ इन्सुरेन्सको संस्थापक शेयर कारोबार हुँदा कारोबार रकममा बढोत्तरी आएको छ । कम्पनीका १ लाख ९६ हजार कित्ता शेयर कारोबार हुँदा २१ करोड बराबरको रकम परिचालन भएको छ ।

यस हप्ताको सूचीकरण

यस हप्ता सूचीकरण भएका कम्पनी निम्न रहेका छन् । शिवम सिमेन्ट उत्पादन तथा प्रशोधन समुहको १९औं कम्पनी हो । नेप्सेको वेवसाइटमा यस समुहमा १८ वटा कम्पनी उल्लेख गरे पनि ६ वटा कम्पनी बाहेक अन्य कम्पनीको स्थिति अज्ञात जस्तै छ ।

त्यस्तै युनिभर्सल पावर कम्पनी जलविद्युत समुहको २६औं कम्पनी हो । दोलखाको तल्लो खारेमा ११ मेगावाट क्षमताको आयोजना निर्माण गरिरहेको छ । आगामी साउनबाट व्यवसायिक उत्पादन गर्ने विवरणपत्रमा उल्लेख गरेको छ ।

कम्पनी	प्रकार
शिवम सिमेन्ट कम्पनी	प्राथमिक
युनिभर्सल पावर कम्पनी	प्राथमिक
डिप्रोक्स लघुवित्त	बोनस
साना किसान लघुवित्त	बोनस
सिटिजन्स बैंक	बोनस
एनएमवी बैंक	बोनस
वुटवल पावर कम्पनी	बोनस

यस हप्ता र अगिल्लो हप्ताको बजार संक्षेप

विषय	यस हप्ता	अगिल्लो हप्ता	फरक
पूँजीकरण (रु.)	अप्राप्य	१४,११,८९,१४,५०,०००
कारोबार रकम (रु.)		१,९५,६०,२०,०००
दैनिक कारोबार (रु.)		३९,१२,००,०००
कारोबार (संख्या)		२७,१७४
नेप्से सूचक	१,१४०.६	१,१५५.४६	-१४.८६ अंक

उच्च पूँजीकरण भएका १० कम्पनी

कम्पनी	यो हप्ता		गत हप्ता
कम्पनी	पूँजीकरण	अन्तिम मूल्य	पूँजीकरण	अन्तिम मूल्य
नेपाल दूरसञ्चार	१,०१,५५,००,००,०००	६७७	१,०,२७,५०,००,०००	६८५
नबिल बैंक	५७,०७,४०,७७,७५०	७१०	५७,४७,६०,०७,८७५	७१५
नेपाल इन्भेष्टमेन्ट बैंक	५६,३२,०१,०९,२१०	५३०	५६,७४,५१,६६,६३८	५३४
नेपाल लाइफ इन्सुरेन्स	४७,१७,९०,४३,८७८	१,०७३	४८,७१,७९,६८,८८८	१,१०८
स्ट्याण्डर्ड चार्टर्ड बैंक	४५,७४,५२,६८,७२६	५७१	४५,९८,५६,११,६४४	५७४
एभरेष्ट बैंक	४४,३०,८२,८७,६२४	५५२
हिमालयन बैंक	३७,४८,७६,३६,८०२	४६२
एनआईसि एसिया बैंक	३१,७२,२९,१२,१५०	३९५
नेपाल एसविआई बैंक	३१,५४,३८,६८,७७६	३९२
एनएमवि बैंक	२८,०६,७५,४७,२८२	३२१

कारोबार रकमका हिसाबले १० स्थानमा रहेका कम्पनी

कम्पनी	रकम
नेशनल लाइफ इन्सुरेन्स (संस्थापक)	२१,००,००,०००
नेपाल लाइफ इन्सुरेन्स	९,३९,७०,०००
नेपाल क्रेडिट एण्ड कमर्श बैंक	९,२६,४०,०००
अपर तामाकोशी	८,२५,२०,०००
प्रभू बैंक	७,७४,५०,०००
एनआईसि एसिया बैंक	६,७८,६०,०००
माछापुच्छ्रे बैंक	६,०८,७०,०००
एनएमवि बैंक	५,१९,२०,०००
नागरिक लगानी कोष	४,८१,८०,०००
नेशनल लाइफ इन्सुरेन्स	४,५३,४०,०००

कारोबार भएका शेयर संख्याको हिसाबले १० कम्पनी

कम्पनी	संख्या
नेपाल क्रेडिट एण्ड कमर्श बैंक	४,३३,०००
अपर तामाकोशी	३,४७,०००
प्रभू बैंक	३,३०,०००
माछापुच्छ्रे बैंक	२,७७,०००
सिभिल बैंक	२,४५,०००
जनता बैंक	२,०४,०००
नेशनल लाइफ (संस्थापक)	१,९६,०००
नेशनल हाइड्रोपावर	१,७०,०००
एनआईसि एसिया बैंक	१,७०,०००
एनएमवि बैंक	१,६१,०००

कारोबार संख्याका हिसाबले १० कम्पनी

कम्पनी	कारोबार संख्या
अपर तामाकोशी	२,६५८
प्रभू बैंक	९५५
नेपाल लाइफ इन्सुरेन्स	८७१
नेपाल क्रेडिट एण्ड कमर्श बैंक	७९७
एनआईसि एसिया बैंक	७०८
एनएमवि बैंक	६५५
माछापुच्छ्रे बैंक	५४२
सिभिल बैंक	५३४
नेपाल इन्भेष्टमेन्ट बैंक	५२३
चौतारी लघुवित्त	४९२

आगामी हप्ताको साधारणसभा

कम्पनी	सभा	प्रस्ताव	सभास्थल
मितेरी डेभलपमेन्ट बैंक	चैत्र ९ गते	१७ प्रतिशत बोनस	गोर्खा किचेन धरान-८, सुनसरी
एक्सेल डेभलपमेन्ट बैंक	चैत्र ११ गते	१७ प्रतिशत नगद लाभांश र कप्रद	होटेल होलिडे होम, विर्तामोड, झापा
साल्ट ट्रेडिङ कर्पोरेसन	चैत्र ११ गते	२५ प्रतिशत बोनस र १० प्रतिशत नगद	त्रिभुवन आर्मी अफिसर्स क्लब
कृषि बैंक	चैत्र १५ गते	१५ प्रतिशत नगद र ६ प्रतिशत बोनस	कृषि विकास बैंक तालिम केन्द्र बोडे, भक्तपुर
नागवेली लघुवित्त	चैत्र १५ गते	९.३८ प्रतिशत बोनस	होटेल हेभेन, विर्तामोड, झापा
नेशनल लाइफ इन्सुरेन्स (आव २०७३/७४)	चैत्र १५ गते	१३.५ प्रतिशत बोनस	केन्द्रीय कार्यालय भवन, लाजिम्पाट

आगामी हप्ताको बुक क्लोज

कम्पनी	बुक क्लोज	प्रस्ताव
मिथिला लघुवित्त	चैत्र ११ गते	१० दशमलव ४५ प्रतिशत बोनस शेयर
सामुदायिक लघुवित्त	चैत्र ११ गते	संचालक निर्वाचन
हाथवे फाइनान्स	चैत १३ गते	हकप्रद रद्द गर्ने
मितेरी डेभलपमेन्ट बैंक	फाल्गुन १५ गते	१७ प्रतिशत बोनस
ग्रीन डेभलपमेन्ट बैंक	चैत १५ गते	कार्यक्षेत्र थप

सार्वजनिक निष्कासन

त्रिशुली जलविद्युत लिमिटेड	चैत्र ११ गतेसम्म	प्राथमिक
एनएमवि बैंक (१० प्रतिशत)	चैत्र १४ गतेसम्म	ऋणपत्र
ग्लोबल बैंक (१० प्रतिशत)	चैत्र १४ सम्म	ऋणपत्र

लिलामी शेयर

प्राथमिक र हकप्रद बाहेक लिलामीबाट पनि शेयर प्राप्त गर्न सकिने हुन्छ | लिलामी बिभिन्न कारणले हुनसक्छ ।

कम्पनी	प्रकार		बोलपत्र पेश गर्ने मिति
कम्पनी	साधरण	संस्थापक	बोलपत्र पेश गर्ने मिति
जेविल्स फाइनान्स	-	३,४०,९५५	चैत्र ५ देखि १३ गतेसम्म
सानिमा बैंक लिमिटेड	-	२७,१८,८३५	चैत ७ देखि चैत २५ गतेसम्म

अन्य गतिविधि

सरकारले नेपाल बैंकमा गंगाप्रसाद ज्ञवालीलाई संचालक मनोनयन गरेको छ ।

माउन्टेन हाइड्रो नेपाल लिमिटेडले भिबोर क्यापिटललाई शेयर रजिष्ट्रार नियुक्त गरेको छ । कम्पनीले गत हप्ता साधारण शेयर बाँडफाँड गरेको थियो । कम्पनीले पाँचथर जिल्लाको हेवा खोलामा २२ मेगावाटको आयोजना निर्माणको अन्तिम चरणमा पुर्याएको छ ।

धितोपत्र वोर्डले गणपति माइक्रोफाइनान्सलाई शेयर जारी गर्न अनुमति दिएको छ | कम्पनीले ३ लाख ३५ हजार कित्ता साधारण शेयर जारी गर्न अनुमति पाएको हो ।

नेशनल माइक्रोफाइनान्स, सिन्धु विकास बैंक, कावेली विकास बैंक, सांग्रिला डेभलपमेन्ट बैंकले बोनस शेयर दर्ता गराएका छन् ।

प्रकाशित मिति: शनिबार, चैत ९, २०७५ ०१:३६