असामान्य अवस्थाले शेखरको प्रतीक्षाको घडी टर्‍यो, पल्टाए ३ वर्ष पुरानो तस्वीर

असामान्य अवस्थाले शेखरको प्रतीक्षाको घडी टर्‍यो, पल्टाए ३ वर्ष पुरानो तस्वीर

A+ A A-

शेखर गोल्छाले विगत तीन वर्षदेखि पर्खेका थिए आजको दिन । तर, अवस्था सामान्य रहेन । नेपाल उद्योग वाणिज्य महासंघले चैत २८ र २९ (हिजो र आज) लाई आफ्नो साधरण सभा बोलाएको थियो । साधरणसभाले अहिलेका वरिष्ठ उपाध्यक्ष शेखरलाई नै अध्यक्ष बनाउने निश्‍चित थियो । पर्खाइ मात्रै शेखरको टिममा को-को आउने भन्ने थियो ।

२९ चैत २०७६ मा अबीर र मालासहित महासंघको अध्यक्षको कुर्चीमा पुग्ने प्रतीक्षा गरेर बसेका शेखर अन्ततः यही दिन स्मरण मात्रै गरेका छन् । उनले वरिष्ठ उपाध्यक्षमा विजयी हुँदा लगाइदिएको अबिर र मालासहितको तस्वीर राखेर यो दिनको स्मरण गरेका हुन् ।

यदि अवस्था सामान्य भएको भए आजको दिन नेपाल उद्योग वाणिज्य महासंघले नयाँ नेतृत्व पाउने दिने हो गोल्छाले भनेका छन् यहाँहरूले तीन वर्षअघि मलाई दिनुभएको मतअनुसार मैले अध्यक्षको रूपमा कार्यकाल सम्हाल्ने तयारी गरिरहेको हुन्थे। महासंघको विधानले वरिष्ठ उपाध्यक्ष नै स्वत: अध्यक्ष बन्छ ।

शेखरले वरिष्ठ उपाध्यक्षको आफ्नो जिम्मेवारी पनि स्मरण गगरेका छन् वरिष्ठ उपाध्यक्षको हैसियतमा महासंघको विधान, निजी क्षेत्रको चाहान र मुलुकको आवश्‍यकता अनुसार काम गर्न सफल भएँ शेषरले भनेका छन् ।

महासंघका अर्को कार्यकालको लागि नेतृत्व गर्नको लागि वरिष्ठ उपाध्यक्षमा चन्द्र ढकाल र किरशोरकुमार प्रधानले उम्मेदवारी घोषणा गरिसकेका छन् ।

प्रधान अघिल्लो निर्वाचनमा गोल्छासँगै वरिष्ठ उपाध्यक्षमा पराजित भएका थिए भने ढकाल सर्वसहमत रूपमा महासंघको एशोसियट उपाध्यक्ष भएको थिए।

आगामी निर्वाचनको पदाधीकारीलगायत अन्य पदनमा पनि हालसम्म एक दर्जन व्यवसायीले उम्मेदवारी घोषणा गरिसकेका छन् । महासंघले चैत २८ र २९ गतेलाई तोकेको साधरणसभा १ महिना पर सारेर ७-८ जेठलाई तोकेको छ । तर, यथास्थितिमा ७-८ जेठमा पनि गर्न समस्या पर्न थालेको देखिएको छ ।

मुलुक पूर्णरूपमा लकडाउनमा रहेको छ । लकडाउन कहिलेसम्म लम्बने हो भन्ने निश्चितता छैन । महासंघको अध्यक्ष भवानी राणाले असमान्य परिस्थितिको सामाना गरेको कारण पदमा अहिले निरन्तर रहेको बताएकी छन् ।

सायद मैले आजको दिनमा पद हस्तान्तरण गरिसकेको हुन्थे होला, नोबेल कोरोना भाइरसको कारण हामीले तोकेको साधरणसभा गर्न पाएनौँ जसको कारण म अध्यक्षको रूपमा रहेकी छुँ ।

राणाले अध्यक्षको कुर्चीमा रहुन्जेलसम्म पदको गरिमा बुझेर काम गर्ने बताएकी छन् । साधरणसभापछि महासंघको अध्यक्षको जिम्मेवारी शेखर जीले नै सम्हाल्नु हुनेछ । तर, त्यतिन्जेलसम्म सिंगो टिमको सहयोग लिएर यो पदमा गरिमाअनुसार कामममा खटिनेछु, हिजो मात्रै निजी क्षेत्रको समस्या बोकेर अर्थमन्त्रीकोमा हामी पुगेका थियौँ राणाले भनिन् ।